Ai është emëruar kryeministri i ardhshëm i Francës, pasi Emmanuel Macron, synon të “ringjallë” presidencën e tij me një qeveri të re.

Në moshën 34-vjeçare, Attal është bërë kryeministri më i ri në historinë moderne franceze, duke kaluar edhe socialistin Laurent Fabius, i cili ishte 37-vjeç, kur u emërua nga François Mitterrand në 1984.

Attal pason Elisabeth Borne, e cila dha dorëheqjen pas 20 muajsh në detyrë.

Gabriel Attal, i cili aktualisht është ministër i Arsimit, do të kryesojë qeverinë franceze në zgjedhjet e rëndësishme të Parlamentit Europian në qershor.

Gabriel Attal, 34-vjeç, prej vitit 2017 ka pranuar se është në një lidhje dashurie me një partner, Stéphane Séjourné, me të cilin bashkëjeton.

Kështu ai bëhet kryeministri i parë jo vetëm në një moshë të re, por edhe kryeministri i parë që i përket komunitetit të LGBTQI.

The post Gabriel Attal, vetëm 34-vjeç kryeministri më i ri në historinë moderne franceze appeared first on Albeu.com.

I riu është arrestuar në Kurbin dhe do të ekstradohet drejt Italisë pasi ishte shpallur në kërkim ndërkombëtar nga ky shtet.

Mbi 34-vjeçarin rëndon akuza “Vjedhja në rrethana rënduese”.

Njoftim policie

Kurbin / Finalizohet në bashkëpunim me Interpol Tiranën, operacioni policor i koduar “Firenze”.

Kapet në Kurbin, dhe vihet në pranga me qëllim ekstradimin drejt Italisë,34 vjeç i kërkuar ndërkombëtarisht, për vjedhje në rrethana rënduese.

Shërbimet e Policisë, në vijim të punës intensive për lokalizimin dhe kapjen e shtetasve të kërkuar kombëtarisht dhe ndërkombëtarisht, mbështetur dhe nga inteligjenca informative, kanë finalizuar operacionin policor të koduar “Firenze”, si rezultat i të cilit u kap në Kurbin, shtetasi:

-Vis Lika alias Admir Rrika, 34 vjeç, banues në Kurbin.

Gjykata e Apelit Firenze, Itali e ka dënuar 34-vjeçarin, me 2 vite e 3 muaj burgim, për veprën penale “Vjedhja në rrethana rënduese”, parashikuar nga Kodi Penal italian. Arrestimi i këtij shtetasi është provizor, pasi vijojnë veprimet procedurale, nga Interpol Tirana, me qëllim ekstradimin e tij drejt Italisë.

Materialet procedurale i kaluan Prokurorisë pranë Gjykatës së Rrethit Gjyqësor Kurbin, për veprime të mëtejshme./albeu.com

The post EMRI/ Ishte në kërkim ndërkombëtar, arrestohet në Kurbin 34-vjeçari appeared first on Albeu.com.

Që prej 15 korrikut, një e mitur nga Gjilani është raportuar si e zhdukur nga familjarët e saj. Vajza e mitur është paraqitur dje në polici dhe ka deklaruar se gjatë kësaj kohe ka qenë duke bashkëjetuar me një burrë të moshës 34-vjeçare.

Para policëve, viktima ka deklaruar se gjatë kohës që ka bashkëjetuar me të, është keqtrajtuar nga i dyshuari. Policia nuk raporton për të arrestuar, ndërsa rasti vazhdon të hetohet.

Raporti i plotë:

BASHKËSI JASHTËMARTESORE ME PERSONIN NËN 16 VJEÇ | Gjilan 15.07.2022 – 14:00. Më 06.08.2022 ankuesja femër kosovare (e mitur) ka raportuar në polici se nga koha e cekur, kur nga familjarët e sajë ishte raportuar si e zhdukur, ka bashkëjetuar me një të dyshuar mashkull kosovar i moshës rreth 34 vjeç. Sipas ankueses në periudhën sa ajo kishte bashkëjetuar me të dyshuarin ai e kishte keqtrajtuar atë. Nuk raportohet për të arrestuar, thuhet në raportin e Policisë./albeu.com

The post U raportua si e zhdukur, e mitura u keqtrajtua nga i dashuri 34-vjeçar nga Gjilani appeared first on Albeu.com.