Xhemal Loka, kishte kërkuar gjykim të shkurtuar, por është refuzuar nga togat e zeza. Nga hetimet ka rezultuar se i dënuari ka ushtruar dhunë barbare ndaj bashkëshortes së tij, duke e çuar drejt aktit ekstrem.

Fillimisht u dyshua se Bedrie Loka kreu vetëvrasje, për shkak të postimeve bullizuese në TikTok.

Gjithashtu, Xhemal Loka akuzohet se ushtronte dhunë edhe ndaj fëmijëve, ndërsa ndaj tij ka nisur edhe një hetim i ri.

Vuajtia e dënimit të filloj nga data e arrestimit të tij dhe të kryhet në një burg të sigurisë së zakonshme.

Njoftimi i Gjykatës:

Lidhur me kërkesën tuaj të datës 05.02.2025 për informacion lidhur me ngjarjen (shkaktim i vetëvrasjes së të ndjerës B.L), në kuadër të interesit publik, kërkoni informacion mbi çështjen në shqyrtim pranë kësaj Gjykatës së Shkallës së Parë të Juridiksionit të Përgjithshëm Durrës, nga verifikimet e kryera në Sistemin ICMIS rezulton se:

Pranë kësaj Gjykate është regjistruar çështja penale Nr. 835 Akti, me objekt: “Akuzuar per veprat penale”Shkaktim i vetevrasjes”, Mbajtja pa leje dhe prodhimi i armeve,armeve shperthyese dhe i municionit”dhe “Mbajtja pa leje dhe proidhimi i armeve ,armeve shperthyese dhe i municionit”,parashikuar nga nenet 99,278/4 dhe 278/3 te K.Penal ne ngarkim te pandehurit Xh. L.”

Gjyqtari i çështjes- Sh.Liçaj.

Në përfundim të gjykimit, Gjykata me Vendimin Nr. 7499, datë 19.12.2024, ka Vendosur:

1. Deklarimin fajtor të të pandehurit Xh.L për kryerjen e veprës penale “Shkaktimi i vetëvrasjes”, parashikuar nga neni 99 i Kodit Penal dhe dënimin e tij me 7 (shtatë) vite burgim.

2. Deklarimin fajtor të të pandehurit Xh. L.për kryerjen e veprës penale “Mbajtja pa leje dhe prodhimi i armëve, armëve shpërthyese dhe i municionit”, parashikuar nga neni 278 paragrafi i katërt i Kodit Penal dhe dënimin e tij me 3 (tre) vite burgim.

3. Në aplikim të nenit 55 të Kodit Penal, bashkimi i dënimeve në një të vetëm, duke e dënuar përfundimisht me 10 (dhjetë) vite burgim.

4. Vuajtia e dënimit të filloj nga data e arrestimit të tij dhe të kryhet në një burg të sigurisë së zakonshme.

5. Në zbatim të nenit 190 pika 1 gërma “ç” të Kodit të Procedurës Penale provat materiale, të sekuestruara t’i kthehen personit që i takojnë, pasi vendimi të marrë formë të prerë.

6. Në zbatim të nenit 190 pika 1 gërma “a” të Kodit të Procedurës Penale provat materiale, të sekuestruara me procesverbal-Një armë zjarri automatike PPS me nr.89-0579; të kaloj në favor të shtetit pasi vendimi të marrë formë të prerë.

7. Në zbatim të nenit 190 pika 1 gërma “ç” të Kodit të Procedurës Penale provat materiale, të sekuestruara me procesverbal vlerat monetare 2800 (dymijë e tetëqind) Euro dhe 27’000 (njëzet e shtatë mijë) lekë, t’i kthehen personit që i takojnë, pasi vendimi të marrë formë të prerë.

8. Shpenzimet procedurale gjatë hetimeve paraprake si dhe ato gjyqësore i ngarkohen të pandehurit.

9. Kundër këtij vendimi mund të bëhet ankim në Gjykatën e Apelit të Juridiksionit të Përgjithshëm, brenda 15 (pesëmbëdhjetë) ditëve, duke filluar ky afat nga e nesërmja e njoftimit të vendimit të arsyetuar.

U shpall në Durrës, sot më datë 19.12.2024.

Gjykata e Shkallës së Parë e Juridiksionit të Përgjithshëm Durrës, shpreh gatishmërinë maksimale në kuadër të bashkëpunimit me Median, si dhe mbetemi të gatshëm për çdo sqarim apo eventualitet të mundshëm.

Duke ju falenderuar për mirëkuptimin.

The post Dhunonte bashkëshorten Bedrie Loka dhe e çoi drejt vetëvrasjes, Gjykata e Durrësit dënon me 10 vjet burg Xhemal Lokën appeared first on Albeu.com.

Këngëtarja, e cila kishte vite që jetonte në Zvicër, ishte prej kohësh në gjendje jo të mirë shëndetësore.

Prej vitesh ajo zotëroi skenën, si një këngëtare e papërsëritshme dhe e admirueshme për publikun. U rikthye në qytetin e lindjes, e derdhur në bronz, pranë qendrës kulturore, që mban emrin e saj.

Vaçe Zela, që në vitin 1962 ishte e para që fitoi Festivalin e Këngës me këngën “Fëmija i parë”.

“Falemnderit zotit që të pata! Ti ishe dashuria e jetës sime dhe do të jesh deri në frymën e fundit drita e shpirtit tim. Pa ty bota është më e varfër Mam”, shkruan Irma Rodiqi, vajza e këngëtares së madhe në një status në rrjetet sociale.

Në vitet e fundit të jetës, Vaçe Zela, e reduktoi në menyrë dramatike aktivitetin muzikor. Sidoqoftë ajo mbetet “Zëri” i jashtëzakonshëm që mbushte me energji skenat shqiptare.

Këngëtarja ikonë e skenës shqiptare, zëri befasues i forcës dhe virtuozitetit, fuqia vokale e një talenti magjepsës, mishëruan tek ajo pavdekësinë. Ishte dhe mbeti e papërsëritshme.

The post Sot 10 vite pa Vaçe Zelën, e bija: Pa ty bota është më e varfër Mam appeared first on Albeu.com.

Zbulimi u bë në 10 vjetorin e golit të minutës së fundit kundër Queens Park Rangers për të fituar titullin e Premier League në 2012.

Statuja e Agueros u krijua nga skulptori Andy Scott dhe qëndron përkrah atyre të ish-shokëve të tij të skuadrës Vincent Kompany dhe David Silva jashtë stadiumit Etihad.

“Statuja e përhershme e Agueros feston kontributin e tij të jashtëzakonshëm në suksesin e klubit, dhe në veçanti, rolin e tij kryesor në atë që ishte padyshim një nga momentet më të mëdha në historinë sportive për të cilën ai do të mbahet mend përjetësisht nga tifozët e Manchester City në mbarë botën.” lexoni një deklaratë të klubit.

Në vitin 2012, Manchester City kishte nevojë të fitonte në ditën e fundit të sezonit të Premier League për të ngritur titullin.

Ata po dështonin me rezultatin 2-1 në minutat e mbetura, përpara se Edin Dzeko të barazonte në kohën e fundit dhe më pas erdhi momenti i paharrueshëm i Agueros.

“Sinqerisht, është një gjë shumë e bukur për mua, të shoh veten 10 vite më parë është shumë prekëse”, tha ai.

“Në ato 10 vite kam mundur të fitoj shumë trofe dhe kam mundur ta ndihmoj klubin të bëhet një nga më të rëndësishmit në botë.

“I jam shumë mirënjohës klubit që e bëri këtë statujë në shenjë mirënjohjeje për karrierën time futbollistike në Manchester. Është diçka shumë e veçantë”.

Argjentinasi mbërriti në Manchester City nga Atletico Madrid në vitin 2011 dhe fitoi 15 trofe gjatë kohës së tij në Angli, duke përfshirë pesë tituj të Premier League./ h.ll/albeu.com

The post 10 vite nga goli që i dha fitoren e kampionatit, Manchester City zbulon statujën e Agueros (VIDEO) appeared first on Albeu.com.

Analizat e realizuara mbi tendencën e temperaturës mesatare vjetore në rang global (tokë-oqean) kanë treguar se dekada 2001 and 2010 rezulton me një anomali termike nga 0.77°C në 0.80°C mbi temperaturën mesatare vjetore të regjistruar gjatë periudhës (1960 – 1990) e konsideruar në rang global si periudhë me klimë normale. Kjo anomali rezulton të jetë e ndryshme në zona të caktuara të globit dhe konkretisht rajonet e Arktikut prezantojnë rritje të temperaturave të rendit më të lartë se rritja e mesatares globale.

Vlerësimet më të mira për tendencat e temperaturës mesatare vjetore në rang global i takojnë intervalit të vlerave [1.8, 4.0°C] mbi temperaturën mesatare globale të periudhës klimatike normale 1960 – 1990 bazuar në raportet më të fundit të Kombeve të Bashkuara (Intergovernmental Panel on Climate Change – The IPCC Assessment Report 2007)./meteoalb

The post Nga spostimi i stinëve deri tek fenomenet e çuditshme, si pritet të jetë moti 10-20 vitet e ardhshme appeared first on Albeu.com.