kosovë

ZYRTARE/ KQZ konfirmon se ka dështuar iniciativa për largimin e kryetarëve në Veri

Kryetari i Komisionit Qendror të Zgjedhjeve, Kreshnik Radoniqi, në konferencën e katërt me radhë, për procesin e votimit për apo kundër largimit të kryetarëve nga funksioni në komunat Leposaviq, Zubin Potok, Zveçan dhe Mitrovicë e Veriut, njoftoi se duke u mbështetur në të dhënat që kanë pranuar nga Komisionet Komunale të Zgjedhjeve, 23 Qendrat e Votimit janë mbyllur në orën 19:00.

Ai tha se iniciativa qytetare për largimin e kryetarëve të komunave Leposaviq, Zubin Potok, Zveçan dhe Mitrovicë e Veriut ka dështuar.

Radoniq tha se sipas të dhënave që janë pranuar nga Komisionet Komunale të Zgjedhjeve në këto katër komuna, numri i qytetarëve që kanë votuar në procesin e votimit për apo kundër largimit të kryetarëve nga funksioni i tyre, është si në vijim:

Në komunën e Leposaviqit kanë votuar 124 votues nga 13,674 apo 0.91%;

Në komunën e Zubin Potokut kanë votuar 18 votues nga 6,877 apo 0.26%;

Në komunën e Zveçanit nuk ka votuar asnjë votues nga 7,209 pra kemi 0%;

Në komunën e Mitrovicës së Veriut kanë votuar 111 votues nga 18,796 apo 0.59%.

“Duke u mbështetur në të dhënat e daljes së votuesve në këtë proces ju njoftojmë se nuk kanë votuar shumica e votuesve të regjistruar, siç kërkohet me nenin 72 të Ligjit për Vetëqeversjen Lokale në Republikën e Kosovës, pra nuk është arritur 50% i domosdoshëm, andaj konstatojmë se iniciativa qytetare për largimin e kryetarëve të komunave Leposaviq, Zubin Potok, Zveçan dhe Mitrovicë e Veriut ka dështuar”, ka thënë kryetari i KQZ-së.

Komisioni Qendror i Zgjedhjeve, thotë se përkundër sfidave, është angazhuar maksimalisht dhe ka ndërmarrë të gjithë hapat e nevojshëm për të organizuar procesin e votimit në këto komuna, duke dëshmuar përkushtimin e madh që qytetarëve t’iu mundësojë realizimin e të drejtës së tyre demokratike dhe ligjore.

“Në fund, dua të falënderoj të gjithë stafin, akterët tjerë institucional dhe vëzhguesit që ndihmuan KQZ-në në organizimin e këtij procesi. Gjithashtu, shprehim mirënjohje edhe për punën e mediave dhe informimin e vazhdueshëm që e ofruan nga terreni. Për të gjithë ata që duan të dinë rezultatin se si janë përgjigjur këta qytetarë në pyetjen e parashtruar – statistikat do t’ua ofrojë në ndërkohë Zëdhënësi i KQZ-së”, ka thënë ai.

Për ta shkarkuar kryetarin duhen 50 për qind +1 e qytetarëve në listëve e votuesve të votojnë në favor të largimit të kryetarit. Por, nëse gjatë votimit nuk arrihet shifra prej 50 për qind, nisma konsiderohet se ka dështuar dhe, sipas udhëzimit administrativ, një iniciativë e njëjtë mund të ndërmerret vetëm pas 12 muajsh.

Tags: kqz kosove

të fundit

Nuk ishte goma shkaku i aksidentit fatal të Diogo Jotas – zbardhen detaje të reja

Futbolli botëror vazhdon të jetë në zi pas lajmit tragjik për vdekjen e sulmuesit të Liverpoolit, Diogo Jota, dhe vëllait…

2 hours ago

Gjyqi i rrallë në Tiranë, e moshuara 82-vjeçare gjobitet sepse ushqen macet e rrugës

Këto janë macet që i kanë hapur probleme me autoritetet strehueses së tyre, Irinit. 82-vjeçarja jeton në Tiranë dhe ushqen…

2 hours ago

Abuzimet me energjinë, OSSH kontrolle në 1500 subjekte: 3 milionë kWh të rikuperuara

Vera ka nisur dhe kontrollet për abuzime me energjinë elektrike janë shtuar në zonat turistike, bregdetare dhe malore. Operatori i…

2 hours ago

Nico Williams i iku nga “duart”, Barcelona ka gati 100 milionë euro për sulmuesin e Serie A

Barcelona ditën e sotme mori një lajm shumë befasues prej Nico Williamsit. Ky i fundit vendosi të qëndrojë tek Athletic…

2 hours ago

Identiteti i Diogo Jotas u konfirmuar nga një provë kyçe e gjetur në vendin e aksidentit nga policia

Autoritetet spanjolle kanë konfirmuar se identiteti i Diogo Jotas, yllit të Liverpoolit, është verifikuar përmes targës së makinës së tij,…

2 hours ago

UEFA gjobit Barcelonën për shkelje të rregullave të Fair Play-it Financiar

Barcelona është gjobitur me një shumë marramendëse prej 15 milionë eurosh nga UEFA për shkelje të rregullave të Fair Play…

2 hours ago