Pas humbjes nga Drita, klubi i Feronikelit ka njoftuar se ka ndërprerë bashkëpunimin me Klodian Duron.
“Nikli” gjendet në pozitën e shtatë me 35 pikë, dy pikë larg nga zona e rrezikut, dhe kjo duket të jetë arsyeja kryesore e shkarkimit të ish-futbollistit të Kombëtares shqiptare.
Aktualisht, Feronikeli nuk ka arritur të fitojë në pesë ndeshjet e fundit.
Klubi ka bërë të ditur që tani e tutje, pozitën e trajnerit do ta marrë Faruk Elshani.
Më poshtë mund të shihni komunikatën zyrtare të klubit të Feronikelit.