kosovë

Zbulohen amanetet e fundit që Rexhep Qosja la para se të ndërronte jetë! Nipi publikon shkresën: Dua të varrosem afër gruas sime Shpresës, pa rituale fetare

Nipi i akademikut të njohur Rexhep Qosja, Valjet Qosja, ka publikuar amanetin e fundit të gjyshit të tij para se të ndërronte jetë në moshën 89-vjeçare, ku i ka lënë udhëzime për mënyrën se si dëshironte të përcillej për në banesën e fundit.

Sipas letrës së publikuar nga Valjetit, Rexhep Qosja ka kërkuar që varrimi i tij të bëhet pa rituale fetare dhe pa prani zyrtare.

Po ashtu, ai thekson se ceremonia duhet të jetë krejtësisht e thjeshtë, vetëm në praninë e familjarëve, pa fjalime, pa media dhe pa lule.

Një nga dëshirat më të ndjera të tij është që të prehet pranë bashkëshortes së ndjerë, Shpresës.

“Varrimin tim dua ta bëjnë vetëm familjarët e mi. Meqenëse jam kujdesur të jetoj thjesht, ashtu thjesht dua të jem edhe i varrosur: pa fjalime, pa medie, pa lule, afër varrit të gruas sime Shpresës”, shprehet ai në letrën e shkruar që më 30 prill 2016.

Postimi i Valjet Qoses:

Një letër për fundin.

Po e ndaj me ju si dëshmi e fjalës së tij, duke respektuar amanetin që më është besuar.

Valjeti

____________________________________________________

NIPIT TIM VALJETIT

I CILI U KUJDES PËR JETËN TIME DHE PREJ TË CILIT

KËRKOJ TË KUJDESET EDHE PËR VARROSJEN TIME

Meqenëse kam jetuar duke besuar në mendimin shkencor, në ngritjen shpirtërore e në përparimin shoqëror, që e bën të mundshëm ai, dua të jem i varrosur pa ritual fetar.

Meqenëse kam jetuar dhe kam menduar, në pjesën më të madhe të kohës, duke shprehur pikëpamje kritike ndaj sundimtarëve e pushteteve të tyre, dua të jem i varrosur pa kurrfarë pranie zyrtare.

Varrimin tim dua ta bëjnë vetëm familjarët e mi.

Meqenëse jam kujdesur të jetoj thjesht, ashtu thjesht dua të jem edhe i varrosur: pa fjalime, pa medie, pa lule, afër varrit të gruas sime Shpresës.

Vdes i qetë.

Meqenëse jetën, krijimtarinë mendore dhe veprimtarinë politike ia kam kushtuar lirisë, bashkimit dhe mirëqenies demokratike të popullit shqiptar mund të them se as Shqipërisë shtetërore e as Kosovës, të sotmes e ardhmërisë së tyre, nuk u kam mbetur borxh. Në qoftë se Kosova më ka mbetur borxh mua – këtë do të mund ta thonë historianët e ardhshëm të letërsisë, të kulturës e të mendimit politik shqiptar.

Nuk mendoj se vdes pa asnjë mëkat.

Meqenëse jam rritur, kam jetuar e kam punuar në kushte politike e shoqërore, që edhe pas çlirimit të Kosovës e të krijimit të shtetit të saj, ishin shumë të vrazhda, nuk mund të them se mospajtimet e mia të shprehura ishin gjithnjë të liruara prej disa gjykimeve e vlerësimeve më të ashpra se ç’do të duhej. Megjithatë, varrosjen e pres i bindur se kam jetuar, krijuar e vepruar duke bërë mirë, duke predikuar të mirën e duke përhapur njerëzillëkun.

Këto mendime i shkrova duke qenë i vetëdijshëm dhe mendjeqartë.

Gjyshi yt, Valjet

Rexhep Qosja

(nënshkrimi)

Prishtinë, 30.4.2016

të fundit

Paralajmërim për ndotjen me plumb/ Gjykata pezullon përkohësisht planin e ushtrisë për shpërthimin e 5 tonë eksploziv në Iowa

Një operacion i ushtrisë amerikane për shpërthimin e kontrolluar të rreth 5 tonëve material eksploziv në shtetin e Iowa-s është…

3 minutes ago

Defekti teknik në sistemin e Delta Airlines shkakton kaos në aeroportet e SHBA-së para Ditës së Falënderimeve dhe vonon mijëra fluturime

Kaos në trafikun ajror amerikan vetëm pak ditë përpara festës së Falënderimeve. Kompania ajrore Delta Air Lines është përballur të…

3 minutes ago

Goditje në kokë dhe gjobë 5 milionë lekë, dëshmia tronditëse e 16-vjeçarit të shoqëruar në protestë: Nuk e paguaj dot, s’më frikësojnë

Një dëshmi e fortë vjen nga protesta e zhvilluar në Tiranë, ku një 16-vjeçar ka treguar për mikrofonin e gazetarit…

4 minutes ago

Parashikimi për Kosovën: javë me ngrica, shi dhe borë në male, temperaturat deri në -8 gradë Celsius

Vranësira, reshje shiu dhe mundësi për borë në zonat malore, ndërsa ngricat e mëngjesit dhe mjegulla do të jenë të…

6 minutes ago

Takim në Tetovë mes Kurtit, Kasamit dhe Mexhitit për zhvillimet politike dhe projektet e përbashkëta

Kryetari i Komunës së Tetovës, Bilall Kasami së bashku me Izet Mexhitin, kanë pritur në takim kryeministrin e Kosovës, Albin…

14 minutes ago

UNICEF: Abuzimi seksual në internet prek 12 mijë fëmijë në Maqedoni

Rreth 12 mijë fëmijë të moshës 12–17 vjeç në Maqedoni janë ekspozuar ndaj abuzimit apo shfrytëzimit seksual në internet, tregon…

14 minutes ago