Categories: kosovë

Vizita e Jakup Krasniqit nën kritika për masat e sigurisë: Quhet spektakël i panevojshëm

Vizita katërditore e Jakup Krasniqit pranë familjes së tij në lagjen Velania të Prishtinës u shoqërua me masa të shtuara sigurie.

Në afërsi të banesës së tij u vunë re një autokolonë veturash policore dhe efektivë të armatosur me armë të gjata.

Të lidhura

None found

Megjithatë, numri i madh i forcave të rendit dhe mënyra e përcjelljes së tij u kritikuan nga Xhavit Jashari, kryetar i Shoqatës së Familjarëve të Dëshmorëve.

Jashari e cilësoi këtë veprim si spektakël të panevojshëm dhe ngriti pikëpyetje për rolin e institucioneve të Kosovës dhe Policisë së saj.

“Gjithë ky spektakël me gjithë ato forca është i papranueshëm për ne dhe shtrohet pyetja: A kemi shtet? Ku janë institucionet tona? Ku është policia jonë? Me gjithë këto forca të ruhet e të përcillet një personalitet si Jakup Krasniqi është tepër e rëndë, është fyese për kategoritë e luftës, është fyerje e rëndë emocionale dhe për familjen e Jakup Krasniqit”, deklaroi Xhavit Jashari.

Ndërkaq, njohësi i protokollit, Tomor Avdia, vlerëson se përcjellja e kësaj vizite duhej të realizohej nga Policia e Kosovës.

Sipas tij, misioni i EULEX-it nuk disponon kompetenca ekzekutive.

“Protokollet duhet të jenë të rregulluara në bazë të vendit dhe aty ku realizohen. Në këtë rast, misioni i EULEX-it në vendin tonë nuk ka të drejta ekzekutive, të cilat i ka humbur që nga viti 2018. Pra, është vetëm mision këshillëdhënës […] Në këtë rast, shteti ynë duhet t’i marrë përsipër të gjitha aktet protokollare”, vlerësoi Avdia.

Edhe avokati Ardian Bajraktari ka kritikuar praninë e shtuar policore gjatë vizitave të Krasniqit, duke e vlerësuar atë si joproporcionale dhe të panevojshme.

Bajraktari foli edhe për ndalimin e takimit të policisë së EULEX-it me vëllain e Jakup Krasniqit, duke theksuar se masat e ndërmarra nuk ishin në përputhje me nivelin e rrezikut.

“Ajo çka e ka karakterizuar këtë vizitë, por edhe vizitat e tjera paraprake, qoftë të z. Krasniqit, por edhe të tjerëve, ka qenë prezenca e shtuar e forcave policore, të cilat kanë qenë joproporcionale dhe të panevojshme, duke shpërfaqur një mendësi të natyrës paragjykuese, sepse rreziku në rastin e Krasniqit nuk ka qenë i tillë për të pasur një numër kaq të madh të forcave”, theksoi Bajraktari.

Përndryshe, Jakup Krasniqi është dënuar me 25 vjet burgim nga Gjykata Speciale në Hagë.

të fundit

Berisha për paralajmërimin e SHBA-së: S’ka kërcënim konkret ndaj Kosovës

Ambasada e Shteteve të Bashkuara të Amerikës në Kosovë ka publikuar një paralajmërim për sigurinë, duke u bërë thirrje qytetarëve…

7 seconds ago

Deklarata e pazakontë e Trump: “Jam i bekuar gjenetikisht” dhe reagimi i Vance e Rubios nën vëzhgimin e kamerave

Presidenti amerikan Donald Trump ka tërhequr vëmendjen gjatë një konference për shtyp në Shtëpinë e Bardhë, pasi deklaroi se është…

5 minutes ago

Greva në Belgjikë/ Anulohen shumica e fluturimeve në Aeroportin e Brukselit të hënën, preket edhe transporti publik

Shumica e fluturimeve të planifikuara në Aeroportin e Brukselit pritet të anulohen ditën e hënë, për shkak të një greve…

6 minutes ago

Inteligjenca artificiale nxjerr në pah një cenueshmëri kritike në një program të përhapur gjerësisht në internet

Nëse sot kontrolluat gjendjen e llogarisë bankare, rezervuat një fluturim apo porositët ushqime online, ka shumë gjasa që kërkesa juaj…

10 minutes ago

Arsenali rikuperon disavantazhin e dyfishtë, por nuk ia del të fitojë ndaj Newcastles

Arsenali është ndalur me barazim 2-2 në udhëtim te Newcastle United, në kuadër të javës së 11-të të Ligës Premier,…

12 minutes ago

Inteligjenca artificiale mund të ketë zbardhur një nga enigmat më të mëdha të matematikës

Misteri 167-vjeçar mund të marrë fund falë inteligjencës artificiale, matematikanët përballen me një zbulim historik Një matematikan që punon për…

12 minutes ago