Bahri Hyseni, kreu i Zyrës për Rikthimin e Aseteve dhe njëkohësisht prokuror në cilësinë e zëvendëskryeprokurorit të Shtetit, zhvilloi një seancë pune online me delegacionin e Institutit të Bazelit. Në këtë takim morën pjesë Rita Simões nga ekipi i kërkimit dhe politikave të ICAR-it, Peter Wilson bashkëdrejtues i programit nga Instituti i Bazelit për Qeverisje, si dhe ekspertët Albert Avdiu dhe Betim Nimani.
Në qendër të diskutimit ishin veprimtaritë e kryera nga Zyra për Rikthimin e Aseteve në muajt e fundit, vështirësitë e hasura dhe arritjet në proceset e identifikimit, gjurmimit, sekuestrimit dhe kthimit të pasurive të fituara në mënyrë të paligjshme.
None found
Një pikë kyçe e takimit ishte analizimi i koncept-dokumentit që parashtron domosdoshmërinë e përgatitjes dhe aprovimit të Ligjit për Rikthimin e Aseteve.
U nënvizua se vendosja e një kuadri ligjor të qartë përbën një parakusht për rritjen e efektivitetit institucional në trajtimin e çështjeve që lidhen me pasuritë e ardhura nga veprimtari të jashtëligjshme, si dhe për përputhjen me normat dhe praktikat më të avancuara ndërkombëtare.
Të dyja palët shprehën angazhimin e tyre për të vijuar partneritetin me synim realizimin e objektivave të përbashkëta në luftën kundër kriminalitetit. Gjithashtu, u dakordësua ofrimi i mbështetjes për Zyrën për Rikthimin e Aseteve në formën e vizitave studimore, trajnimeve profesionale dhe ekspertizës së specializuar.
Prokuroria e Posaçme Antikorrupsion ka kërkuar konfiskimin e pasurive me vlerë 9.1 milionë euro, të cilat dyshohet se lidhen me…
Këtë të mërkurë, kryetari i Partisë Demokratike, Sali Berisha, gjatë fjalës së tij në Kuvend për projektbuxhetin e vitit 2027,…
Radhë dhe pritje të gjata përsëriten çdo ditë në filialin e Postës Shqiptare në zonën e Plazhit në Durrës, ku…
Kryeministri i Kosovës, Albin Kurti, ka emëruar Fëllanza Podrimjen në pozitën e zëvendësministres në Ministrinë e Punëve të Jashtme dhe…
Shefja e Grupit Parlamentar të Lidhjes Demokratike të Kosovës ka deklaruar se ende nuk ka informacione se si do të…
Qytetarët janë paralajmëruar të kenë kujdes të shtuar gjatë ditës së nesërme, pasi Kosova pritet të përfshihet nga erëra të…