Dhomat e Specializuara të Kosovës në Hagë pritet të japin sot vendimin në çështjen e njohur si “Administrimi i Drejtësisë”. Në këtë proces janë të akuzuar ish-presidenti i Kosovës Hashim Thaçi, ish-drejtori i Agjencisë së Kosovës për Inteligjencë (AKI) Bashkim Smakaj, ish-kryetari i Malishevës Isni Kilaj, ish-ministri i Drejtësisë Hajredin Kuçi dhe Fadil Fazliu.
Seanca për shpalljen e aktgjykimit, sipas njoftimit të Gjykatës Speciale, është caktuar të fillojë në orën 10:00. Të pesë të akuzuarit pritet të marrin pjesë personalisht në sallën e gjyqit.
None found
Akuzat ndaj tyre lidhen me pengimin e drejtësisë, përfshirë ndërhyrje të pretenduara në dëshmitë e dëshmitarëve dhe shkelje të urdhrave të gjykatës.
Prokuroria pretendon se gjatë vizitave në qendrën e paraburgimit, Hashim Thaçi u ka përcjellë informacione konfidenciale për dëshmitarët e saj dhe është përpjekur të ndikojë në dëshmitë e tyre. Aktakuza përfshin gjithashtu pretendime se ish-ministri i Drejtësisë, Hajredin Kuçi, ka pasur kontakte të palejuara me dëshmitarë.
Gjyqi ndaj pesë të akuzuarve nisi më 27 shkurt 2026. Mbledhja e provave përfundoi më 5 gusht të po atij viti, ndërsa pas përfundimit të deklaratave të palëve, gjykatësi i vetëm e mbylli çështjen më 14 shtator 2026, duke i hapur rrugën shpalljes së aktgjykimit.
Vendimi i sotëm shënon një etapë me rëndësi në këtë proces, i cili ka tërhequr vëmendje të gjerë publike për shkak të personave të përfshirë dhe natyrës së akuzave.
Deri në shpalljen e aktgjykimit, të gjithë të akuzuarit vazhdojnë të gëzojnë prezumimin e pafajësisë.
Pesë komisione parlamentare do të zhvillojnë sot mbledhje dhe takime në Kuvendin e Republikës së Kosovës, ku në rend dite…
Kryeministri izraelit Benjamin Netanyahu po përballet me kërkesa për hetim, pas akuzave se një anëtar i stafit të tij ka…
Sot vendi ynë pritet të ndikohet nga kushte atmosferike të paqëndrueshme. Moti parashikohet me vranësira të cilat gradualisht do të…
Dashi Dashi mund ta nisë ditën me një dëshirë të fortë për të vepruar. Disa çështje që kanë mbetur pezull…
Gazetari i njohur Rami Mislimi ka shkruar një shkrim në TS ku pretendon se bashkëshortja e drejtorit të VLEN, Granit…
Gazetari i njohur Rami Mislimi ka shkruar një shkrim në TS ku pretendon se bashkëshortja e drejtorit të VLEN, Granit…