Categories: kosovë

SHKK miraton udhëzuesin e ri për monitorimin e planeve individuale të dënimit

Drejtori i Përgjithshëm i Shërbimit Korrektues të Kosovës, Ismail Dibrani, ka nënshkruar Udhëzuesin për Monitorimin e Zbatimit të Planit Individual të Dënimit. Dokumenti përcakton standardet, procedurat dhe përgjegjësitë institucionale për ndjekjen dhe rishikimin e planeve individuale të personave të dënuar.

Të lidhura

None found

Sipas udhëzuesit, planet individuale të dënimit nuk do të konsiderohen dokumente të pandryshueshme, por mjete pune që përditësohen dhe përshtaten gjatë gjithë periudhës së vuajtjes së dënimit. Rishikimi i tyre do të bëhet të paktën një herë në vit, ose më herët në rast se lind nevoja, bazuar në progresin dhe ndryshimet në rrethanat, rreziqet dhe nevojat e personit të dënuar.

Qëllimi i këtij dokumenti është krijimi i një qasjeje profesionale, të organizuar dhe multidisiplinare ndaj trajtimit të të dënuarve. Në këtë kuadër, secili prej tyre duhet të përfshihet në programe dhe veprimtari rehabilituese, arsimore, profesionale dhe të punës, të përcaktuara sipas nevojave, rreziqeve dhe vlerësimit individual.

Udhëzuesi është hartuar në përputhje me parimet dhe standardet e Rregullave Evropiane të Burgjeve të Këshillit të Evropës. Këto standarde kërkojnë hartimin e planit individual të dënimit, përfshirjen e personave të dënuar në procesin e planifikimit, vlerësimin e rregullt të rreziqeve dhe nevojave, si dhe përcaktimin e ndërhyrjeve rehabilituese të përshtatshme.

Një tjetër aspekt i rëndësishëm është përcaktimi i rolit të stafit profesional që angazhohet në zbatimin dhe monitorimin e planeve individuale të dënimit. Përmes qartësimit të këtyre përgjegjësive synohet përmirësimi i koordinimit institucional dhe forcimi i bashkëpunimit mes profesionistëve të fushave përkatëse.

Zbatimi i udhëzuesit shihet si një zhvillim i rëndësishëm për proceset e rehabilitimit, risocializimit dhe riintegrimit të personave të dënuar në shoqëri, si dhe për parandalimin e recidivizmit. Shërbimi Korrektues i Kosovës synon që, përmes një trajtimi të individualizuar dhe të bashkërenduar, të rrisë efektivitetin e ndërhyrjeve dhe të ndihmojë në përgatitjen e tyre për rikthim sa më të suksesshëm në shoqëri.

Shërbimi Korrektues i Kosovës ka shprehur mirënjohje për mbështetjen dhe kontributin profesional të zyrtarëve të Njësisë Korrektuese të EULEX-it, si dhe të prof. asst. Rita Selimi nga Departamenti i Punës Sociale i Universitetit të Prishtinës, të cilët kanë kontribuar në hartimin e këtij udhëzuesi.

Bashkëpunimi me këta partnerë ka ndihmuar në ndërtimin e një qasjeje të strukturuar dhe multidisiplinare, në përputhje me standardet evropiane dhe me synimin për përmirësimin e vazhdueshëm të shërbimeve rehabilituese.

të fundit

Kamberi before Serbian MPs: Albanians’ rights are not bargaining chips, nor are they exchanged for posts

Deputeti shqiptar në Kuvendin e Serbisë, Shaip Kamberi, ka deklaruar se të drejtat dhe barazia e shqiptarëve në Luginën e…

7 seconds ago

Abdixhiku opposes 2027 budget: without investment, social assistance is not enough for development

Kryetari i Lidhjes Demokratike të Kosovës (LDK), Lumir Abdixhiku, ka kritikuar sot projektbuxhetin 2027, duke thënë se politikat e Qeverisë…

26 seconds ago

Përfundon edhe dita e dytë e vizitës së Jakup Krasniqit në shtëpinë e tij në Prishtinë

Ish-kryetari i Kuvendit të Kosovës, Jakup Krasniqi ka përfunduar vizitën e ditës së dytë në familjen e tij në Prishtinë,…

3 minutes ago

Aktivistët hedhin hi mbi komisionerin e BE-së për Shëndetësinë në Bruksel dhe paralajmërojnë: “Ky është hiri i njerëzve që do të vrisni me pesticide

Një incident i pazakontë ka ndodhur në Bruksel, ku dy aktivistë kanë hedhur një substancë gri, që ngjante me hirin,…

8 minutes ago

Një javë pas Asamblesë, Rama mbledh të shtunën socialistët e Tiranës, çfarë pritet të ndodhë

Një javë pas Asamblesë së PS që solli zhvillime brenda kampit socialist, kryeministri Edi Rama, mbledh këtë të shtunë, 21…

16 minutes ago

Marjana Koçeku paralajmëron rikandidim për deputete, larg partive tradicionale dhe e hapur ndaj qasjeve të reja

Deputetja e pavarur Marjana Koçeku ka paralajmëruar se do të rikandidojë për deputete në zgjedhjet e ardhshme, duke theksuar se…

17 minutes ago