Presidentja e Republikës së Kosovës, Justina Shiroka Pula, ka pritur në takim ambasadoren e Kroacisë në Kosovë, Danijela Barishiq, me të cilën ka diskutuar për marrëdhëniet dypalëshe dhe mundësitë e zgjerimit të bashkëpunimit ndërmjet dy vendeve.
Gjatë takimit, siç bëhet e ditur në njoftimin e Presidencës, është riafirmuar miqësia ndërmjet Kosovës dhe Kroacisë, si dhe marrëdhëniet e shkëlqyera mes dy shteteve.
None found
Presidentja Shiroka Pula e ka vlerësuar Kroacinë si vend mik dhe mbështetëse të fuqishme të Kosovës, duke shprehur mirënjohje për përkrahjen e saj që nga vitet e luftës, njohja e pavarësisë dhe proceset e konsolidimit të shtetit.
Ajo ka kujtuar gjithashtu kontributin e shqiptarëve në luftën për lirinë e Kroacisë, duke e cilësuar atë si një urë të rëndësishme miqësie dhe afërsie ndërmjet dy popujve.
Në takim është vlerësuar edhe angazhimi i ambasadores Barishiq në forcimin e marrëdhënieve dypalëshe dhe thellimin e miqësisë ndërmjet Kosovës dhe Kroacisë.
Bashkëbisedimi është përqendruar edhe në mundësitë e konkretizimit të bashkëpunimit në fushën e mbrojtjes, drejtësisë, shëndetësisë, arsimit dhe shkencës, si dhe në zgjerimin e shkëmbimeve ekonomike e tregtare dhe investimeve.
Presidentja Shiroka Pula ka theksuar rëndësinë që marrëdhëniet e afërta politike dhe diplomatike të konkretizohen përmes projekteve në interes të qytetarëve të të dy vendeve.
Mbledhja e radhës e Kryesisë së Kuvendit të Kosovës do të mbahet më 23 nëntor, duke filluar nga ora 11:00.…
Prishtina do të jetë nikoqire e Drenicës në stadiumin ‘Fadil Vokrri’ me fillim nga ora 17:00 në kuadër të javës…
Edicioni i gjashtë i “Big Brother VIP Albania” pritet të rikthehet në ekranin e madh të Top Channel, në muajin…
Prokuroria Themelore në Gjakovë ka ngritur aktakuzë ndaj një personi me inicialet Ç.Zh., i cili dyshohet për kryerjen e veprës…
Gjykata Themelore në Prishtinë dënoi me nga 18 vjet burgim Ilir Abdullahun dhe Rrahim Abdullahun për vrasjen e rëndë në bashkëkryerje…
Nga spitali "8 Shtatori" njoftojnë se sot, më 20 nëntor 2026, rreth orës 10:35 të mëngjesit, punonjësit në katin e…