Ramush Haradinaj dhe deputetët e Aleancës i bashkohen protestës në shesh

Protestës së qytetarëve në shesh iu bashkua edhe deputeti i Aleancës, Ramush Haradinaj, së bashku me kolegë të tjerë të partisë së tij.

Qytetarët vazhdojnë të protestojnë që nga orët e para të mëngjesit të sotëm, dhe atyre tashmë u është shtuar edhe Haradinaj.

Para se të shkonte në shesh, Haradinaj ishte paraqitur edhe para medieve në një konferencë për shtyp.

Në atë konferencë ai kishte adresuar kritika ndaj veprimeve të policisë kundër protestuesve, si dhe kishte kërkuar që të votohet Ligji për Gjykatën Speciale.