Categories: kosovë

Prokuroria e Pejës nis hetime për zyrtarët e përmendur nga Arlinda Zekaj

Prokuroria Themelore në Pejë ka hapur hetime ndaj zyrtarëve të përmendur në parashtresën e Arlinda Zekajt, ka bërë të ditur zëdhënësi Shkodran Nikçi. Sipas tij, Zekaj kishte pretenduar se rasti i saj ishte shpërfillur nga një varg zyrtarësh.

Gjatë një konference për media, Nikçi sqaroi se parashtresa i ishte dorëzuar kryeprokurores. Në pjesën hyrëse të dokumentit, Zekaj kishte ngritur pretendime për neglizhencë institucionale, pretendime për të cilat tashmë janë ndërmarrë hetime.

Të lidhura

None found

Në lidhje me pjesën tjetër të parashtresës, zëdhënësi tha se viktimës i ishte garantuar e drejta për ta përdorur pronën. Vendimi i gjykatës, sipas tij, përcaktonte gjithashtu që bashkëshorti të mos i afrohej asaj në një distancë më të vogël se 2 metra.

Nikçi deklaroi se vendimi ishte zbatuar të enjten, në prani të policisë, ndërsa disa orë pas ekzekutimit të tij kishte shpërthyer një konflikt.

Ai tha se viktimës i ishte rekomanduar të mos shkonte në atë shtëpi, pasi kjo mund ta ekspozonte ndaj rrezikut.

Po ashtu, sipas tij, ishin thirrur edhe 2 vëllezërit e Arlinda Zekajt, me qëllim që ta bindnin të qëndronte në banesën e tyre derisa të gjendej një zgjidhje.

Arlinda Zekaj u vra të dielën në mbrëmje, në Vitomiricë të Pejës. Për vrasjen dyshohet kunati i saj, i cili, sipas të dhënave të bëra publike, vazhdon të jetë në arrati.

Informacionet e para bëjnë me dije se krimi ndodhi në një shtëpi dhe se viktima dyshohet të jetë vrarë me sëpatë.

Më 22 tetor, vetëm tri ditë para vrasjes, Zekaj i kishte dërguar një parashtresë kryeprokurores së Prokurorisë Themelore në Pejë. Në të, ajo kërkonte masa urgjente ndaj zyrtarëve të institucioneve përgjegjëse, duke pretenduar se ata nuk i kishin kryer detyrat zyrtare.

Dokumenti, i cili mban vulën e pranimit të datës 22 tetor, përmbante paralajmërimin e saj për rrezikun që i kanosej. Ajo kishte shprehur gjithashtu shqetësimin se institucionet mund të ndërhynin vetëm pasi të humbte jetën një person.

të fundit

Kosova dhe Irlanda përballen sërish: Dardanët fituan 1-0 në duelin e parë në “Fadil Vokrri

Kosova dhe Republika e Irlandës do të përballen sërish sonte, kësaj radhe në Dublin, në ndeshjen vendimtare të Grupit B3…

2 minutes ago

Gjykata e Lartë konfirmon dënimin 12-vjeçar me burg për Francesco Becchettin

Gjykata e Lartë ka lënë në fuqi vendimin e Apelit për dënimin me 12 vite burg të biznesmenit italian Francesco…

2 minutes ago

Tetovë, ndalohet 18-vjeçari i dyshuar për alarm të rremë për bombë në gjimnazin “Kiril Pejçinoviq

MPB Maqedoni njofton se sot (17 nëntor) e ka ndaluar një 18-vjeçar nga Radiovca, i cili dyshohet për denoncim të…

12 minutes ago

Mungesa e kuorumit pengon mbledhjen e Kryesisë; Ligji për Specialen pret dakordimin politik

Mbledhja e Kryesisë së Kuvendit ka dështuar të mbahet të martën për shkak të mungesës së kuorumit. Këtë e bëri…

14 minutes ago

Ambasadori britanik u prit nga Komisioni për Çështjet e Sigurisë dhe Mbrojtjes

Në cilësinë e kryetarit të Komisionit Parlamentar për Çështjet e Sigurisë dhe Mbrojtjes, Mefail Bajqinovci, së bashku me anëtarët e…

14 minutes ago

VITA i kërkon Prokurorisë të hetojë dyshimet për aflatoksinë, ndërsa thotë se nuk ka marrë rezultatet e mbi 30 inspektimeve

Qumështorja VITA ka reaguar pas dyshimeve të fundit për tejkalim të nivelit të lejuar të aflatoksinës M1 në një lot…

14 minutes ago