Qeveria miratoi të hënën projektbuxhetin prej 4.27 miliardë eurosh për vitin 2027, i cili ka shkaktuar reagime negative lidhur me efektin e tij mbi koston e jetesës.
Ish-kryetari i Prishtinës, Shpend Ahmeti, e cilësoi si pozitive rritjen e pagave, pensioneve dhe shtesave. Megjithatë, ai paralajmëroi se pa mbështetje për prodhimin vendor, këto masa rrisin kërkesën për mallra të importuara dhe nxisin inflacionin. “Po subvencionojmë importet dhe po i rrisim çmimet”, shkroi Ahmeti, duke i kërkuar ekzekutivit të fokusohet te investimet kapitale dhe zbatimi i projekteve.
None found
Deputetja e LDK-së, Hykmete Bajrami, deklaroi se çmimet janë rritur me 34% që nga viti 2021 dhe se zgjerimi i buxhetit nuk sjell domosdoshmërisht përmirësim të mirëqenies. Nga ana tjetër, Arben Halilaj i AAK-së pretendoi se vetëm rreth 30% e investimeve kapitale janë realizuar. Opozita e ka akuzuar gjithashtu Qeverinë për tejkalimin e afatit ligjor të 31 tetorit për dorëzimin e buxhetit në Kuvend.
Sipas të dhënave zyrtare, inflacioni vjetor në Kosovë arriti në 7.8% gjatë muajit shtator, shifra më e lartë që nga shkurti i vitit 2023. Rritja më e theksuar u regjistrua në sektorin e transportit me 23.9% dhe në banim e shërbime komunale me 11.9%. Ndërkohë, çmimet e ushqimeve u rritën me një ritëm më të ngadaltë prej 2.4%.
Kryeministri Albin Kurti e mbrojti buxhetin duke e quajtur “buxhet të investimeve madhore kapitale”. Ai përmendi mbi një miliard euro për investime, përfshirë unazën e jashtme të Prishtinës dhe rrugën e Dukagjinit. Sipas tij, ekonomia u rrit 5.4% në tremujorin e parë dhe 5.1% në të dytin, ndërsa punësimi po shtohet.
Buxheti parashikon rritjen e koeficientit nga 110 në 120 euro duke filluar nga 1 korriku 2027, si dhe pagën e 13-të dhe rritje prej 25% të shtesave për fëmijë. Komunat do të përfitojnë 908 milionë euro. Për miratimin në Kuvend nevojiten 61 vota.
Teuta - Laçi TEUTA 0-0 LAÇI “Abissnet Superiore”: Java 12Stadiumi: “Arena Egnatia”Arbitër: Emanuela Rusta FORMACIONET ZYRTARE:TEUTA: Bernardoni; Zogos, Jazxhi, Përgjoni, Maçolli, Toli,…
Jose Mourinho ka hyrë në fazën e tretë të projektit të tij te Real Madridi, me trajnerin portugez që synon…
Protestuesit kanë bllokuar Rrugën e Durrësit, ndërsa vijojnë protestën me thirrje për dorëheqjen dhe arrestimin e kryeministrit Edi Rama. “Dorëheqje!”,…
Forca e Sigurisë së Kosovës (FSK) ka realizuar qitje me municion luftarak me mortajën 120 mm, të sistemit Vuran, në…
Pas protestës që nisi në orën 14:00 para Ministrisë së Arsimit, protestuesit kanë nisur marshimin në rrugët e Tiranës. Pjesëmarrësit…
Trajneri i Barcelonës, Hansi Flick, ka këmbëngulur se fokusi i tij është tërësisht te skuadra e tij dhe jo te…