Përqafime e buzëqeshje në Kuvend – Adriana Matoshi dhe Edona Llalloshi shkëmbejnë momente miqësore në seancë

Adriana Matoshi dhe Edona Llalloshi, dy figura të njohura të skenës artistike shqiptare që sot janë edhe deputete të zgjedhura nga radhët e Lëvizjes Vetëvendosje, u panë duke shkëmbyer përqafime e buzëqeshje në ambientet e Kuvendit të Kosovës.

Këto momente miqësore ndodhën gjatë seancës së 30-të me radhë, në përpjekjen për konstituimin e Kuvendit, ku dy deputetet u takuan dhe u përfshinë në një bisedë të ngrohtë, të shoqëruar me përqafime e afërsi të ndjeshme njerëzore.

Pamjet nga salla plenare treguan se lidhja midis tyre shkon përtej politikës – me shumë gjasë e ndihmuar edhe nga e kaluara e përbashkët artistike që të dyja e ndajnë.

Matoshi vjen nga bota e aktrimit, ndërsa Llalloshi është një nga zërat më të dashur të muzikës shqiptare, dhe duket se ky përbashkëtim i rrugëtimit artistik ka ndikuar në krijimin e një afrimiteti të veçantë mes tyre.

Ky shkëmbim përqafimesh e përzemërsi në një ambient shpesh të tensionuar siç është ai i Kuvendit, solli një çast njerëzor e pozitiv, ndonëse atmosfera brenda këtij institucioni nuk duket të jetë aspak e mirë, shkaku i mos-konstituimit të kuvendit tash e sa kohë.