Pas tensioneve në Kuvend, Kurti thërret mbledhjen online të Qeverisë në detyrë dhe miratohen disa vendime

Ndonëse gjatë ditës në Kuvendin e Kosovës pati përplasje verbale dhe fizike, Kurti mblodhi në formë elektronike Qeverinë në detyrë, e cila mori një varg vendimesh.

Në këtë mbledhje, Qeveria në detyrë e Republikës së Kosovës aprovoi dhënien me qira të parcelave në Zonën Kadastrale Cërnillë, në Komunën e Ferizajt, bazuar në kërkesën e Ministrisë së Bujqësisë, Pylltarisë dhe Zhvillimit Rural. Qiradhënia, e paraparë për nxjerrjen dhe shfrytëzimin e gurit gëlqeror, do të zgjasë deri më 18 dhjetor 2033.

Po ashtu, u miratua emërimi i Komisionit të Pranimit për kategorinë e lartë drejtuese për pozitën e Drejtorit Ekzekutiv në Agjencinë Qendrore të Prokurimit.

Një Komision Pranimi për kategorinë e lartë drejtuese u emërua edhe për pozitën e Drejtorit Ekzekutiv në Thesarin e Kosovës.

Qeveria miratoi gjithashtu emërimin e Komisionit të Pranimit për kategorinë e lartë për pozitën e Drejtorit Ekzekutiv në Agjencinë Kosovare për Standardizim.

Vendim për emërimin e Komisionit të Pranimit për kategorinë e lartë drejtuese u mor edhe për pozitën e Kryeinspektorit në Inspektoratin e Tregut.

Në mbledhje u aprovua edhe përbërja e Komisionit të Pranimit për kategorinë e lartë drejtuese për pozitën e Drejtorit Ekzekutiv në Agjencinë për Pronësi Industriale.

Një vendim i njëjtë për emërimin e Komisionit të Pranimit u miratua për pozitën e Drejtorit Ekzekutiv në Agjencinë për Siguri Kibernetike.

Komisioni i Pranimit për kategorinë e lartë drejtuese u emërua edhe për pozitën e Drejtorit Ekzekutiv në Agjencinë për Mbrojtjen e Mjedisit të Kosovës.

Ekzekutivi në detyrë vendosi edhe për emërimin e Komisionit të Pranimit për kategorinë e lartë drejtuese për pozitën e Drejtorit Ekzekutiv në Agjencinë për Inovacion dhe Përkrahje të Ndërmarrjeve në Republikën e Kosovës.

Miratim mori edhe vendimi për emërimin e Komisionit të Pranimit për kategorinë e lartë drejtuese për pozitën e Drejtorit Ekzekutiv në Agjencinë Antidoping.

Qeveria emëroi Komisionin e Pranimit për kategorinë e lartë drejtuese edhe për pozitën e Drejtorit Ekzekutiv në Agjencinë e Sportit.

Komision Pranimi për kategorinë e lartë drejtuese u emërua po ashtu për pozitën e Drejtorit Ekzekutiv në Agjencinë për Zhvillimin e Rinisë.

Në mesin e vendimeve ishte edhe emërimi i Komisionit të Pranimit për kategorinë e lartë drejtuese për pozitën e Drejtorit Ekzekutiv në Inspektoratin për Trashëgimi Kulturore.

U miratua gjithashtu emërimi i Komisionit të Pranimit për kategorinë e lartë drejtuese për pozitën e Drejtorit Ekzekutiv në Agjencinë Shtetërore të Arkivave të Kosovës.

Për të njëjtën agjenci, u aprovua emërimi i Komisionit të Pranimit për kategorinë e lartë drejtuese për pozitën e Zëvendësdrejtorit të Përgjithshëm në Agjencinë Shtetërore të Arkivave të Kosovës.

Vendim u mor edhe për emërimin e Komisionit të Pranimit për kategorinë e lartë drejtuese për pozitën e Sekretarit të Përgjithshëm në Ministrinë e Shëndetësisë.

Qeveria miratoi më tej emërimin e Komisionit të Pranimit për kategorinë e lartë drejtuese për pozitën e Drejtorit Ekzekutiv në Inspektoratin e Ministrisë së Drejtësisë.

Komisioni i Pranimit për kategorinë e lartë drejtuese u emërua edhe për pozitën e Drejtorit Ekzekutiv në Agjencinë për Ndihmë Juridike Falas.

Një vendim tjetër kishte të bënte me emërimin e Komisionit të Pranimit për kategorinë e lartë drejtuese për pozitën e Drejtorit të Përgjithshëm në Agjencinë për Administrimin e Pasurisë së Sekuestruar ose të Konfiskuar.

Në mbledhje u miratua vazhdimi i shqyrtimit të kërkesës së Ministrisë së Industrisë, Ndërmarrësisë, Tregtisë dhe Inovacionit për shpronësimin, për interes publik, të pronave ish-shoqërore të Kombinatit Industrial Bujqësor “Mladost”. Pronat ndodhen nën menaxhimin dhe administrimin e Agjencisë Kosovare të Privatizimit dhe preken nga realizimi i projektit “Ndërtimi i Zonës Ekonomike për Mërgimtarët” në Zonën Kadastrale Godanc i Poshtëm, Komuna Shtime.

Po ashtu, u aprovua shqyrtimi i mëtejmë i kërkesës për shpronësim, për interes publik, të pronave të paluajtshme ish-shoqërore që nevojiten për projektin e ndërtimit të “Ndërtesës Administrative” për nevojat e Ministrisë së Punëve të Brendshme, në Zonën Kadastrale Prishtinë, Komuna Prishtinë.

Qeveria në detyrë aprovoi edhe listën e anëtarëve potencialë të Komisionit të Pranimit për kategorinë e lartë drejtuese për Ministrinë e Punëve të Brendshme dhe agjencitë e saj.

Në kuadër të vendimeve të marra ishte edhe themelimi i Komisionit Kombëtar për Refugjatë.

Për realizimin e Festivalit Ndërkombëtar të Filmit Dokumentar dhe të Shkurtër “DokuFest” u ndanë 100,000.00 euro. Sipas njoftimit të Qeverisë në detyrë, kjo përkrahje financiare konsiderohet investim i drejtpërdrejtë në promovimin ndërkombëtar të Republikës së Kosovës, pasi festivali sjell çdo vit artistë, profesionistë të industrisë së filmit, përfaqësues të mediave dhe vizitorë nga shtete të ndryshme, ndërsa mundëson prezantimin e krijimtarisë, kulturës dhe identitetit të Kosovës para audiencës ndërkombëtare.

Në njoftim thuhet se reputacioni dhe prania ndërkombëtare e DokuFest-it ndihmojnë në fuqizimin e imazhit të Kosovës si vend me skenë kulturore dinamike, shoqëri të hapur dhe potencial të rëndësishëm turistik e kreativ, duke dhënë njëkohësisht kontribut në diplomacinë publike dhe kulturore të vendit.