Pacolli tregon se si u njoh me Naim Murselin dhe si ai u bë këshilltar i tij!

Kryetari i AKR-së, Behgjet Pacolli, ka reaguar edhe njëherë duke shprehur ngushëllime për vrasjen e Liridona Ademajt.Pacolli në një shkrim të gjatë në Facebook ka shpjeguar njohjen e tij me Naim Murselin, duke thënë se i njëjti i ishte ofruar si adoleshent pas një sumundjeje që kishte përjetuar.

Ai tutje ka shpjeguar se si i njëjti u bë këshilltar i jashtëm i tij.“Naim Murselin e njoh prej vitesh, duke filluar nga momenti kur ai m’u ofrua si adoleshent, pas një sëmundje qe kishte perjetuar. Ai ka qenë pjesë e entourazhit tim që nga atëherë. Ndër vite, ka shfaqur interes për iniciativat e mia në median sociale dhe kam pasur mundësinë të ndihmoj në disa iniciativa biznesi që ai kishte nisur që nga viti 2019.Gjatë mandatit tim si MiPJ, kam pritur figura politike (deputetë e kryetarë komunash nga Suedija), ku ai ka qenë pjesë e përcjelljes së tyre. Kështu lindi ideja, me kërkesën e tij, për ta nominuar si bashkëpuntor (këshilltar) të jashtëm (pro bono) gjatë mandatit tim në qeveri” deklaroi Pacolli raporton Gazeta Blic.

Pacolli ka thënë se nuk ka patur njohuri për ndonjë precedent konflikti për Naim Murselin.“Kam mbajtur heshtje këto ditë si shenjë respekti për vuajtjet e familjes së Liridonës. Gjithashtu, dua të përsëris se çdo individ është përgjegjës për veprimet e veta, dhe drejtësia duhet t’u tregojë secilit vendin e merituar”.