Bashkimi Europian kundërshton me forcë idenë e ndryshimit të kufijve në Ballkan, si metodë për zgjidhjen e konflikteve. I emëruari i posaçëm për dialogun Kosovë-Serbi, Miroslav Lajçak, e konsideron atë të rrezikshme dhe diçka që i përket së kaluarës.
“E kundërshtoj fuqishëm këtë ide dhe mendoj se është ekstremisht e rrezikshme dhe një ide që shkakton luftë. Nëse e implementojmë këtë ide, do të realizonim ëndrrën e përbashkët të z.Millosheviç dhe Tuxhmanit dhe kjo nuk është diçka që ne duam ta bëjmë.”, u shpreh Miroslav Lajçak.
Se kush qëndron prapa dokumenteve ‘non paper’, një përgjigje të qartë nuk dha, por përgjigja la të kuptohet se bëhej fjalë për Rusinë.
“Ka njerëz që besojnë se zgjidhja për Ballkanin vjen me rivizatimin e kufijve. Por kjo është ajo që dëshironin Millosheviçi, Tuxhman apo Stalini, dhe të gjithë e dimë se cilat ishin pasojat, ndaj nuk duhet të inspirohemi nga ajo ide.”
Lajçak sqaroi dhe pse po qarkullon pikërisht tani kjo ide.
“Fatkeqësisht rruga e Ballkanit Perëndimor drejt Bashkimit Europian është bërë më e largët dhe e turbullt, ndaj ky është një motiv. Ne kemi krijuar një boshllëk në rajon dhe të tjerët po e shfrytëzojnë duke ardhur me ide të tjera.”
Në dosjen e Agjencisë Kombëtare të Shërbimit të Informacionit (AKSHI) që po hetohet nga Prokuroria e Posaçme Antikorrupsion, janë edhe…
Ditën e sotme, të gjithë zyrtarët qendror dhe lokal kanë zgjedhur kishat e qytetit të tyre për të uruar besimtarët…
Një 33-vjeçar i identifikuar me inicialet R.B. është arrestuar nga policia e kryeqytetit. Mësohet se i riu, gjatë një konflikti…
Goli i shënuar nga Armando Broja në ndeshjen ndaj Bornmuthit, ka qenë i rëndësishëm për ekipin e Bërnlit që të…
Tre punonjës të Bashkisë së Vlorës, janë pezulluar nga detyra që prej datës 19 dhjetor 2025, pasi dyshohet se, në…
Vartësja e Belinda Ballukut, rrëfeu para prokurorëve të posacëm se është detyruar nga ish-kreu i ARRSH Evis Berberi, që të…