Ndezja e flakadanëve që simbolizon përhapjen e flakës së lirisë në gjithë vendin, edhe sivjet mblodhi mijëra qytetarë. Përveç Prekazit, në kuadër të Epopesë së UÇK-së, ndezja e zjarreve u bë në disa qytete e fshatra të Kosovës.
Në Prishtinë, flakadanët u ndezën në orën 19:00 në sheshin “Zahir Pajaziti”, si një akt simbolik për të përmbyllur Epopenë e UÇK-së. Kryetari i Komunës së Prishtinës, Perparim Rama, tha se ky aktivitet u shënua për të nderuar sakrificën e jashtëzakonshme të familjes Jashari dhe për të kujtuar lavdinë e Prekazit, si simbol të luftës për liri.
Ndezja e flakadanëve u bë edhe në Prizren. Nën organizimin e SH.B. “Haxhi Bedridin Isaja” në bashkëpunim me Shoqatën Engjujt e Trafikut, duke filluar nga ora 19:00 nga sheshi Shadërvan, u shënua aktiviteti tashmë tradicional “Nata e Zjarreve në Kalanë e Prizrenit”. Në këtë aktivitet ishte i pranishëm edhe kryetari i Komunës së Prizrenit, Shaqir Totaj.
Ky aktivitet u shënua gjithashtu në fshatin Pagarush të Maliveshës, në Kompleksin në Gradish të Rahovecit, te Lapidari i Dëshmorve në fshatin Pagarushë, në fshatin Stroc, në fshatin Pjetërshticë te monumenti i UÇK-së, në fshatin Drenoc, në Samadraxhë, etj.
“Nata e zjarreve” e Epopesë së UÇK-së u shënua gjithashtu në kazermën “Adem Jashari” në Prishtinë. Forca e Sigurisë së Kosovës ka ndarë një video nga momenti i ndezjes së flakadanit.
Kyeministri Edi Rama i ka dhënë ultimatum pronarëve të bareve dhe restoranteve në Vlorë për lirimin e trotuareve në zonën…
Këtë të shtunë, përmes një postimi në rrjetet sociale, kryetari i Grupit Parlamentar të PD, Gazment Bardhi, i bën thirrje…
Task Forca, ka nisur aksionin për lirimin e hapësirave publike në Vlorë. Ky operacion vjen pas porosisë së lënë nga…
Gjatë bisedës me gazetarët që e shoqëronin në fluturimin e kthimit nga Azerbajxhani, presidenti i Turqisë, Rexhep Tajip Erdogan, ka…
Fituesi i edicionit të katërt të "Big Brother VIP Albania 4", Gjesti, po e shijon jetën pas këtij rrugëtimi. Ai…
Kryeministri Edi Rama, ka denoncuar një tjetër rast të zaptimit të hapësirave publike, konkretisht tek zona e “21 dhjetorit” në…