Muçibabë me kolonë 500 metra, deri në 40 minuta pritje te Dheu i Bardhë

Qendra Kombëtare për Menaxhim Kufitar ka bërë publike përditësimet e fundit për lëvizjet në pikat kufitare, ku në disa prej tyre janë shënuar pritje më të gjata dhe radhë automjetesh.

Sipas informacionit të regjistruar në orën 10:08, situata më e ngarkuar paraqitet në pikën kufitare të Muçibabës. Për automjetet që hyjnë në vend, pritja shkon deri në 60 minuta, ndërsa kolona është e gjatë rreth 500 metra.

Edhe në pikën kufitare Dheu i Bardhë ka pritje të konsiderueshme për hyrje, deri në 40 minuta, me kolonë që arrin afërsisht 300 metra. Në Kullë, pritja për automjetet që hyjnë llogaritet nga 5 deri në 10 minuta, ndërsa radha shtrihet në rreth 150 metra.

Në Hanin e Elezit, si për hyrje ashtu edhe për dalje, automjetet presin rreth 10 minuta. Kolonat në të dyja drejtimet janë deri në 100 metra.

Ndërkohë, në pikat e tjera kufitare qarkullimi është më i qetë. Pritjet kryesisht variojnë nga 3 deri në 5 minuta dhe nuk raportohen kolona të mëdha.

Sa u përket kamionëve, gjendja paraqitet e qëndrueshme në të gjitha pikat e kalimit kufitar. Koha e pritjes është rreth 3 deri në 5 minuta, pa krijim të kolonave.

Autoritetet këshillojnë udhëtarët të kontrollojnë paraprakisht informacionet për situatën në kufi dhe, nëse kanë mundësi, të zgjedhin pika alternative për të shmangur vonesat.