kosovë

Ministri i jashtëm serb: Nuk shkoj në Strasburg nëse iniciohet procedura për pranim të Kosovës në KE

Ministri për Punë të Jashtme i Serbisë, Ivica Daçiç, ka thënë se ai nuk synon të shkojë në Strasburg të martën, në përvjetorin e 20-të të pranimit të Serbisë në Këshillin e Evropës, nëse Kosova do të pranohet në atë institucion një ditë më vonë.

Ai ka thënë në një konferencë për media, pas takimit me ministren e Jashtme të Gabonit, Yolanda Nijonde, se në 10-vjetorin e arritjes së Marrëveshjes së Brukselit – mes Kosovës dhe Serbisë – është bërë e ditur që Komiteti i Ministrave të Këshillit të Evropës, do të nisë procedurat për pranimin e Kosovës në atë institucion.

Të lidhura

None found

“Kosova nuk i ka përmbushur obligimet e veta, që i parasheh Marrëveshja e Bruselit që 10 vjet, dhe për këtë gjë, ajo duhet të shpërblehet dhe të nisë procedura për pranimin e saj në Këshillin e Evropës. Ky është mesazh që Kosova mund të bëjë çfarë të dojë”, ka thënë Daçiç.

Shefi i diplomacisë së Serbisë, ka thënë se Këshilli i Evropës nuk e ka pranuar kurrë një entitet që nuk është shtet, dhe se nuk mund të diskutohet për mbrojtjen e integritetit të Ukrainës, pa e diskutuar integritetin e Serbisë.

“A është qetësuar situata në Kosovë? A kemi përparim në formimin e Asociacionit të komunave me shumicë serbe? Nuk kam asnjë shtysë që të shkoj në Strasburg, dhe në ditën pasuese ata të nisin procedurën për pranim të Kosovës në Këshillin e Evropës”, ka thënë Daçiç.

Kosova e ka dorëzuar aplikacionin për anëtarësim në Këshillin e Evropës, në maj të vitit 2022.

Këshilli i Evropës është një organizatë ndërkombëtare për të drejtat e njeriut, demokracinë dhe sundimin e ligjit në Evropë, me seli në Strasburg të Francës.

Këshilli mbron lirinë e shprehjes dhe të mediave, barazinë dhe minoritetet në vendet anëtare.

Për ta shqyrtuar kërkesën e Kosovës, duhet të ekzistojë pajtueshmëri mes dy të tretave të Komitetit të Ministrave të Këshillit të Evropës.

Hapi i parë është që një prej vendeve anëtare të bëjë kërkesë që anëtarësimi i Kosovës të futet në agjendë dhe të votohet nga Komiteti i Ministrave.

Pas sigurimit të një shumice prej dy të tretave në atë trup, kërkesa shkon në Asamblenë Parlamentare.

Nëse edhe aty sigurohet shumica prej dy të tretave, kërkesa kthehet te Komiteti i Ministrave për miratim final.

Në një seancë të organizuar në janar të këtij viti, Shqipëria, Maqedonia e Veriut dhe Kroacia, e kanë mbështetur anëtarësimin e Kosovës në Këshillin e Evropës, derisa Serbia u ka bërë thirrje vendeve anëtare që ta refuzojnë kërkesën e Kosovës.

Serbia e kundërshton anëtarësimin e Kosovës në Këshillin e Evropës dhe organizata tjera ndërkombëtare, dhe bën fushata te shtetet tjera për tërheqjen e njohjes së shtetësisë së Kosovës.

Në këtë temë, Serbia e ka alete Rusinë, e cila është përjashtuar nga Këshilli i Evropës, për shkak të luftës së nisur në Ukrainë, në shkurt të vitit 2022.

Pa Rusinë, dy të tretat e vendeve anëtare të Këshillit të Evropës, e njohin pavarësinë e Kosovës.

Nëse merret parasysh që vendimet merren me shumicë votash, mundësia e Kosovës për anëtarësim është reale./rel

të fundit

Chaotic scenes on the boulevard as a young woman faints after clashes with police

Një vajzë ka humbur ndjenjat gjatë protestës para Kryeministrisë, në ditën e 171-të të tubimit kundër qeverisë. Ajo është ndihmuar…

13 seconds ago

Trump paralajmëron Iranin: Do të paguani një çmim të paprecedentë nëse sulmoni

Presidenti amerikan Donald Trump ka lëshuar një paralajmërim të ashpër ndaj Iranit, duke deklaruar se Teherani do të përballet me…

18 seconds ago

Protester: We will not allow Albania to be sold; the country belongs to Albanians

Po mbahet protesta e 171-të kundër qeverisë dhe kryeministrit Edi Rama. Por kjo protestë është duke u mbajtur në kushte…

30 seconds ago

Gjini: Aleanca qëndron në mbështetje të luftëtarëve të UÇK-së

Pas mbledhjes së Kryesisë së Aleancës, kryetari i kësaj partie, Ardian Gjini, në konferencën për media, Gjini ka folur për…

7 minutes ago

Situatë kaotike në Bulevard, një vajze i bie të fikët pas përplasjeve me policinë

Një vajzë ka humbur ndjenjat gjatë protestës para Kryeministrisë, në ditën e 171-të të tubimit kundër qeverisë. Ajo është ndihmuar…

17 minutes ago

ASH kërkon sqarime për ndalimin e Besar Sejdiut: Dyshime për presion ndaj studentëve

Aleanca për Shqiptarët ka reaguar ndaj ndalimit të përfaqësuesit studentor Besar Sejdiu, për të cilin u raportua se është ndaluar…

20 minutes ago