13.09.2026, 09:22 – Kryetari i Lidhjes Demokratike të Kosovës, Lumir Abdixhiku, është personi i parë që ka mbërritur në ndërtesën e Kuvendit të Kosovës, ku pritet të zhvillohet seanca konstituive.
None found
Vazhdimi i seancës konstituive të Kuvendit të Kosovës është paraparë për sot, duke nisur nga ora 10:00 në sallën e seancave.
Pika e katërt e rendit të ditës parashikon zgjedhjen e nënkryetarëve të Kuvendit.
13.09.2026, 07:31 – Deputetët pritet të mblidhen sërish sot për vazhdimin e seancës konstituive, ndërsa çështja kryesore në rendin e ditës mbetet zgjedhja e nënkryetarëve të Kuvendit.
Kryetarja e Kuvendit, Albulena Haxhiu, e ka thirrur këtë seancë pasi kandidatura e Vlora Çitakut nuk arriti të miratohej gjatë mbledhjes së së premtes.
Abstenimi i deputetëve të LVV-së gjatë votimit për kandidaten e PDK-së bëri që Çitaku të mos siguronte numrin e nevojshëm të votave për postin e nënkryetares.
Në të njëjtën mbledhje, deputetët arritën ta zgjedhin Ardian Golën e LVV-së në pozitën e nënkryetarit të Kuvendit.
Pas votimit të pasuksesshëm për Çitakun, PDK vendosi të mos ishte pjesë e vazhdimeve të tjera të seancës konstituive.
Brenda së njëjtës ditë u caktua edhe një seancë tjetër, vetëm pak orë më vonë, por deputetët e PDK-së munguan.
LDK, ndërkohë, kërkoi respektimin e radhës së votimit, duke theksuar se kandidatura e Kujtim Shalës nuk mund të procedohej para se të votohej kandidati i PDK-së.
Situata ndryshoi mbrëmjen e së dielës, kur LVV njoftoi se do t’i mbështeste me votë të dy kandidatët për nënkryetarë: Vlora Çitakun nga PDK dhe Kujtim Shalën nga LDK.
Përfaqësues të LVV-së kanë shprehur pritjen që përzgjedhja e nënkryetarëve t’i hapë rrugë vazhdimit të procesit institucional dhe të mos krijojë pengesa për zgjedhjen e presidentit të ardhshëm të Kosovës.
Mbledhja e sotme është planifikuar të fillojë në orën 10:00.
Ende nuk dihet nëse PDK dhe LDK do të marrin pjesë në seancë, si dhe nëse Kuvendi do të mund ta përfundojë procesin e zgjedhjes së nënkryetarëve.
Besiktasi ka ndërmarrë një hap të ri në përpjekjet për të transferuar yllin e Real Madridit, Brahim Diaz, gjatë afatit…
Audi ka prezantuar një funksion të ri për modelin kompakt elektrik A2 E-Tron, duke mundësuar që bateria e automjetit të…
Padi penale për ngacmim seksual dhe keqpërdorim të regjistrimeve të personave të tjerë me përmbajtje eksplicite seksuale janë ngritur kundër…
Kryetarja e Kuvendit, Albulena Haxhiu, ka ndërprerë vazhdimin e seancës së sotme për shkak të mungesës së numrit të nevojshëm…
Media franceze FRANCE 24 ka në intervistë kryeministrin e Kosovës, Albin Kurti, shtet që shpalli pavarësinë në vitin 2008 dhe…
Autoritetet e aviacionit në Shtetet e Bashkuara kanë urdhëruar pezullimin e fluturimeve në të gjithë vendin, pas një problemi komunikimi…