Limaj dënon deklaratën e Ballës: Tahir Sinani, figurë e palëkundur e UÇK-së

Fatmir Limaj ka shpërthyer me kritika ndaj Taulant Ballës, pasi ky i fundit përmendi emrin e tij në një listë të pretenduar të “mercenarëve” të Ushtrisë Çlirimtare të Kosovës.

Sipas Limajt, një përfshirje e tillë është e papranueshme dhe cenon historinë e luftës çlirimtare. Ai ka nënvizuar se “themelet e lirisë” nuk duhet të preken për shkak të interesave apo përplasjeve të politikës së ditës.

Në reagimin e tij, Limaj ka ndalur te figura e dëshmorit Tahir Sinani, për të cilin është shprehur se përfaqëson një nga simbolet më të fuqishme të rezistencës dhe flijimit në radhët e Ushtria Çlirimtare e Kosovës.

“Heroi i kombit, Tahir Sinani, i kthyer në frymëzim dhe simbol të qëndresës për çdo luftëtar të UÇK-së, është në themel të lirisë së kombit tonë. Ai e ka shkruar me gjak historinë e lavdishme të UÇK-së dhe emri i tij mbetet i paharruar në ndërgjegjen kombëtare,” thuhet në qëndrimin e Limajt.

Në përmbyllje të reagimit të tij, ai ka theksuar se sakrifica e dëshmorëve nuk duhet të vihet në pikëpyetje, duke bërë thirrje për respekt ndaj figurave të luftës çlirimtare.

“Lavdi Tahir Sinani dhe të gjithë dëshmorëve të kombit!”