Sot në ora 17:00 është paraparë vazhdimi i seancës së mbrëmshme të Kuvendit për votimin e presidentit të ardhshëm të vendit.
Kjo seancë pason nga dita e djeshme pasi që mungoi kuorumi në vendimmarrje gjatë votimit të përsëritur të raundit të parë për presidentin.
None found
Deputetët e LDK-së, ndonëse të gjithë në sallë, ishin të ndarë për sa i përket votës për Vjosa Osmanin. Tre deputetët e LDK-së, Avdullah Hoti, Agim Veliu e Driton Selmanaj, nuk morën pjesë fare në votim, e herën e parë as Valentina Bunjaku. Megjithatë, në votimin e dytë, ajo mori pjesë, por megjithatë, në kuti ishin vetëm 79 vota (duhen 80), duke pamundësuar kalimin tutje të procedurave, shkruan Zeri.info.
E në një prononcim për “Zërin”, deputeti i LDK-së, Arben Gashi, deklaroi bindshëm se nuk do të ketë ndryshim nga ana e tyre as sot sa i përket votimit të Vjosa Osmanit për presidente të shtetit.
“Nuk do të ketë as edhe një ndryshim”, deklaroi Gashi shkurt për “Zërin”, kur u pyet nëse ka ndonjë ndryshim të qëndrimeve të treshes.
Gjatë seancës së djeshme, munguan dy deputetë të komuniteteve joserbe, Fadil Gashi (Romani Iniciativa) dhe Adem Hoxha (Jedinstvena Goranska Partija), të cilët e kishin votuar më parë qeverinë “Kurti 2”.
Ndërkaq, e pranishme ishte edhe deputetja e AAK-së, Albena Reshitaj, përkundër qëndrimit të GP të partisë së saj se nuk do të qëndrojnë në sallë për t’ia bërë kuorumin Osmanit.
Edhe PDK-ja ka dalë kundër Osmanit presidente, por Xhavit Haliti, deputet i kësaj partie, ka thënë se do të votojë pro Osmanit për presidente. Ai e kishte votuar edhe Qeverinë Kurti, edhe përkundër qëndrimit kundër të partisë së tij.
Një simulim i publikuar së fundmi nga faqja e specializuar “Football Meets Data” ka zbuluar një tjetër skenar se si…
Deputeti socialist Erion Braçe ka kërkuar largimin nga qeveria të ministrave që nuk realizojnë shpenzimet e planifikuara në buxhetin e…
Pak para fotos në grup të udhëheqësve të Samitit Bashkëpunimit Ekonomik Azi-Paqësor (APEC), Vladimir Putin iu afrua Donald Trump dhe…
Real Madridi është dënuar me një gjobë prej 3.001 eurosh nga Komisioni Kundër Dhunës në Spanjë, pasi tifozët e klubit…
Në një të ardhme të afërt, në përputhje me rekomandimet e Bashkimit Evropian, termi "pornografi me fëmijë" do të hiqet…
Deputetët shqiptarë në Kuvendin e Serbisë janë të gatshëm për dialog, bashkëpunim dhe partneritet me autoritetet e reja në Serbi,…