Mediat serbe raportojnë se Oliver Ivanoviçi është vrarë me urdhër të Zvonko Veselinoviçit i mbështetur nga nënkryetari i Listës Serbe, Milan Radojiçiç, të dy këta në listën e të sanksionuarve nga Departamenti amerikan i Thesarit.
Boban Bogdanoviç mik i kriminelit të vrarë Aleksandar Gligorijeviç Puki, anëtar i klanit të Veljko Belivuk, i ka thënë organizatës KRIK (Rrjeti i Raportimit të Krimit dhe Korrupsioni) në Serbi se Oliver Ivanoviqi politikani nga Mitrovica e Veriut është vrarë nga Ljubomir Lainoviq nga Novi Sadi dhe vrasja është urdhëruar nga biznesmeni Zvonko Veselinoviç, shkruan N1, përcjell Express.
Bogdanoviq i ka thënë KRIK-ut se shoku i tij, Aleksandar Gligorijeviç i ka treguar atij të vërtetën për vrasjen e politikanit serb Oliver Ivanoviç.
Sipas Bogdanoviçit, më 7 mars 2020 në një ndeshje sportive, Gligorijeviç i ka treguar se kush kanë qenë organizatorët dhe kush është vrasësi i Ivanoviçit.
Sipas tij, Oliver Ivanoviç është vrarë nga Ljubomir Lainoviç, i biri i njërit nga njerëzit më të rrezikshëm në Novi Sad, Branislav Lainoviç Dugi.
“Ai e ka kryer atë vrasje. Njeriu që e ka organizuar arritjen e tij në Kosovë që e ka përgatitur logjistikën e vrasjes së Ivanoviçit është Milan Radoiciç. Njeriu që e ka organizuar vrasjen është Zvonko Veselinoviq. Kjo është çfarë më ka thënë Aleksandar Gligorijeviç”, ka thënë Bogdanoviç për KRIK.
Sipas tij, për ta kryer vrasjen e Ivanoviçit janë dhënë 50 mijë euro nga Veljko Belivuk për Branislav Lainoviç.
Aleksandar Gligorijevic Puki u vra në vitin 2020 nga duart e ish-bashkëpunëtorëve të tij – ai u vra nga Belivuk dhe anëtarët e klanit në një shtëpi në Ritopek, dhe trupi i tij ishte therur dhe fjala “tradhti” i ishte gdhendur në shpinë sepse e morën vesh që ai u kthye kundër tyre, kujton KRIK.
Bogdanoviç foli gjithashtu për KRIK për lidhjet e Gligorijevic me Partinë Progresive Serbe të Aleksander Vuçiqit dhe detaje të tjera nga krimi dhe sporti.
Oliver Ivanoviç u vra në janar të vitit 2018 para zyrës së tij në Mitrovicën e Veriut.
DVP Elbasan/Finalizohet operacioni policor i koduar “The Script 2". Fshihnin të ardhurat që përfitonin nga këmbimi i valutave, procedohen penalisht…
Vazhdon të jetë problematike situata me zjarret në vendin tonë. Ministria e Mbrojtjes njofton se në 24 orët e fundit…
Punimet për ndëritmin e aksit rrugor Berat-Ballaban kanë avancuar ndjeshëm. Është hapur traseja në të gjithë gjatësinë e rrugës dhe…
Vendi ynë edhe këtë të martë do të ndikohet nga kushte atmosferike të qëndrueshme. Moti parashikohet i kthjellët dhe me kohëzgjatje…
Vatra e zjarrit në zonën e Syrit të Kaltër në Sarandë vijon aktive që prej ditës së djeshme. Ndërkohë që…
Numri i nxënësve në shkolla është në rënie, prej uljes së lindjeve dhe emigracionit, por pas pandemisë fenomeni po përkeqësohet.…