Categories: kosovë

Kurti dhe Erdoğan takohen në New York, në fokus siguria, ekonomia dhe ish-krerët e UÇK-së

Gjatë vizitës në New York, ku po merr pjesë në Javën e Nivelit të Lartë të Asamblesë së Përgjithshme të Kombeve të Bashkuara, kryeministri i Kosovës, Albin Kurti, zhvilloi një takim me presidentin e Turqisë, Recep Tayyip Erdoğan.

Të lidhura

None found

Kurti bëri të ditur se në bisedë shprehu mirënjohjen për përkrahjen e vazhdueshme të Turqisë ndaj Kosovës në procesin e ndërtimit dhe zhvillimit të shtetit, në diplomaci, në forcimin e kapaciteteve ushtarake, në krijimin e bazave të industrisë së mbrojtjes dhe në synimin për anëtarësim në NATO.

Palët diskutuan gjithashtu për zgjerimin e bashkëpunimit ekonomik, ushtarak dhe në fushën e sigurisë. Shkëmbimet tregtare mes Kosovës dhe Turqisë kanë arritur në rreth 1 miliard dollarë, ndërsa synimi është që kjo vlerë të rritet edhe më tej.

Kurti përmendi edhe investimet turke në Kosovë, mes të cilave fabrikën e re të municionit në Gjakovë dhe Parkun e Energjisë së Erës në Rahovec, projekte që po zhvillohen në bashkëpunim me kompani nga Turqia.

Gjatë takimit, kryeministri i Kosovës vlerësoi rolin shumëvjeçar të Turqisë në KFOR dhe kontributin e saj në ruajtjen e sigurisë e stabilitetit në Kosovë. Në këtë kuadër, ai veçoi profesionalizmin e Gjeneralmajor Özkan Ulutaş gjatë dy mandateve si komandant i forcës së NATO-s në Kosovë.

Një tjetër temë e bisedës ishte aktgjykimi i Dhomave të Specializuara në Hagë ndaj ish-krerëve të UÇK-së, Hashim Thaçi, Kadri Veseli, Rexhep Selimi dhe Jakup Krasniqi. Kurti e cilësoi vendimin, të shpallur javën e kaluar, si të padrejtë nga aspekti juridik e moral dhe të pasaktë në planin historik e faktik, duke theksuar se ai duhet të korrigjohet në Apel.

Së bashku me Kryetaren e Preshevës, Ardita Sinani, Kurti ngriti edhe çështjen e diskriminimit të vazhdueshëm dhe sistematik të komunitetit shqiptar nga shteti i Serbisë. Ai përmendi pasivizimin e adresave, mosnjohjen e diplomave dhe përfaqësimin e pamjaftueshëm të shqiptarëve në secilin institucion shtetëror atje.

Sipas Kurtit, garantimi i të drejtave të barabarta për komunitetet në vendet përkatëse është mënyra e domosdoshme për një trajtim të drejtë dhe të barabartë.

Kosova dhe Turqia pritet të vazhdojnë thellimin e marrëdhënieve miqësore, si dhe forcimin e lidhjeve ekonomike e tregtare. Në përfundim të takimit, Kurti e ftoi presidentin Erdoğan për një vizitë në Republikën e Kosovës.

të fundit

Syze inteligjente dhe mikrokamera në provimin kombëtar të Koresë së Jugut, 111 kandidatë dyshohen për shkelje

Autoritetet në Korenë e Jugut kanë zbuluar 111 raste të dyshuara për shkelje të rregullave të provimit kombëtar të pranimit…

3 minutes ago

Propozimi i ri i Wenger për pozitën jashtë loje fokusohet te pjesa e sipërme e trupit

Arsene Wenger nuk ka hequr dorë nga ideja për ta ndryshuar rregullin e pozitës jashtë loje. Pasi propozimi i tij…

45 minutes ago

Storms and snow” / weather forecast for the weekend and next week, here’s what meteorologists warn

Sinoptikania e Shërbimit Meteorologjik Ushtarak, Besa Sherollari, ishte sot në një lidhje të drejtpërdrejtë televizive, ku bëri parashikimin e motit…

47 minutes ago

Trump and JD Vance’s ‘golden age’ mocked on social media/ AI-generated image sparks criticism: You even lost Mississippi

Zëvendëspresidenti amerikan JD Vance është përballur me një valë kritikash dhe talljesh në rrjetet sociale, pasi publikoi një imazh të…

47 minutes ago

How loan sharking and cryptocurrencies became a criminal threat in Albania and the seizure of 26 million euros

Armand Shakaj dyshohet se pas vrasjes së Eglant Koçit është përpjekur të zhdukë çdo gjurmë të krimit, duke transportuar trupin…

48 minutes ago

Dad, please don’t shoot me”: tragedy in Florida, man kills wife and three young children then himself

Një tragjedi e rëndë ka tronditur Plant City në Florida, ku një baba 34-vjeçar ka vrarë gruan dhe tre fëmijët…

48 minutes ago