Interpretimi në hapje të Forumit të Zgjerimit të BE-së në Bruksel i një kënge nacionaliste serbe, që sipas Jeton Zulfajt mohon shtetësinë e Kosovës, ka nxitur reagimin e fortë të kryenegociatorit të Kosovës për anëtarësim në Bashkimin Evropian. Ai e ka quajtur ngjarjen një skandal të papranueshëm dhe i ka kërkuar komisioneres për Zgjerim, Marta Kos, të japë shpjegime për rastin dhe për masat që do të pasojnë.
Në një postim në rrjetin social “X”, Zulfaj ka kërkuar sqarime edhe për mungesën e një ftese për Kosovën në këtë forum. Siç përcjell “Bota sot”, ai ka vënë në dukje përparimin demokratik të vendit, si dhe përputhjen e tij me politikën e jashtme dhe vlerat e Bashkimit Evropian.
None found
Duke shprehur tronditjen për raportimet mbi atë që kishte ndodhur atë mbrëmje në aktivitetin e BE-së për zgjerimin në Bruksel, Zulfaj ka kundërshtuar përfshirjen e këngës në ceremoninë hapëse.
Sipas tij, kënga nacionaliste serbe që u interpretua në hapjen e forumit jo vetëm mohon shtetësinë e Kosovës, por është shkruar në periudhën kur Millosheviqi, të cilin ai e ka cilësuar si kasapin e Ballkanit, po shfuqizonte të drejtat e Kosovës dhe po shtypte popullin e saj.
Zulfaj ka theksuar se një ngjarje e tillë është skandaloze dhe nuk mund të pranohet, duke nënvizuar se aktivitetet e Bashkimit Evropian kushtuar zgjerimit nuk duhet të shërbejnë si skenë për nacionalizmin serb.
Nga komisionerja Kos, ai pret të mësojë se si është lejuar ky rast dhe çfarë veprimesh do të ndërmarrë ajo. Njëkohësisht, ka kërkuar të dijë përse Kosova nuk mori ftesë, kur, sipas tij, gjatë kësaj dekade ajo ka shënuar përparimin më të madh demokratik në Ballkanin Perëndimor dhe është tërësisht në përputhje me politikën e jashtme dhe vlerat e BE-së.
Ana e të ardhurave të Buxhetit të vitit 2027 është projektuar me kujdes për shkak të pasigurisë globale, por edhe…
Ka nisur protesta edhe gjatë ditës së sotme. Qytetarët janë mbledhur para Kryeministrisë. Qytetarët kanë dalë në protestë, edhe pse…
Deputeti i Partisë Demokratike, Klevis Balliu, ka reaguar pas deklaratave të kryeministrit Edi Rama në Asamblenë e PS-së, duke e…
Ushtruesja e detyrës së kryetares së Partisë Demokratike të Kosovës (PDK) në opozitë, Vlora Çitaku, thotë që pret që gjatë…
Organizata e Veteranëve të Luftës së UÇK-së (OVL-UÇK) ka reaguar ndaj procesit gjyqësor në Dhomat e Specializuara në Hagë kundër…
Dogana e Kosovës ka realizuar mbi 1 miliard e 708 milionë euro të hyra gjatë periudhës janar-tetor 2026, duke shënuar…