Shaip Kamberi, bartës i listës së Koalicionit Shqiptar në zgjedhjet parlamentare në Serbi, ka thënë se shqiptarët po synojnë mandatin e dytë, ndërsa pasivizimi i adresave ua ka pamundësuar fitimin e mandatit të tretë.
Pak para mbylljes së vendvotimeve, Kamberi raportoi në një lidhje të drejtpërdrejtë se të dhënat preliminare të orës 19:00 tregonin 16.600 qytetarë që kishin votuar në 37 vendvotime në Preshevë dhe 10.853 votues në vendvotimet shqiptare në Bujanoc.
None found
Për televizionin publik, ai e përshkroi procesin zgjedhor si përgjithësisht të rregullt, ndonëse në fillim të votimit ishin shënuar disa parregullsi të vogla.
Sipas Kamberit, mundësia për të siguruar ulësen e dytë lidhet edhe me pjesëmarrjen e përgjithshme në zgjedhjet në Serbi. Ai i tha RTK-së se, nëse pjesëmarrja arrin në 70%, siç po flitet, do të nevojiten më shumë vota; nëse ajo është 61–65%, gjasat për mandatin e dytë janë shumë reale.
Kamberi tha se qytetarët të cilëve u janë pasivizuar adresat janë hequr edhe nga regjistrat e votuesve. Sipas tij, kjo u ka kushtuar shqiptarëve mandatin e tretë që kishin pretenduar. Ai e cilësoi pasivizimin e adresave pjesë të diskriminimit sistematik ndaj shqiptarëve në Luginën e Preshevës dhe veçoi Medvegjën si vend ku ky proces ka ndikuar në rezultatet e tyre zgjedhore.
Megjithatë, Kamberi vlerësoi mobilizimin e votuesve shqiptarë dhe falënderoi qytetarët që erdhën nga Kosova për të votuar. Ai tha se reagimet e ardhura nga të gjitha hapësirat shqiptare gjatë ditëve të fundit të fushatës u dhanë zgjedhësve motivim shtesë.
Pronari i Milanit, Gerry Cardinale, ka folur për planet e klubit italian në afatin kalimtar të janarit, duke konfirmuar se…
Ndërsa vëmendja ndërkombëtare është përqendruar te konflikti me Iranin, Koreja e Veriut po zgjeron infrastrukturën e saj bërthamore. [...] Read…
Dashi Nuk do keni aspak dyshime sot ne jetën tuaj ne çift dhe do ndiheni gati te hidhni hapa me…
Dy gjëra mund të përshpejtojnë plakjen biologjike — Klan Kosova [...]Read More...
Donat Rrudhani dhe Rilind Nivokazi kanë shkëlqyer në fitoren e Sionit ndaj Servettes, duke shënuar nga një gol në triumfin…
Real Madridi ka shënuar fitore me përmbysje ndaj Celta Vigos, duke triumfuar me rezultat 2-1 në ndeshjen e vlefshme për…