Categories: kosovë

Islami: Prania e Veljko Odaloviqit mbetet provokim për viktimat e luftës dhe pengesë për ndriçimin e çështjes së të zhdukurve

Analisti i sigurisë Avni Islami ka deklaruar se vazhdimi i rolit të Veljko Odaloviqit në krye të Komisionit të Qeverisë së Serbisë për Persona të Zhdukur përfaqëson një provokim të drejtpërdrejtë dhe një fyerje të hapur ndaj viktimave të luftës në Kosovë.

Përmes një postimi në Facebook, Islami ka rikujtuar se deri në vitin 1999, Odaloviqi ishte pjesë e lartë e regjimit kriminal të Sllobodan Millosheviqit, ku ushtronte detyrën e Kryetarit të Qarkut të Kosovës me seli në Prishtinë.

Të lidhura

None found

“Pas tërheqjes së forcave serbe, ai vazhdoi karrierën e tij politike në Beograd”, ka shkruar Islami.

Sipas tij, përfshirja e Odaloviqit në procesin e trajtimit të çështjes së personave të zhdukur që nga viti 2006 është shoqëruar vazhdimisht me tensione dhe pengesa në dialogun mes Kosovës dhe Serbisë, për shkak të kundërshtimeve të përsëritura nga institucionet e Kosovës.

Në reagimin e tij, Islami e akuzon Odaloviqin se po drejton një fushatë agresive, të mbështetur në dy drejtime kryesore.

Ai thotë se drejtimi i parë lidhet me përpjekjet për të arsyetuar dhe mohuar krimet e luftës të kryera ndaj civilëve shqiptarë.

“Sot, Odaloviq vazhdon të udhëheqë një fushatë agresive që bazohet në dy drejtime të rrezikshme:Arsyetimi i krimeve të luftës: Ai përpiqet të mohojë publikisht masakrat ndaj civilëve shqiptarë. Së fundmi, duke komentuar arrestimin e pesë të dyshuarve në rastin e njohur si “Reçaku dy”, ai e quajti zbatimin e ligjit si “presion ndaj serbëve” dhe kërcënoi se ky është “një mesazh për të dëbuarit”.Ai synon të manipulojë faktorin ndërkombëtar, duke i paraqitur serbët lokalë si të rrezikuar nga shqiptarët, me qëllim që të fshehë përgjegjësinë shtetërore të Serbisë dhe të pengojë integrimin e tyre.Institucionet e Kosovës mbeten të vendosura në kërkesën për drejtësi dhe zbardhjen e fatit të të gjithë të zhdukurve, duke refuzuar që kjo dosje humanitare të mbahet peng e figurave që i shërbyen regjimit të Millosheviqit”, ka shkruar Islami.