Ilir Deda: Tërheqja e Bekim Sejdiut i kushtoi Kosovës një tjetër model udhëheqjeje, tani të shihet nëse ekziston rrugë përtej polarizimit

Analisti Ilir Deda ka reaguar pas vendimit të Bekim Sejdiut për t’u tërhequr nga gara për president të Kosovës.

Përmes një postimi në Facebook, Deda vlerësoi se kjo tërheqje i mohoi Kosovës mundësinë që në krye të shtetit të kishte një qasje ndryshe udhëheqëse. Sipas tij, bëhej fjalë për një figurë që shtetin do ta vendoste mbi partinë, Kushtetutën mbi interesat e momentit dhe përgjegjësinë publike mbi ambicien personale.

Deda theksoi se, në mënyrë paradoksale, pikërisht mbrojtja e Kushtetutës i solli kosto politike kandidaturës së Sejdiut.

Ai shtoi se me këtë zhvillim Kosova humbi rastin për të dëshmuar se di t’i vlerësojë njerëzit që nuk e vendosin veten në qendër.

Në përfundim, Deda ngriti pyetjen nëse tash mund të gjendet një rrugë përtej polarizimit, mosbesimit dhe urrejtjes së pranishme mes qytetarëve.