Categories: kosovë

Hamza rrëfen bisedën me Kurtin dhe kërkon seancë për Ligjin për Specialen

Kryetari i Partisë Demokratike të Kosovës, Bedri Hamza, ka bërë të ditura temat e diskutuara gjatë takimit me kryeministrin Albin Kurti, duke theksuar se miratimi i ndryshimeve në Ligjin për Dhomat e Specializuara në Hagë mbetet kusht për çdo diskutim të mëtejshëm.

Të lidhura

None found

“Është në interes të vendit që partitë politike të arrijnë marrëveshje, në mënyrë që të zgjidhet presidenti dhe të shmangen zgjedhjet. Në takim folëm për ligjin, për mbështetjen e shtetit në këtë proces dhe për sigurimin e financimit të nevojshëm. Natyrisht, në diskutim ishte edhe çështja e presidentit. Qëndrimi ynë është i prerë: nuk ka kuptim të takohemi me askënd pa u miratuar ligji në lexim të dytë”, deklaroi Hamza.

PDK-ja i ka përcjellë kryetares së Kuvendit, Albulena Haxhiu, një kërkesë zyrtare për thirrjen e një seance të jashtëzakonshme gjatë ditës së sotme, me qëllim votimin e Projektligjit për ndryshimin e Ligjit për Dhomat e Specializuara në Hagë.

Gjatë një konference të jashtëzakonshme për media të martën, Hamza tha se janë siguruar shumë nënshkrime për inicimin e seancës, por numri nuk ka arritur në 40, sa kërkohen për thirrjen e saj, raporton KosovaPress.

Sipas tij, kërkesa është dorëzuar së bashku me Aleancën. Ai u bëri thirrje deputetëve të Lëvizjes Vetëvendosje, LDK-së dhe përfaqësuesve të komuniteteve joserbe që t’i mbështesin me nënshkrimet e tyre.

“Kërkesën zyrtare dhe ftesën ia kemi dërguar zonjës Haxhiu. Deri tani kemi mbledhur nënshkrimet e një numri të konsiderueshëm deputetësh, përfshirë të gjithë grupin tonë parlamentar dhe Aleancën. I ftojmë të gjithë deputetët e Kuvendit, nga LVV-ja, LDK-ja dhe komunitetet joserbe, që të nënshkruajnë kërkesën për seancë të jashtëzakonshme. Ne kërkojmë që ligji të miratohet, pasi nuk ekziston asnjë arsye që të mos kalojë në lexim të dytë”, u shpreh ai.

Hamza foli edhe për hapat që PDK-ja mund të ndërmarrë në rast se ndryshimet ligjore nuk miratohen dhe Kuvendi shpërndahet për shkak të dështimit për zgjedhjen e presidentit.

“PDK-ja do të veprojë vetëm në mënyrë demokratike dhe brenda ligjit. Çdo formë e lejuar nga rregullat demokratike dhe kuadri ligjor do të jetë pjesë e veprimeve tona politike. Nuk dua të besoj se ligji nuk do të miratohet, sepse nuk ka asnjë arsye për të kundërtën, përveç mungesës së vullnetit politik. Ata që e kanë mbështetur dje duhet ta kenë bërë këtë me seriozitet”, tha Hamza.

Kreu i PDK-së komentoi gjithashtu vendimin e LDK-së për të mos marrë pjesë në votimin e djeshëm, ku ligji për Specialen u hodh në votim për miratim në lexim të parë.

“Dje pamë se LDK-ja nuk mori pjesë në votimin për këtë ligj. Megjithatë, e njohim atë subjekt dhe kemi shumë miq e njerëz të afërt atje. Populli i Kosovës u organizua për liri dhe pavarësi, ndërsa lufta e tij u zhvillua përmes UÇK-së. Pjesëtarë të UÇK-së ka në të gjitha subjektet politike, në PDK, Aleancë, LVV dhe LDK. Për këtë arsye, besoj se ky ligj lidhet me vlera që i përkasin të gjitha partive politike”, përfundoi Hamza.

të fundit

Sot në Hagë shpallet vendimi për Hashim Thaçin dhe katër të akuzuarit e tjerë

Dhomat e Specializuara të Kosovës në Hagë pritet që sot të shpallin aktgjykimin në rastin e njohur si “Administrimi i…

5 minutes ago

Scandal/ Silvete Muhamed Osmani, wife of Granit Osmani, receives a monthly contract worth 2,000 euros from the ministry (DOCUMENT)

Gazetari i njohur Rami Mislimi ka shkruar një shkrim në TS ku pretendon se bashkëshortja e drejtorit të VLEN, Granit…

50 minutes ago

SKANDAL/ Silvete Muhamed Osmani, bashkëshortja e Granit Osmanit, përfiton kontratë mujore prej 2 mijë eurosh nga Ministria (DOKUMENT)

Gazetari i njohur Rami Mislimi ka shkruar një shkrim në TS ku pretendon se bashkëshortja e drejtorit të VLEN, Granit…

2 hours ago

Kërçeli rejects claim over “€1 billion”: €6.5 million worth of energy was imported from Serbia

Deputeti i Lëvizjes Vetëvendosje, Ilir Kërçeli, ka publikuar të dhënat e Doganës së Kosovës për importin e energjisë elektrike. Sipas…

5 hours ago

Kërçeli kundërshton pretendimin për “1 miliardin”: Nga Serbia u importuan 6.5 milionë euro energji

Deputeti i Lëvizjes Vetëvendosje, Ilir Kërçeli, ka publikuar të dhënat e Doganës së Kosovës për importin e energjisë elektrike. Sipas…

6 hours ago

Jensen Huang’s resignation rocks Nvidia: Espionage suspicions expose bigger issues

Dorëheqja e Jensen Huang nga drejtimi i gjigantit amerikan të teknologjisë Nvidia, pas raportimeve për disa marrëdhënie jashtëmartesore, përfshirë një…

7 hours ago