Hamza në Prishtinë: E kemi fokusin që të zhvillohet ekonomia

Partia Demokratike e Kosovës mbajti tubim elektoral me qytetarët e Bregut të Diellit në Prishtinë.

Kandidati për kryeministër i PDK-së Bedri Hamza tha se në programin i tij, fokus ka zhvillimin ekonomik.

“Programi ynë fillon me vizionin dhe me prioritetin kryesor zhvillimi I qëndrueshëm ekonomik. Ne kemi program I cili parasheh reforma edhe në pjesën fiskale edhe vlerësimet e qasjes në financa më bë një ambient të përshtatshëm miqësor për biznese. Sepse nuk ka shtet të qëndrueshëm të zhvilluar ekonomikisht pa sektor privat të zhvilluar.”

“E kemi fokusin që të zhvillohet ekonomia, të përmirësohen dhe të rriten të ardhurat që të rriten pagat dhe të punësuarit në sektorin privat të kenë paga të dinjitetshme.”

Hamza po ashtu premtoi se do t’i mbroj të drejtat e të punësuarve në sektorin privat.

“Përmes themelimit të Gjykatës të Punës, përmes themelimit të fondit të papunësisë që në rast se dikush e humb vendin e punës mos me qenë I/e detyruar që të lajmërohet në skemat sociale por për 6 muaj 80 për qind të pagës së fundit do ta ketë të garantuar.”

Hamza, premtoi se me qeverisjen e tij, pagat do të rriten 50 për qind, pensionet e moshës do të rriten për 70 për qind. Më pas PDK, shpalosi edhe listën e kandidatëve që janë në garë nga kjo parti.