“Gjiko të ka tradhtuar me mua”, Elita publikon mesazhin e ndjekëses në prani të reperit (VIDEO)

Gjiko dhe Elita Rudi janë një nga çiftet më “cool” në showbizin shqiptar. Dyshja janë shumë të ëmbël dhe nuk lënë rast pa treguar raportin e tyre për tu patur zili, si në intervista, ashtu edhe në rrjetet sociale. Kështu, ka ndodhur edhe së fundmi.

Elita ka realizuar një intervistë virtuale me ndjekësit e reperit në Instagram, duke iu përgjigjur disa pyetjeve pikante. Mes të tjerave, një ndjekëse i shkruan: “A na fal mu e Gjikon që të ka tradhtu?” Me sportivitetin që e karakterizon, moderatorja e ka kaluar me të qeshura dhe nuk e ka marrë aspak seriozisht. “Thuaji hallall iu qoftë!”- i thotë Gjiko me nota humori.

Sakaq, dikush e pyet nëse është xheloze. “Unë mendoj se nuk jam xheloze, por…”- tha Elita, teksa fjalia u plotësua nga Gjiko: “…por ka kuptuar se është!” Nga ana tjetër, reperi ka pranuar se është xheloz sidomos kur Elita vesh fustane shumë të shkurtër.

I shohim gjithnjë shumë të lumtur, por a kanë menduar ndonjëherë ata të ndahen? Kësaj pyetjeje, moderatorja i është përgjigjur përmes këngës së Elvana Gjatës dhe Yll Limanit, vargjet e të cilës janë: “Na me u nda osh marre, marre, marre…”