Në protestën e mbajtur të enjten në mbrëmje në sheshin “Skënderbeu” në Prishtinë morën pjesë edhe Endrit Thaçi, djali i ish-presidentit Hashim Thaçi, si dhe Klestor Veseli, djali i ish-kryetarit të Kuvendit, Kadri Veseli.
None found
Tubimi filloi në orën 21:00 me moton “Jo në emrin tim”, përmes së cilës pjesëmarrësit kundërshtuan formulimin e trupit gjykues se aktgjykimi ishte shpallur “në emër të popullit të Kosovës”.
Prania e Endrit Thaçit dhe Klestor Veselit u shoqërua me brohoritjet e qytetarëve, të cilët thërrisnin “UÇK, UÇK” dhe “Populli është me UÇK-në”, duke shprehur pakënaqësinë e tyre ndaj vendimit të Dhomave të Specializuara në Hagë.
Të dy qëndruan pranë qytetarëve vetëm një ditë pasi kishin ndjekur në Hagë shpalljen e aktgjykimit ndaj baballarëve të tyre dhe dy ish-krerëve të tjerë të Ushtrisë Çlirimtare të Kosovës.
Pjesëmarrësit në tubim mbanin flamuj kombëtarë, flamuj të UÇK-së dhe pankarta mbështetëse për Hashim Thaçin, Kadri Veselin, Jakup Krasniqin dhe Rexhep Selimin. Protesta u organizua pas reagimeve të shumta të nxitura nga vendimi i 16 shtatorit.
Dhomat e Specializuara i dënuan Hashim Thaçin dhe Jakup Krasniqin me nga 25 vjet burgim, Kadri Veselin me 18 vjet, ndërsa Rexhep Selimin me 13 vjet. Mbrojtja e të dënuarve ka njoftuar se aktgjykimin do ta kundërshtojë në Gjykatën e Apelit.
Vendimi ka shkaktuar reagime të forta në Kosovë, Shqipëri dhe në diasporë. Përfaqësues politikë, organizata të dala nga lufta dhe shumë qytetarë kanë kundërshtuar dënimet, duke vlerësuar se përgjegjësia penale duhet të trajtohet individualisht dhe se lufta çlirimtare e UÇK-së nuk mund të vihet në të njëjtin nivel me krimet e regjimit serb.
Nga ana tjetër, Dhomat e Specializuara kanë theksuar se gjykimi ka trajtuar përgjegjësinë individuale të të akuzuarve, jo UÇK-në si organizatë dhe as karakterin e luftës së saj.
Tubimi i së enjtes ishte protesta e radhës e organizuar në Prishtinë pas shpalljes së aktgjykimit. Qytetarët kërkuan që kundërshtimi i vendimit të vazhdojë nëpërmjet rrugëve demokratike dhe procesit të apelimit.
Prokuroria e Tiranës, pritet të thërrasë për të dhënë dëshminë e tij Erjon Vishkullin, i riu që mbeti i p*agosur…
Ushtruesja e detyrës së kryetares së Partisë Demokratike të Kosovës (PDK), Vlora Çitaku, dhe ish-kryetari i kësaj partie, Bedri Hamza,…
Spanja ka shprehur gatishmëri që të mos bëhet pengesë për afrimin e Kosovës me Bashkimin Evropian, pavarësisht se vazhdon të…
Gjykata e Apelit, ka ndryshuar masën e sigurisë për Vinçesk Pirolin, një prej tre personave të arrestuar në lidhje me…
Besiktasi po planifikon ndryshime të mëdha në krahun e djathtë të sulmit gjatë afatit kalimtar të janarit, ndërsa në listën…
Të shtunën, më 21 nëntor, nga ora 12:00 deri në 14:00, në Ohër do të mbahet një protestë paqësore civile…