Deklaratë tronditëse e ministres serbe, Haradinaj: Na forcon ndërgjegjen kombëtare, Kosova mbetet fundi i Serbisë

Një deklaratë e rëndë ka ardhur nga ministrja serbe Snezhana Paunoviq, e cila u shpreh se nëse do të gjendej në pozicionin e Sllobodan Millosheviqit gjatë vitit 1998, do të ndërmerrte një spastrim etnik në Kosovë.

Reagimi ndaj këtyre fjalëve nuk vonoi, teksa Daut Haradinaj i Aleancës theksoi se Kosova asnjëherë nuk ka përbërë zemrën e Serbisë, por përkundrazi, ka shënuar dhe vazhdon të shënojë përfundimin e saj.

“Kosova s’ka qenë kurrë zemra e Serbisë. Ajo ka qenë dhe do të jetë fundi i Serbisë, dorëzimi i saj përfundimtar. Kjo retorikë millosheviçiane vetëm sa e forcon ndërgjegjen tonë kombëtare si një popull i lirë dhe i vendosur për të mbrojtur këtë shtet dhe këtë liri nga mentaliteti gjenocidal, i cili duket se transmetohet ndër breza. Kosova është zemra e çdo shqiptari,” shkroi Haradinaj në reagimin e tij.