Categories: kosovë

Auditimi zbulon mbivlerësime financiare në KRU Prishtina, merr opinion të kualifikuar nga ZKA

Kompania Rajonale e Ujësjellësit “Prishtina” ka marrë një opinion të kualifikuar nga Zyra Kombëtare e Auditimit për pasqyrat financiare të vitit 2025. Çështjet e ngritura nga auditori u shqyrtuan në Komisionin për Mbikëqyrjen e Financave Publike, ku u shprehën shqetësime lidhur me pasaktësitë në raportimin financiar dhe dështimin për të zbatuar rekomandimet e viteve të mëparshme.

Kryetari i komisionit, Besian Mustafa, vuri në dukje se një opinion i kualifikuar nuk është një vlerësim pozitiv për ndërmarrjen. Ai sqaroi se auditori ka konstatuar mbivlerësim të të ardhurave dhe, si pasojë, edhe të fitimit neto, si dhe pasaktësi në zërat e TVSH-së dhe llogaritë e arkëtueshme.

Të lidhura

None found

Sipas Mustafës, një tjetër gjetje e rëndësishme lidhet me mosrishikimin e vlerës së mbetur të aseteve për vitin raportues 2025, gjë që ka sjellë mangësi në regjistrin e pasurive. Në raportin e auditimit janë dhënë gjithsej 19 rekomandime, prej të cilave 6 janë të reja, 3 pjesërisht të përsëritura dhe 10 të përsëritura plotësisht nga viti i kaluar.

Mustafa theksoi se ndërmarrja i ka mbivlerësuar të hyrat për 27 mijë e 427 euro, çka ka ndikuar në mbivlerësimin e fitimit neto me të njëjtën vlerë. Po ashtu, shpenzimet e TVSH-së janë mbivlerësuar për 2 mijë e 390 euro, ndërsa llogaritë e arkëtueshme për 29 mijë e 880 euro, për shkak të faturimit financiar të një ujëmatësi që shërben vetëm për matjen e sasisë së ujit, jo për faturim direkt.

Kryesuesi i Bordit të KRU Prishtina, Bashkim Pllana, dha shpjegime para anëtarëve të komisionit lidhur me disa prej gjetjeve. Ai sqaroi se ujëmatësi në fjalë është një matës kryesor i instaluar në një ndërmarrje, i cili furnizon edhe rreth 50 deri në 60 objekte të tjera të dhëna me qira. Sipas tij, ndërmarrja është mbështetur në Ligjin për Rregullimin e Shërbimeve të Ujit, duke argumentuar se ky matës përdoret për matjen e konsumit, jo për faturim të drejtpërdrejtë.

Pllana shpjegoi se uji i konsumuar nga institucionet e caktuara nuk faturohet, por vetëm matet, njësoj si në rastin e banesave kolektive ku një matës kryesor në hyrje shoqërohet me matës individualë për banorët që faturohen veçmas. Ai shtoi se problemi me amortizimin e aseteve vjen nga një sistem softuerik i instaluar në vitin 2022, i cili nuk kishte gjeneruar amortizimin e llogaritur për disa asete.

Gjatë raportimit, Pllana ngriti edhe çështjen e disa subjekteve komerciale që kanë pamundësuar qasjen në ujëmatës duke vendosur objekte të rënda mbi ta. Ai tha se komisioni i KRU-së ka kryer inspektimet përkatëse dhe se rastet janë përgatitur për trajtim gjyqësor. Pllana kundërshtoi gjithashtu disa nga borxhet e evidentuara, duke përmendur një shumë prej 402 eurosh për të cilën kërkohet sqarim i mëtejshëm, duke e cilësuar atë si jo reale.

Gjetjet e auditimit dhe shpjegimet e drejtuesve u diskutuan në kuadër të mbikëqyrjes parlamentare të menaxhimit financiar të KRU Prishtina. Po ashtu, komisioni shqyrtoi edhe raportin e auditimit për pasqyrat financiare të NPH-së “Ibër-Lepenc” Sh.A. për vitin 2025.

të fundit

Presidentja Shiroka Pula pret Daniel Serwer, theksohet thellimi i partneritetit me SHBA

Presidentja Justina Shiroka-Pula, priti në takim profesorin Daniel Serwer, ekspert i çështjeve të Ballkanit Perëndimor. Sipas njoftimit të Presidencës, gjatë…

3 minutes ago

Tuneli i Shkopetit, uji përshkon gjithë gjatësinë: Drejtuesit e mjeteve paralajmërojnë rrezikun e shembjes së gurëve

Reshjet e fundit të shiut kanë rikthyer problematikat në tunelin e Shkopetit, ku uji rrjedh përgjatë gjithë gjatësisë së tij,…

4 minutes ago

Chelsea përgatit ofensivën e bujshme prej 180 milionë eurosh për dyshen e Barcelonës

Chelsea po planifikon një sulm të jashtëzakonshëm prej 180 milionë eurosh në janar nga Barcelona për Fermin Lopez dhe Jules…

10 minutes ago

Aplikimi për lejeqëndrim në Kosovë tashmë online, Sveçla: Procedura më të shpejta e më të thjeshta

Ministria e Punëve të Brendshme ka digjitalizuar edhe një shërbim tjetër administrativ, duke mundësuar që nga sot aplikimet për herë…

15 minutes ago

Mehmeti debuton me Pogradecin, 12 skuadra zbresin në fushë për Kupën e Shqipërisë

Kupa e Shqipërisë Kanë nisur pjesët e para në 6 ndeshjet e ditës së sotme që përmbyllin edhe turin e…

17 minutes ago

Berisha në Kuvend akuzon Ramën: Çfarë përfaqësonin 1 mln euro të Vlora Hysenit? Denoncimi i Majkos do të zbardhet

Kreu i PD Sali Berisha ka mbajtur sërish fjalën e tij në Kuvend, ku nuk ka kursyer kritikat dhe akuzat…

28 minutes ago