Dy shtetas të Kosovës, H.L. dhe T.M., janë arrestuar më 11 nëntor 2026, nën dyshimin se kanë kryer veprën penale “Mashtrimi lidhur me pranimin e fondeve nga komuniteti ndërkombëtar”.
Sipas dyshimeve, ata kanë keqpërdorur 62 mijë e 902 euro nga dy grante ndërkombëtare, me vlerë të përgjithshme prej 575 mijë e 736 eurosh. H.L. dhe T.M. dyshohet se kanë vepruar në cilësinë e drejtorit dhe menaxherit të një kompanie.
None found
Policia bën të ditur se nga granti i parë, prej 293 mijë e 500 eurosh, dyshohet të jenë keqpërdorur 23 mijë euro. Të dyshuarit pretendohet se kanë raportuar në mënyrë të rreme se shpenzimet për blerjen e makinerive ishin kryer plotësisht.
I njëjti pretendim për raportim të rremë të shpenzimeve lidhet edhe me grantin e dytë, i cili kap vlerën e 282 mijë e 236 eurove. Nga ky grant dyshohet se janë keqpërdorur 39 mijë e 902 euro.
Gjatë hetimeve, sipas Policisë, janë identifikuar keqpërdorime të dyshuara që arrijnë gjithsej në 62 mijë e 902 euro.
Arrestimet u kryen në kuadër të hetimeve për një rast të datës 4 tetor 2026. Të dy personat u morën në pyetje në praninë e avokatëve mbrojtës dhe, me urdhër të prokurorit të rastit, u ndaluan për 48 orë.
Hetimet për rastin po vazhdojnë.
Është zhvilluar sot konferenca për shtyp për mediat, në prag të ndeshjes që Shqipëria do të luajë me Finlandën në…
Afan Elezi nga VLEN sot në një konferencë për media tha se pas 35 vitesh pritje nga pavarësimi i shtetit…
Nominimi i Mikhail Bogachekut për ambasador të ri të Shteteve të Bashkuara të Amerikës në Kosovë është mirëpritur nga njohësit…
Dy persona janë arrestuar sot, më 11 nëntor 2026, nën dyshimin për përfshirje në veprën penale “Mashtrimi lidhur me pranimin…
Ministria e Drejtësisë ka mbajtur takimin e Grupit Punues ndërinstitucional, me përfaqësues nga institucionet e Republikës së Kosovës, duke përfshirë…
28 punonjës janë larguar nga Garda e Republikës gjatë vitit 2026, kryesisht për t'u punësuar në vende të tjera. [...]…