Kryetari i Bashkimit Demokratik për Integrim, Ali Ahmeti, ka ngritur akuza ndaj kryeministrit të Kosovës, Albin Kurti, duke thënë se qëndrimi i tij për statusin e gjuhës shqipe në Maqedoninë e Veriut përputhet me atë të kryeministrit Hristijan Mickoski.
Gjatë deklarimit të së mërkurës, Ahmeti theksoi se fjalët e Kurtit e kanë lënduar thellë atë dhe ish-ushtarët e Ushtrisë Çlirimtare Kombëtare. “Kjo më ka vrarë shpirtërisht”, u shpreh ai.
None found
Kreu i BDI-së solli në kujtesë dëshmorët e vitit 2001 dhe ngriti pyetjen se për çfarë u flijuan ata, nëse sot pretendohet se shqipja nuk ka qenë kurrë gjuhë zyrtare. Ai shtoi se i ka bërë tri kërkesa publike Kurtit për të sqaruar deklaratën, e cila është transmetuar për një muaj në televizionet e Maqedonisë së Veriut.
Deklarata që përmend Ahmeti daton më 18 nëntor 2024. Në atë rast, në një konferencë të përbashkët me Mickoskin, Kurti tha se në Maqedoninë e Veriut nuk ekziston një ligj për përdorimin e gjuhës shqipe, por një ligj për përdorimin e gjuhëve.
Amendamenti V i Kushtetutës së Maqedonisë së Veriut përcakton si gjuhë zyrtare, përveç maqedonishtes, edhe çdo gjuhë që flitet nga të paktën 20 për qind e popullsisë. Shqipja e përmbush këtë kriter.
Një ditë më parë, Ahmeti kishte kërkuar mbajtjen e zgjedhjeve të parakohshme parlamentare. Deri tani, Zyra e Kryeministrit të Kosovës nuk ka reaguar ndaj këtyre akuzave.
Kosova renditet ndër pesë vendet e para në Evropë dhe në vendin e 14-të në nivel global në Indeksin e…
Kampionia e Kosovës në basketboll ka shënuar një tjetër fitore të rëndësishme në FIBA Europe Cup, duke mposhtur skuadrën e…
Numri i aeroplanmbajtëseve amerikane që mbështesin operacionet ushtarake kundër Iranit ka zbritur sërish në dy, pas largimit të USS George…
Miliarderi amerikan Elon Musk ka shprehur keqardhje për shumat e mëdha që shpenzoi për të mbështetur kandidatët republikanë në zgjedhjet…
Kryeministri Edi Rama, ndodhet këtë të enjte në Berlin, ku do të marrë pjesë në takimin e nivelit të lartë…
Një vajzë vetëm 6 vjeçe rezulton e zhdukur pas mbytjes së një gomoneje me emigrantë në ujërat pranë ishullit italian…