Agenda e seancës plenare të enjten zbardhet, Nagavci rrëfen çështjet që do të votohen

Agjenda për sesionin plenar që Kuvendi i Kosovës do ta mbajë të enjtenështë vendosur përfundimisht, pas mbledhjes së Kryesisë parlamentare, ku u diskutuan një sërë temash.

Arbërie Nagavci, përfaqësuese e Grupit Parlamentar të Vetëvendosjes (LVV), u bë përçuese e detajeve nga kjo mbledhje, duke theksuar se deputetët do të merren me tema me peshë për institucionet dhe legjislacionin e vendit.

Një nga detyrat e seancës do të jetë zgjedhja e dy personaliteteve që do të ulen në Bord Ekzekutiv të Bankës Qendrore të Kosovës (BQK). Po ashtu, do të krijohen komisionet që do të kujdesen për përzgjedhjen e anëtarëve të bordit drejtues të Radio Televizionit të Kosovës (RTK).

Sesionit të enjten iështë bashkangjitur gjithashtu votimi në lexim të dytë i Projektligjit për parandalimin dhe luftimin e pastrimit të parave dhe financimit të terrorizmit, njoftoi Nagavci.

Sipas saj, ky dokument ligjor ka domethënien e vet si për arkën e shtetit, ashtu edhe për lidhjet me vendet përreth.

“U pajtuam po ashtu që në këtë seancë të përfshihet edhe shqyrtimi në lexim të dytë i ligjit për parandalimin dhe luftimin e pastrimit të parave dhe luftimit të terrorizmit, apo i njohur ndryshe si një projektligj i ciliështë shqyrtuar edhe në legjislaturën e kaluar për shkak të rëndësisë që ka, edhe për shkak të domosdoshmërisë që të miratohet sa më shpejt”, tha Nagavci.

Ajo ndërlidhi miratimin e këtij ligji me përfitimet financiare për buxhetin, por edhe me afrimin e Kosovës me rajonin.

“Sepse përveçse kursen me dhjetëra miliona euro nga buxheti i vendit,është edhe një projektligj i rëndësishëm që ne të jemi pjesë e zonës së njëjtë vendeve të rajonit”, thekso ajo.

Ndryshe, në fjalën e saj Nagavci lajmëroi edhe hapjen e konkursit për mbushjen e vendeve në Këshillin e Pavarur Mbikëqyrës për Shërbimin Civil.

Ajo shtoi se sapo të mbyllet ky konkurs, do të nisë faza tjetër – ajo e përzgjedhjes së anëtarëve për këtë institucion.

“Përveç kësaj, u njoftua edhe për shpalljen e konkursit për anëtarët e këshillit të pavarur mbikëqyrës të shërbimit civil, dhe pastaj, natyrisht, pas mbylljes së konkursit do të vazhdojë edhe me përzgjedhjen e tyre për këtë institucion të ri të rëndësishëm”, përfundoi Nagavci.