Kryetari i Lidhjes Demokratike të Kosovës (LDK), Lumir Abdixhiku, ka shënuar 25-vjetorin e sulmeve terroriste të 11 Shtatorit në Shtetet e Bashkuara të Amerikës, duke shprehur solidaritetin e tij me familjet e viktimave dhe popullin amerikan.
None found
Ai ka kujtuar se sulmet e 11 Shtatorit 2001, të cilat u morën jetën rreth 3 mijë njerëzve, tronditën të gjithë botën dhe mbetën në kujtesën kolektive si një nga aktet më të rënda terroriste.
“Ky sulm nuk ishte vetëm një goditje ndaj Shteteve të Bashkuara të Amerikës, por një sfidë brutale ndaj vetë vlerave themelore mbi të cilat ngrihet shoqëria demokratike, lirisë, paqes dhe bashkëjetesës”, ka deklaruar Abdixhiku.
Sipas tij, Kosova e kupton më qartë se kushdo tjetër vlerën e lirisë dhe rëndësinë e miqësisë me Shtetet e Bashkuara.
“Lidhja e Kosovës me Shtetet e Bashkuara të Amerikës nuk është vetëm marrëdhënie mes dy vendeve; është një lidhje e ndërtuar mbi besim, vlera dhe një histori të përbashkët solidariteti”, ka shkruar kreu i LDK-së.
Me rastin e përvjetorit të 11 Shtatorit, Abdixhiku ka rikonfirmuar angazhimin e tij për aleancën me SHBA-në dhe për vlerat demokratike.
“I përjetshëm qoftë kujtimi për viktimat e 11 Shtatorit”, ka përfunduar mesazhin e tij Abdixhiku.
Këshilli Penal pranë Gjykatës Themelore Penale në Shkup ka pranuar garancinë prej 1.140.781 eurosh, e ofruar në formë të pronës…
Këshilli Penal pranë Gjykatës Themelore Penale në Shkup ka pranuar garancinë prej 1.140.781 eurosh, e ofruar në formë të pronës…
Cesc Fabregas ka komentuar fitoren historike të Comos me rezultat 9-1 ndaj Lensit në Ligën e Kampionëve, duke kërkuar nga…
Kreu i Partisë Demokratike, Sali Berisha, gjatë një takimi me kryetarët dhe sekretarët e degëve të PD-së, ka bërë thirrje…
Një anëtar i një organizate kriminale që mashtronte gra të moshuara ka rënë në prangat e Policisë në Selanik. [...]…
Dy aktivistët Dritan Goxhaj dhe Edison Lika janë liruar mbrëmjen e kësaj të mërkure, pasi u shoqëruan me forcë nga…