Nga Tuneli i Murrizit te Llogaraja, nga Unaza e Madhe te Thumanë–Kashar, Shqipëria po paguan shtrenjtë një model qeverisjeje ku propaganda ecën më shpejt se standardi, ndërsa inaugurimet paraprijnë sigurinë.

Janë projekte të shpallura si strategjike, me kosto qindra milionë euro dhe me impakt të drejtpërdrejtë në sigurinë e qytetarëve. Të gjitha kanë një emër të përbashkët në zinxhirin e vendimmarrjes: Belinda Balluku, zëvendëskryeministre dhe ministre e Infrastrukturës dhe Energjisë në periudhën e konceptimit, kontraktimit dhe zbatimit të tyre.

Sot, këto projekte po përballen me probleme serioze sigurie, cilësie dhe transparence, ndërsa disa prej tyre janë raportuar publikisht si pjesë e dosjeve hetimore të SPAK, duke ngritur pikëpyetje të forta mbi mënyrën e menaxhimit të fondeve publike dhe standardeve teknike.

Tuneli i Murrizit: kronika e një rreziku të paralajmëruar
Tuneli i Murrizit, pjesë kyçe e Rrugës së Arbërit, është shndërruar në rast studimor të dështimit institucional. I nisur në vitin 2019 dhe i inauguruar mes vonesash dhe shtyrjesh, tuneli ka shfaqur probleme të përsëritura: infiltrime uji, shembje, ndërprerje qarkullimi dhe shqetësime serioze mbi stabilitetin e strukturës.

Pavarësisht këtyre problemeve, autoritetet nuk kanë bërë publike raporte të plota teknike të pavarura që të garantojnë sigurinë afatgjatë të tunelit. Vendimet për hapje dhe përdorim janë marrë pa transparencë, ndërkohë që përgjegjësia institucionale mbetet e paqartë.

Ky projekt është menaxhuar drejtpërdrejt nga Ministria e Infrastrukturës, nën drejtimin politik të Belinda Ballukut.

Tuneli i Llogarasë: standarde të paqarta dhe mungesë llogaridhënieje
Edhe Tuneli i Llogarasë, një tjetër vepër e shpallur si transformuese për Jugun e vendit, është shoqëruar me debate mbi cilësinë e ndërtimit dhe procedurat e kolaudimit. Pavarësisht inaugurimit dhe promovimit intensiv nga qeveria, nuk janë publikuar në mënyrë të plotë auditime teknike që të vërtetojnë përputhjen me standardet e sigurisë europiane.

Tuneli i Llogarasë u hap me ngut, sepse propaganda nuk pret. Pyetjet mbi cilësinë, auditimet teknike dhe standardet reale u mbytën nga fjalori festiv i qeverisë.

Kur një tunel hapet më shpejt se raporti teknik, kemi të bëjmë me keqadministrim kriminal të sigurisë publike. Nuk është më thjesht paaftësi – është zgjedhje.

Ekspertë të fushës kanë ngritur shqetësime të vazhdueshme për mënyrën e hapjes së tunelit dhe mungesën e informacionit mbi testimet strukturore dhe sistemet e emergjencës. Deri më sot, Ministria e Infrastrukturës nuk ka dhënë shpjegime të detajuara.

Biseda mes përfaqësuesit grek te kompanisë mbikëqyrëse të punimeve në tunelin e Llogarasë, “Hill International NV” dhe drejtorit te ARRSH, Evis Berberi e pasqyruar ne dosjet e SPAK, tregon gjithcka për mënyrëen se si është punuar.

Pas një inspektimi në kantier në korrik të vitit 2022, përfaqësuesi grek i kompanisë mbikëqyrëse të punimeve në tunelin e Llogarasë mbeti i shokuar. Ai i shkroi i alarmuar kreut të Autoritetit Rrugor Shqiptar, Evis Berberi se punët po shkonin përditë e më keq me projektin.

“Evis…kontraktori duhet të kuptojë se projekti nuk është thjesht një “vrimë”, por është një tunel i cili duhet të ndërtohet sipas specifikimeve dhe praktikave ndërkombëtare në respekt ABSOLUT për çështjet e SIGURISË…” i shkroi Ioannis Kirkinezis, përfaqësues i kompanisë “Hill International NV”, Berberit.

Unaza e Madhe: një plagë urbane me kosto miliardëshe
Unaza e Madhe, projekti që duhej të zgjidhte trafikun e kryeqytetit, është kthyer në shembull klasik të ndërtimit pa standard me kosto shumë te lartë, duke kaluar shiren prej 433 milionë euro. Projekti më i madh urban i dekadës së fundit, vazhdon të shfaqë probleme serioze cilësie. Asfalt i dëmtuar, segmente të rrezikshme për qarkullimin, Hyrje-dalje të papërfunduara, lidhje problematike mes urave dhe nevojë e vazhdueshme për ndërhyrje korrigjuese.

Albeu.com ka publikuar përgjime të dokumentuara ku Balluku, sipas kryetarit të Grupit të PD, Gazment Bardhi, urdhëron Evis Berberin për takime me operatorë të caktuar ekonomikë, të cilët më pas shpallen fitues të tenderëve.

Thumanë–Kashar: autostradë nën hijen e dyshimit
Edhe Thumanë–Kashar, një nga akset më të reklamuara, shoqërohet me pikëpyetje serioze mbi cilësinë, kostot dhe sigurinë. Një autostradë që duhet të ishte standard, por që ngjan më shumë me <strong”>kompromis politik mbi beton, me nje kosto 59 milionë €/km dhe 1.56 miliardë € fitim të garantuara për koncesionarin, Bashkim Ulaj.

Autostrada Thumanë–Kashar, e promovuar si aks me standarde europiane është pjesë e dosjeve hetimore të SPAK, duke e futur edhe këtë vepër në listën e projekteve nën vëzhgim penal.

Edhe në këtë rast, mungesa e transparencës mbi kontratat, ndryshimet e projektit dhe kontrollin teknik ushqen dyshimet publike.

Përgjegjësia politike që mungon
Në asnjë prej këtyre rasteve nuk është marrë përgjegjësi politike. Nuk ka dorëheqje, nuk ka shkarkime, nuk ka auditime të hapura për publikun. Ka vetëm deklarata politike, ndërkohë që faktet në terren tregojnë të kundërtën.

Në një shtet funksional, infrastruktura nuk matet me numrin e inaugurimeve, por me sigurinë dhe jetëgjatësinë e saj. Deri atëherë, pyetja mbetet e hapur: kush mban përgjegjësi kur projektet strategjike kthehen në rrezik publik?

Fakti që pothuajse të gjitha projektet madhore të infrastrukturës rrugore të viteve të fundit janë me probleme të theksuara teknike dhe me kosto mbi ato europiane, ngre një pyetje thelbësore: a kemi të bëjmë me dështime të izoluara apo me një model sistemik menaxhimi? Dhe Belinda Balluku, si drejtuesja politike e këtij portofoli, mban përgjegjësi të drejtpërdrejtë për mënyrën se si janë konceptuar, kontraktuar, zbatuar dhe certifikuar këto vepra. /albeu.com/

The post EDITORIAL/ Infrastruktura në hetim: Si u shndërruan projektet strategjike në rrezik publik nën menaxhimin e Belinda Ballukut appeared first on Albeu.com.

Hekurudha Tiranë–Durrës–Rinas është shndërruar nga një projekt strategjik transporti në një simbol të keqqeverisjes, propagandës politike dhe papërgjegjshmërisë institucionale të qeverisë dhe në vecanti e zv.kryeministres nën hetim, Belinda Balluku.

E nisur me bujë në vitin 2021 dhe e shitur publikisht si “rilindja e hekurudhës shqiptare”, kjo vepër publike sot përfaqëson gjithçka që shkon keq me mënyrën se si menaxhohen investimet madhore në Shqipëri: premtime të pambajtura, afate të rreme dhe kosto që fryhen pa fund.

2021: Propaganda para planifikimit
Në vitin 2021, qeveria nisi punimet për hekurudhën Tiranë–Durrës me një fushatë të fortë propagandistike, me në qendër kryeministrim Edi Rama dhe atëkohë ministren Belinda Balluku. U fol për shpejtësi europiane, për lidhje direkte me aeroportin e Rinasit dhe për një udhëtim prej vetëm 12 minutash nga Tirana në aeroport. Kryeministri dhe ministrat e tij garantuan publikisht se projekti ishte i financuar, i planifikuar dhe do të përfundonte brenda vitit 2023. Nuk munguan as videot 3D qe tregonin se sa i bukur do të ishte dukej udhëtimi me tren nga Tirana në Durrës.

Por sot është e qartë se në atë kohë, ajo që nuk ishte përfunduar ishte vetë baza e projektit: shpronësimet, planifikimi real dhe menaxhimi serioz i riskut.

2022–2023: Afatet bien, justifikimet shtohen
Gjatë viteve 2022 dhe 2023, qytetarëve iu servirën deklarata të përsëritura për “ritme të larta pune”, “segmente që po përfundojnë”, “përfunduan 30% të punimeve”, “përfunduan 70% të punimeve”, etj. Në realitet, kantierët mbetën të copëzuar, punimet të ndërprera dhe afatet të paqarta.

Viti 2023 – afati zyrtar i përfundimit – kaloi pa asnjë përgjegjësi politike, pa asnjë raport publik dhe pa asnjë sqarim serioz se pse një projekt i tillë dështoi të dorëzohej në kohë. Në çdo shtet normal, tejkalimi i afatit do të sillte hetim administrativ dhe llogaridhënie. Në Shqipëri, solli vetëm një heshtje institucionale dhe një mundësi e re për Belinda Ballukun për të nisur propagandën nga e para dhe për ta përdorur edhe për disa vite.

2024: “Puna vijon”, realiteti ngec
Në vitin 2024, qeveria vazhdoi të përdorë të njëjtën formulë të konsumuar: “puna vijon”. U promovuan stacione të veçanta, sidomos ai i Vorës, si prova e suksesit të projektit. Por hekurudha si linjë funksionale mbeti larg përfundimit.

Mediat online dhe organizata të shoqërisë civile evidentuan atë që qeveria shmangu ta pranojë: projekti ishte i paralizuar nga probleme strukturore, përfshirë shpronësimet e papërfunduara – një absurditet për një vepër publike që kishte nisur prej vitesh.

2025–2026: Miliona shtesë për një dështim në vazhdim
Sot, qeveria miraton një rritje prej 377 milionë lekësh për fondin e shpronësimeve të hekurudhës Durrës–Tiranë–Rinas. Ky vendim është një pranim i heshtur, por i qartë, i dështimit të menaxhimit të projektit.

Pesë vite pas nisjes së punimeve, shteti shqiptar ende nuk ka mbyllur shpronësimet. Ndërkohë, qytetarët paguajnë faturën për paaftësinë e institucioneve dhe të zv.kryeministres Balluku  që nisën punë pa përmbushur kushtet minimale ligjore.

Një model i përsëritur i qeverisjes së korruptuar
Hekurudha Tiranë–Durrës–Rinas nuk është rast i izoluar. Ajo ndjek të njëjtin model të projekteve të tjera publike: nisin për arsye politike, shiten si suksese elektorale dhe përfundojnë si barrë financiare për taksapaguesit.

Asnjë ministër nuk është hetuar. Asnjë ministër nuk ka dhënë dorëheqje. Asnjë institucion nuk ka mbajtur përgjegjësi. Asnjë raport i detajuar mbi rritjen e kostove nuk është bërë publik. Ndërsa propaganda vazhdon, besimi publik gërryhet.

Pyetje që sot zv.kryeminisrja nën hetim, Belinda Balluku duhet t’u përgjigjet:

• Pse u nis projekti pa u përfunduar shpronësimet?
• Sa herë janë shtyrë realisht afatet dhe me çfarë vendimesh zyrtare?
• Sa është sot kostoja totale e projektit dhe sa ishte ajo fillestare?
• Kush mban përgjegjësi politike dhe administrative për këtë zvarritje?

Derisa këto pyetje të marrin përgjigje, hekurudha Tiranë–Durrës–Rinas mbetet jo vetëm e papërfunduar në terren, por edhe një monument i gjallë i qeverisjes së korruptuar dhe të paaftë. /albeu.com/

The post EDITORIAL/ Hekurudha Tiranë–Durrës–Rinas: kronikë e një dështimi të paralajmëruar të Belinda Ballukut appeared first on Albeu.com.

Rei Manaj ka shënuar sot një gol historik në Serbi në ndeshjen me Shqipërinë. Kombëtarja e Shqipërisë gjeti avantazhin në fundin e pjesës së parë, pikërisht nga ky futbollist.

Por gëzimi i tij nuk ka zgjatur edhe për shumë kohë pasi pas realizimit të golit, Manaj festoi me simbolin e shqiponjës me duar, por u ndëshkua me karton të verdhë nga arbitri.

Manaj duket se po shlyen gabimin e Tiranës, ku humbi penalltinë po ndaj Serbisë, në ndeshjen e zhvilluar në “Air Albania”.

Shikoni golin e Manaj!

The post VIDEO/ Shqiponjat kuq e zi shkatërrojnë serbët në shtëpinë e tyre appeared first on Albeu.com.

Një kamion është përplasur me dy makina.

Si pasojë ka ndërruar jetë një 37-vjeçar si dhe janë plagosur bashkëshortja e tij dhe dy fëmijët e mitur.

Njoftimi i policisë:

Shkodër / Informacion paraprak

Rreth orës 14:50, në aksin rrugor “Shkodër – Lezhë”, ka ndodhur një aksident rrugor ku janë përfshirë tre automjete.

Shtetasi T. K., 42 vjeç, duke drejtuar kamionin e tij, dyshohet se ka humbur kontrollin mbi drejtimin e automjetit dhe si pasojë automjeti është përplasur fillimisht me automjetin me drejtues A. S., 63 vjeç, dhe më pas është përfshirë në aksident edhe automjeti me drejtues shtetasin Gj. B., 37 vjeç.

Si pasojë e përplasjes, ka ndërruar jetë në Spitalin Rajonal Shkodër shtetasi Gj. B., ndërsa janë dëmtuar bashkëshortja e tij, shtetasja J. B., 32 vjeçe, dhe dy fëmijët e mitur, pasagjerë në të njëjtin automjet.

The post Aksident i trefishtë në aksin Shkodër-Lezhë/ Kamioni përplaset me dy makina, 1 viktimë e 3 të plago*ur appeared first on Albeu.com.

Performanca e “Shkodra Elektronike” mori në total 143 pikë, teksa votimi përfundimtar ishte i ndarë në 50% nga juria dhe 50% nga publiku.

Elvana Gjata arriti të merrte çmimin e dytë me këngën “Karnaval”, duke grumbulluar 135 pikë, ndërsa Alis fitoi çmimin e tretë me këngën “Mjegull”, me 59 pikë.

Të parat që u numëruan ishin votat e Jurisë, ku shumicën e votave për vendin e parë e rrëmbeu “Shkodra Elektronike”, vendin e dytë Elvana Gjata dhe vendin e tretë Alis.

Renditja u përmbys nga vota e diasporës, e cila votoi për herë të parë në këtë festival, duke i dhënë shumicën e votave Elvana Gjatës dhe në vendin e dytë u rendit “Shkodra Elektronike”. Këngëtari Alis ruajti sërish vendin e tretë.

Por me numërimin e SMS ku votuan Shqipëria, Kosova, Mali i Zi dhe Maqedonia e Veriut, “Shkodra Elektronike” arriti të rrëmbente përfundimisht çmimin e madh për të përfaqësuar Shqipërinë në Eurovision 2025.

Në momentin e shpalljes së fituesve, emocionet dhe lotët e gëzimit ishin të pranishëm, ndërsa “Shkodra Elektronike” falënderoi publikun dhe jurinë për mbështetjen e madhe.

Ky edicion i Festivalit të Këngës ka qenë i mbushur me emocione dhe konkurrencë të fortë, dhe “Zjerm” do të përfaqësojnë Shqipërinë në skenën ndërkombëtare të Eurovision 2025.

The post VIDEO/ “Zjerm” përfaqëson Shqipërinë në Eurovision appeared first on Albeu.com.

Kuqezinjtë nuk e nisën mirë këtë ndeshje pasi lejuan kundërshtarët që të rrezikojnë në disa raste portën e tyre.

Rasti i parë dhe i vetmi në pjesën e parë per Shqipërinë erdhi në minutën e 44-të kur Qazim Laçi me kokë rrezikoi seriozisht portën mysafire.

Pjesa e dytë ishte tejet e ekuilibruar me të dyja kombëtaret që herë pas herë merrnin iniciativën, por pa arritur të shënojnë.

Kështu pas këtij barazimi, fati i kualifikimit të Shqipërisë do të caktohet në ndeshjen e ardhshme ndaj Ukrainës, aty ku përveç se fitorja është kusht, duhet të merret parasysh edhe rezultati nga ndeshja mes Çekisë dhe Gjeorgjisë.

Momentalisht grupin e udhëheq Republika Çeke me tetë pikë, teksa pas vetes ka lënë Gjeorgjinë që ka shtatë sosh po aq sa ka edhe Shqipëria në vendin e tretë

Komenti i ndeshjes:

90’+2’ Abrashi ndëshkohet me karton të verdhë.

90’ Jepen 3 minuta shtesë.

84’ Tuci dhe Laçi lënë fushën e lojës duke i bërë vend Abrashit dhe Uzunit.

83’ Lingr dhe Kushta hyjnë në fushë në vend të Provod dhe Shulc.

83’ – Një goditje dënimi e fituar nga Muçi është ekzekutuar nga Kristjan Asllani, i cili në dy tentativa nuk ka mundur të gjejë kuadratin.

72’ Bajrami i lë vendin në fushë Muçit.

67’ – Soucek ka një mundësi të artë, por gabon në momentin e fundit përballë Strakoshës.

57’ Top në thellësi për Seferin i cili rrëzohet pas një kontakti, gjyqtari bën shenjë që loja të vazhdojë. (VIDEO)

55’ Edhe Hori përfundon në listën e të ndëshkuarve me karton të verdhë.

53’ Top në të djathtën për Laçin i cili kontrollon dhe gjuan, por sfera devijohet nga një mbrojtës në këndore.  (VIDEO)

52’ – Në zhvillimin e një goditje këndi është Tuci që tenton me të majtën, por pa problem për portierin e çekëve.

48’ – Edhe njëherë çekët të rrezikshëm në këtë fillim të pjesës së dytë, por Strakosha tregohet i saktë me ndërhyrjen e tij.

…nis pjesa e dytë

Mbyllet pjesa e parë

45’ – Një aksion i bukur i kuqezinjve, Laçi provon me kokë në një pozicion të vështirë, por Kovar, portieri i Çekisë, është pozicional.

42’ – Laçi provon me një goditje nga distanca, por pa arritur të gjejë kuadratin.

36’ – Më në fund kuqezinjtë krijojnë një aksion të rrjedhshëm, por finalizimi i Bajramit është i gabuar.

30’ – Zëvendësim i detyruar në radhët e kuqezinjve: Asani del i dëmtuar, në vend të tij është Seferi.

17’ – Bajrami bën gjithçka bukur në zonën e çekëve, por në momentin e fundit gabon.

13’ – Një tjetër traversë për çekët(goditi Cerv), skuadra kuqezi është në vështirësi.

12’ – Goditja e parë nga këndi është për skuadrën çeke, traversa na shpëton nga pësimi i golit.

3’ – Asani tregohet i zgjuar duke rrëmbyer një top te lojtarët çek, por në momentin e fundit është ndalur nga mbrojtja

1’ – Çekët shkelmojnë të parët topin.

Ka nisur në “Air Albania” sfida mes Shqipërisë dhe Çekisë, e vlefshme për Nations League(Liga B, Grupi 1).

SHQIPËRIA: Strakosha, Balliu, Ismajli, Ajeti, Mitaj, Ramadani, Asllani, Laçi, Bajrami, Asani, Tuci. Trajner: Silvinjo

ÇEKIA: Kovar, Kufal, Holesh, Jemelka, Boril, Çerv, Suçek, Çerni, Shulc, Provod, Hori. Trajner: Ivan Hashek

The post VIDEO/ Shqipëria ndal Çekinë dhe lë gjithçka për ndeshjen e fundit appeared first on Albeu.com.

Përpara sfidës janë ekzekutuar himnet. Më poshtë iu sjellim momentet emocionuese ku të gjithë janë në këmbë dhe këndojnë himnin kombëtar shqiptar.

Në sfond po ashtu është dhe koreografia e tifozëve kuqezinj. “Shqiponjat janë të uritura”, shkruhet me simbolin e shqiponjës në tifo.

Himni i Shqipërisë: (VIDEO)

The post VIDEO/ I gjithë stadiumi në kor, shikoni momentin emocionues kur ekzekutohet himni i Shqipërisë appeared first on Albeu.com.

Ndeshja është ndërprerë në çastet e fundit dhe nuk dihet kur pritet të rifillojë. Kjo ka ndodhur pas një incidenti, të cilit i kanë paraprirë një kacafytje e Rrahmanit me Alibec dhe një thirrje e tifozëve rumunë “Serbia,Serbia”.

Ndryshe, Kombëtarja e Kosovës ka zhvilluar një paraqitje mbresëlënëse, duke krijuar më shumë raste se Rumania, por ku gola nuk ka pasur.

Skuadra e drejtuar nga Franco Foda ka dominuar momente, por konkretizimi ka munguar.

Në minutën e gjashtëmbëdhjetë,Jashari ka testuar portierin rumun me një goditje të fuqishme, por ky i fundit e ndali topin.

Rasti më i mirë i pjesës së parë erdhi në minutën e 29-të, kur Edon Zhegrova provoi të shënojë nga afër, por u bllokua nga mbrojtja rumune. Topi i kthyer përfundoi te Vedat Muriqi, i cili goditi me forcë, por sërish portieri vendas ishte i pakalueshëm. Rumania pati një shans të artë në minutën e 40-të, kur Nicolae Stanciu goditi shtyllën.

Në pjesën e dytë, Kosova vazhdoi të kërkonte golin. Në minutën e 79-të, Mërgim Vojvoda gjuajti fuqishëm, por portieri Florin Niță bëri një pritje vendimtare. Pesë minuta më vonë, Ylldren Ibrahimaj provoi nga distanca, por goditja përfundoi mbi portë.

Drama arriti kulmin në minutat e fundit, kur një mosmarrëveshje mes Amir Rrahmanit dhe Alibec për pak eskaloi në përplasje fizike. Pastaj tifozet rumune kane thirrur “Serbia, Serbia”. Incidenti shkaktoi ndërprerjen e ndeshjes për disa minuta dhe futbollistet e Kosoves kane lene fushen.

Në ndeshjen tjetër të grupit, Qipro mposhti Lituaninë me rezultat 2-1, duke rihapur garën për vendin e tretë.

Pas ndeshjeve të sontme, Grupi 2 kryesohet nga Rumania me 13 pikë, e ndjekur nga Kosova me 10 pikë. Qipro është në vendin e tretë me 6 pikë, ndërsa Lituania mbetet pa pikë në fund të tabelës. Kosova tashmë synon fitore në ndeshjet e ardhshme për të ruajtur shanset e saj për ngjitje në Ligën B.

(E plotësuar, 21:35 ) Kosova dominon në Bukuresht po nuk shënon

Kosova e ka dominuar Rumaninë në pjesën e parë të ndeshjes në Bukuresht.

Minuta e gjashtëmbëdhjetë ka sjellë një moment të mirë për Kosovën, kur Jashari ka bërë një goditje të fortë, por që portieri rumun e ka ndalur.

Në minutën e njëzet e nëntë, Kosova ka qenë shumë pranë golit me një ku protagonistë kanë qenë Zhegrova dhe Muriqi. Fillimisht Zhegrova e ka provuar nga afër, por goditja e tij është bllokuar nga një mbrojtës rumun. Më pas, topin e kthyer e ka goditur Muriqi, por edhe përpjekja e tij është ndalur nga portieri vendas.

Nga ana tjetër, Rumania rastin më të mirë e ka pasur minutën e dyzetë, kur Stanciu e ka goditur shtyllën, duke e lënë ndeshjen të hapur për pjesën e dytë.

Nis ndeshja Rumani – Kosovë

(E plotësuar, 20:45 )Ka nisur ndeshja Rumani – Kosovë në kuadër të Ligës së Kombeve.

Në ndeshjen e parë në Prishtinë, Rumania kishte fituar me rezultat 3-0. Aktualisht, Grupi 2 në Ligën C kryesohet nga Rumania me dymbëdhjetë pikë, ndërsa Kosova ndjek me nëntë pikë, pasuar nga Qipro me tri pikë dhe Lituania pa pikë.

The post VIDEO / Thirrje raciste nga tifozët rumunë: Ndërpritet ndeshja Rumani – Kosovë appeared first on Albeu.com.

Ndeshjen më mirë e nisën Los Blancos, duke krijuar më shumë dominim, por edhe shanse për gol.

Rasti i parë serioz u krijua nga Vinicius Junior në minutën e 23-të, por që goditja e tij nga afër përfundoi jashtë.

Në minutën e 30-të, Kylian Mbappe mendoi se kishte shënuar, mirëpo VAR-i e anuloi për pozicion jashtë loje.

Barcelona po ashtu kishte momentet e saj me anë të Lamine Yamal, Raphinhas dhe Inigo Martinez, por që të tre nuk i shfrytëzuan rastet.

45 minutat e parë përfunduan pa gola, por pjesa e dytë ishte spektakolare nga Blaugranasit.

Robert Lewandowski kaloi Barcelonën në epërsi kur shënoi në minutën e 54-të me një asistim të Marc Casados.  (VIDEO) 

Dy minuta më vonë, sulmuesi polak e dyfishoi epërsinë për mysafirët, me një asistim të Alejandro Baldes.

Edhe Lamine Yamal hyri në listën e realiztaorëve, ku shënoi në minutën e 77-të nga një asistim i Raphinhas. (VIDEO) 

Raphinha e vulosi fitoren e Barcelonës, kur shënoi për 4-0 në minutën e 84-të, duke baraboluar Andriy Luninin. (VIDEO) 

Mund të thuhet se Kylian Mbappe ishte fytyra tragjike e këtij El Clasico, pasi plotë tetë herë ishte në pozicion jashtë loje, duke mos arritur ta dëshmojë vlerën e tij.

Me këtë fitore, Barcelona vazhdon si lidere me 30 pikë, gjashtë më shumë se Real Madridi.

Në xhiron e 12-të, katalunasit do të takohen me Espanyolin, ndërsa Los Blancos do kenë punë me Valencian. /Telegrafi/

The post VIDEO/ Barcelona “stërvitet” në Bernabeu, 4-0 appeared first on Albeu.com.

Sulmuesi brazilian i dha avantazhin skuadrës së tij që në minutën e parë të ndeshjes, duke i bërë pak më të thjeshtë vijimin e takimit ku bavarezët u hodhën me shumë forca në sulm.

Kejn ia doli të barazonte shifrat, por furia e bavarezëve solli edhe boshllëqe në prapavijë, të cilat u shfrytëzuan nga katalanasit në mënyrë perfekte. Levandovski ktheu në avantazh Barcelonën, ndërsa Rafinja në minutën e fundit thelloi diferencën.

Ishte përsëri Rafinja ai i cili tundi rrjetën me një kundërsulm të shpejtë në pjesën e dytë, duke ia bërë të pamundur Bajernit kërkimin e një përmbysje në minuat e mbetura të sfidës.

Kështu, katalanasit ngjallin edhe një herë fushatën e tyre europiane, ndërsa bavarezët mbeten në zonë e poshtme të tabelës.

GOLAT BARCELONA-BAJERN MYNIH 4-1

56’ GOOOL BARCELONA!  Jamal jep një pasim perfekt për Rafinja i cili kontrollon me gjoks dhe pastaj ecën drejt zonës, duke mposhtur përsëri Nojer me një diagonale. (VIDEO)

45’ GOOOL BARCELONA! Top i gjatë perfekt i Kasado për Rafinjën në të majtën, sulmuesi bën gjithçka mirë dhe mposht përsëri Nojer me një gjuajtje të pakapshme. (VIDEO)

37’ GOOOL BARCELONA! Fermin Lopez ia del të shmangë largimin e topit me kokë të Kim, pason në qendër për Levandovskin i cili nuk gabon duke çuar sferën në rrjetë. Bavarezët kërkojnë faull ndaj mbrojtësit, por gjyqtari bën shenjë nga qendra. (VIDEO)

18’ GOOOL BAJERN MYNIH! Aksion i shpejtë i bavarezëve me Gnabri i cili nga e majta harkon për Kejn, me sulmuesin  cili këtë herë shmang pozicionin jashtë loje dhe shënon. (VIDEO)

10’ Myler nga e djathta del në sulm dhe harkon në zonë ku Kejn me kokë gjen rrjetën. Por goli anulohet për pozicion jashtë loje të anglezit. (VIDEO)

1’ GOOOL BARCELONA! Fermin Lopez jep një top në thellësi për Rafinja i cili me qetësi shkon drejt portës, shmang portierin dhe çon sferën në rrjetë. (VIDEO)

The post VIDEO/ Leksion futbolli nga Barcelona, skuadra e Flik zbërthen Bajernin appeared first on Albeu.com.