Princi William flet hapur për marrëdhënien me gjyshërit e tij: Sa më i rritur, aq më e ngrohtë u bë lidhja jonë

Princi William, 43 vjeç, ka rrëfyer së fundmi se marrëdhënia e tij me Mbretëreshën Elizabeth II dhe Princin Philip u zhvillua dhe u bë më e ngrohtë me kalimin e kohës. Në një intervistë për The Reluctant Traveler në Apple TV, William tha se si princi i ri e kishte përjetuar jetën mbretërore si shumë formale, por ndër vite, lidhja me gjyshërit e tij u thellua.

“Gjyshërit e mi ishin të një brezi tjetër. Kur ishim më të rinj, ishte e vështirë të kishim një marrëdhënie shumë të ngushtë, sepse ishte mjaft formale,” tha William. “Por ndërsa ata u plakën dhe unë u rrita, u bë gjithnjë e më e ngrohtë. Sidomos kur ishin në të 80-at, kur ishin më të relaksuar pak.”

Duka i Kembrixhit kujtoi momentet me gjyshërit gjatë ngjarjeve mbretërore dhe pushimeve private, si paradat Trooping the Colour dhe qëndrimet në Balmoral, ku ai shpesh ishte përkrah tyre dhe më vonë me Kate Middleton dhe tre fëmijët e tyre, George, Charlotte dhe Louis.

William gjithashtu foli për përgjegjësitë e tij të ardhshme si monark: “Kur isha më i ri, ndonjëherë ndihesha i mbingarkuar, por me kalimin e kohës dhe moshën, ndihesh më i vendosur dhe beson se mund ta bësh këtë.”

Ai nderoi trashëgiminë e Princit Philip pas vdekjes së tij në moshën 99-vjeçare, duke e përshkruar si “një njeri të jashtëzakonshëm, humori dhe sharmi i të cilit ndriçonte çdo dhomë.” Për Mbretëreshën Elizabeth II, William tha se ajo ishte “një udhëheqëse e jashtëzakonshme” dhe “një dritë udhërrëfyese” për familjen, duke siguruar se do të vazhdojë ta nderojë kujtimin e saj duke mbështetur babanë e tij, Mbretin.