Hygerta Sako: Labinoti dhe disa ish-banorë më zhgënjyen pas BB VIP

Ish-finalistja e Big Brother VIP Kosova, Hygerta Sako, ka folur së fundmi për disa nga ish-banorët e shtëpisë, duke zbuluar se pas daljes nga formati është ndjerë e zhgënjyer nga disa prej tyre. Prezantuesja ka rrëfyer se disa deklarata të bëra nga ish-konkurrentët e kanë surprizuar dhe nuk i kanë pëlqyer aspak.

Në një intervistë, Sako përmendi veçanërisht Labinot Rexhën, duke thënë se disa nga komentet e tij pas spektaklit ishin qesharake dhe zhgënjyese. “Kur kam dalë jashtë më kanë zhgënjyer disa persona, një nga ta është Labinot Rexha me disa deklarata qesharake që ka bërë. Por, nuk më habit, sepse edhe atje brenda po qesharake i kishte deklaratat”, tha ajo.

Ajo nuk i la jashtë vëmendjes as deklaratat e Arditit, të cilat i ka quajtur të pakuptimta. Sako shprehu habinë e saj se si një koment i tillë mund të dilte nga goja e tij, duke shtuar se ende nuk e kupton logjikën pas tij.

Përveç tyre, prezantuesja u ndal edhe te qëndrimi i Benitës, të cilin e ka pranuar se e ka mërzitur. Ajo nuk ka dhënë detaje të shumta, por nënvizoi se disa sjellje pas daljes nga shtëpia e kanë lënë të zhgënjyer dhe të pakënaqur.

Hygerta Sako thekson se përvoja e saj në Big Brother VIP Kosova ka qenë e paharrueshme, por marrëdhëniet me disa ish-banorë pas spektaklit nuk kanë qenë aq pozitive sa ajo mund të kishte pritur.