Gjithashtu parashikohet që të ketë shkarkesa të shumta elektrike të cilat mund të shkaktojnë edhe probeme në rrjetin elektrik.

OSSH ka dalë me njoftim për mediat, ku lajmëron qytetarët që për shkak të furtunës mund të ketë probleme me energjinë elektrike.

OSSH thekson se ka nxjerrë në terren mbi 1 mijë punonjës të cilët do të përgjigjen në kohë reale të gjitha problemeve teknike.

Njoftimi i plotë:

Nisur nga parashikimi i motit për dy ditët e ardhshme, ku parashikohen reshje, erë e fortë dhe shkarkime atmosferike, Operatori i Sistemit të Shpërndarjes ka marrë masat e nevojshme për menaxhimin e situatës që mund të krijohet në rrjetin elektrik.

Bazuar në planin e masave, janë ngritur grupe pune që do të jenë në gatishmëri të plotë për riparimin e defekteve në kohë reale dhe rikthimin e energjisë sa më shpejt tek abonentët.

Nga ana e drejtorive rajonale të OSSH, janë plotësuar nevojat me bazën e duhur materiale, ndërsa në terren do të jenë të angazhuar rreth 1100 punonjës të organizuar në 220 brigada me 134 mjete transporti në dispozicion për riparimin e defekteve dhe furnizimin normal të konsumatorëve me energji elektrike.

Theksojmë se, grupet e gatishmërisë po monitorojnë 24 orë pa ndërprerje pikat strategjikë të furnizimit me energji elektrike, si dhe institucionet me rëndësi të veçantë, sidomos spitalet, hidrovorët dhe abonentët pa përjashtim.

OSSH kërkon mirëkuptimin e abonentëve për problemet me furnizimin me energji që mund të shfaqen gjatë këtyre ditëve, por garanton se impenjimi i punonjësve tanë do të jetë maksimal për eliminimin e çdo avarie në rrjet dhe rikthimin e energjisë elektrike tek të gjithë abonentët.

Për çdo problem me defekt në rrjetin elektrik, abonentët mund të kërkojnë informacion në numrat tanë të kontakteve sipas rajoneve.

The post “Po vjen fortuna”, OSSH del me njoftimin urgjent për qytetarët appeared first on Albeu.com.

Mitingu elektoral i “Bashkë Fitojmë” nisi rreth orës 12:40, ndërsa përkrahësit e Berishës, Metës dhe ata të PDK-së e PBDNJ-së u futën më herët në stadiumin “Air Albania”.

Edhe kandidatët e koalicionit “Bashkë Fitojmë” kanë mbërritur dhe po bëhen gati për hapjen e madhe të fushatës së opozitës.

Ata janë pozicionuar pranë podiumit të fjalimeve të vendosur në fushën e blertë.

The post Berisha mbërrin në stadium, përshëndet me dy gishtat lart të pranishmit appeared first on Albeu.com.

Risia e këtij koncerti vjen në jo vetëm interpretimin e pjesëve muzikore nga instrumentistët, të cilët kanë krijuar dhe kanë bërë punën kërkimore të repertorit, por sepse pikërisht këta instrumentistë shumë të dashur të ansamblit do të këndojnë për herë të parë këngët më të dashura të folklorit shqiptarë.

Ideatori dhe violinat e parë e orkestrës së TKOB, Alban Tahiri, shprehu se prej vitesh mbarte dëshirën për të realizuar këtë koncert dhe më në fund ai realizohet. Tahiri zbulon se do të këtë dhe pjesë të reja dhe kurrë më parë të interpretuara në skenë.

“Këndojmë me Orkestrën e Ansamblit Popullor” është finalizuar falë bashkëpunimit mes të gjithë antarëve të kësaj orkestre, dhe do të shfaqet në datat 3 dhe 4 dhjetor në skenën e TKOB, në orën 19.00.

The post Ndodh për herë të parë; çfarë surprize po përgatitet nga Ansambli? appeared first on Albeu.com.

“Unë e kam kry fakultetin e arteve me mendimin që kurrë s’kam me mujt me bo film të gjatë. Qendra e kinematografisë nuk ka pas fonde, s’kam besu. Ka momente të ndryshme kur mendon se u harrova, ose kur nuk mendon por lodhesh faktikisht. Ne kemi pas momente të tilla shumë herë, kur s’ke producent e kurrgjo. Bashkarisht kemi kërku fonde, nuk është një proçes që më pëlqen, i promovimit të projektit. Kampanja për Oscars na ka përfshi mu dhe producentit Yll Uka në mënyrë intensive, punë që nuk ishin tona hiç dhe në atë fazë nuk kisha pikën e energjisë.” – shprehu regjisorja dhe skenaristja e filmit “Zgjoi”.

Basholli zbuloi gjithashtu se projektin e rrallë e ka gati, është në përfundim të skenarit:

“Jam duke zhvillu dy projekte për momentin, shpresoj që në fund të 2023 apo në fillim të 2024 të hy në xhirim me cilindo nga skenaret që financohet i pari. ‘Zgjoi më ka inspiru edhe ma shumë për me vazhdu, jam duke shkrujt skenarin vetë, mezi po pres me e përfundu që është i bazuar në Kosovë dhe shumë i bazuar në jetën time. E kam shumë të vështirë të përballem me shumë situata por jam duke mësuar goxha për veten time.”

Filmi “Zgjoi” ka rëndësi të madhe në kinematografinë shqiptare për shkak të vlerësimeve internacionale por edhe për historinë e fortë e që trondit. Por si është ndjerë Blerta kur mësoi se u nominua në listën e ngushtë të Oscars?

“Momenti kur e kuptum që kemi hy në listën e ngushtë ka qenë një moment me rëndësi për ne dhe për Kosovën sepse ka shtete të Ballkanit që çojnë filma prej viteve të 90ta, dhe asnjëherë nuk kanë mund me hy në listën e ngushtë. Ndërsa ne për me kaq pak vite sa prodhojmë filma, Kosova është fut në mesin e 15 filmave më të mirë në botë nga 94 filma.”

The post Nderoi Kosovën e kinematografinë shqiptare, Blera Basholli gati për surprizën e re! appeared first on Albeu.com.

“Nuk e kisha menduar që do të më propozohej mua një rol i tillë, ndoshta duhen dhe disa vite për të shpjeguar pse e kam unë atë rol. Për momentin nuk mundena më e thanë. Por do të vij dita që kena më e thanë. Pse unë atë rol? Është momentale historia por nuk e tregojmë dot tani”.

Filmi sipas saj është meritë e ciftit. Thotë çiftit sepse nuk e kupton dot Eduartin pa Arbanën më. Ajo shtoi ndër të tjera se me regjisorin ka njohje me të hershme, kur ai ka qenë më i vogël.

Teksa biseda shkoi përtej Ritës aktore, u ndal tek marrëdhënia që ajo ka me vajzën e saj. Aktorja e ka marrëdhënien me vajzën shumë të mirë, duke ndarë çdo gjë. Ndërsa në lidhje me mbajtjen e zisë për bashkëshortin ajo tha se i ka hequr rrobat e zeza pas thuajse 5 vitesh kur ai ishte larguar nga kjo jetë. Sipas saj ishte një ndjesi që erdhi gradualisht.

The post “Fali vrasësin e djalit, unë s’do ta bëja!” Rita Gjeka: Ja lidhja me Eduart Grishajn appeared first on Albeu.com.

“I vetmi Dhjetor që jep mundësira të mëdha në muajt që do të vijnë. 2023 nuk është vit që do bëhet nami, por kërkohet vëmendje, laps e letër. Ky muaj jep sinjale pozitive për 2023 të paktën deri në Maj.” – duke i paraprirë vitit 2023.

Duke qenë se po lejmë pas një vit, Jorgo shprehu se dhjetori shpesh shfaqet si një muaj melankolik:

“Dhjetori është busulla ose termometri që mat temperaturën në muajt që do të vijnë. Vërtetë është muaj festash e gëzimesh, por ka dhe çështje psikologjike, mendojmë të shkuarën. Meqënëse është muaj i begatë është muaji i planeve të mëdha. Në Janar e tutje vazhdojmë pastaj.”

Ndërkohë që nga data 8 e deri më datë 20 duhet të kemi kujdes në çështjet ekonomike sipas astrologut, nuk themi menjëherë po, duhet të mendojmë edhe pastaj të veprojmë.

Si çdo herë, Pulla zbuloi edhe shenjat e favorizuara për këtë muaj që janë Dashi, Virgjëresha dhe Bricjapi. Nga ana tjetër e medaljes, shenjat që duhet të bëjnë kujdes janë Binjakët, Shigjetari dhe Peshqit.

The post Muaji i fundit, ç’duhet të prisni nga Dhjetori? Parashikimi përmbyllës appeared first on Albeu.com.

“Nuk kam hyrë për garë, dhe nuk e kam ndjesinë e garës. Unë i kam marrë rekordet e mia, i kam marrë çmimet e mia. Këtu misioni im është kryer, një çmim honorifik do isha shumë e lumtur nëse do ta kisha. Çmimi im është çmimi i njerëzve.”

Festivali ka shpesh diskutime për pikët mes këngëtarëve. Vet Irma si do të votoj?

“Prioritet në vlerësimin tim do të ketë kënga, e para. Patjetër edhe interpretimi. Do vlerësoj për nivelin’.

Teksa u fol për tregun muzikor Irma ngre shqetësimin për të ardhmen duke thënë:

“A do na duhet më zëri? Nuk e di si do shkojmë së shpejti, a do na nevojitet më zëri për të kënduar.” Sipas saj, ka më shumë prurje se sa konsum.

Në mesin e melodive të repertorit të saj pranoi se kënga e saj më e mirë është “Gjethe Shtatori”.

The post “A do duhet më zë për të kënduar?” Irma Libohova në garë, ja si do votoj! appeared first on Albeu.com.

E ftuar në studio Silvana Bushati rrëfeu një histori shumë personale që për të simbolizon pikërisht të qenurit mosmirënjohës:

“Një nga vajzat e televizionit që sot, jo se ka bërë ndonjë gjë të madhe, është në punë në emision. Kam qenë shtysa që ajo të dal në ekran sa dhe thoja psh ‘Ermal të lutem do e marrësh si të ftuar?’ Në një moment vazhdoi në një emision dhe po kërkonte për të mbushur kronikën e vetë. Dhe i thashë vajza ime luan futboll, merre. Më tepër për t’i bërë nder. Ah, tha, aty duhet lekë. Të betohem që dhe me veshjet e mia, të njëjtat, del në ekran. Vajza ime ka dalë gjithandej. Fjala që thotë, të shkatërron si njeri.” – tha Bushati.

Ndërkohë pedagogia Helena Halili tha se ndonjëherë tregohemi tepër të shpejt në gjykime duke harruar se disa njerëz mund të mos e kenë mundësinë për të kthyer nderin me qëllim që të tregojnë mirënjohjen. Për aq kohë sa nuk i bëjmë të mirat me qëllimin që të na kthehen, gjithçka është në rregull shpreh Halili, por duhet të vendosim veten në këpucët e tjetrit kur ka nevojë për një dorë por nuk ka asgjë për të dhënë pas.

“Disa njerëz e kanë problem ta rikthejnë kujtesën e tyre e të kujtohen kur kanë qenë ‘të vegjël’. Harrojnë rrugës, sepse përmasat e mëdha nuk shohin përmasat e vogla të një dore. Ka raste kur njerëzit harrojnë, por ka raste që dhe nuk kanë mundësi për të treguar mirënjohjen. Një zonjë një herë më tha ‘nuk kam asgjë të të jap veçse të lutem që Zoti të ta bëj dritë’.” – shprehu pedagogia.

Albi Dhima shprehu se mosmirënjohja është një virtyt negativ që gjendet masivisht në studiot televizive dhe në marrëdhënie me personazhet publike. Sipas tij, fama i transformon njerëzit dhe kur të janë hapur dyert e televizioneve duhet të jesh falenderues dhe jo arrogant.

“Njerëzit duhet të jenë falenderues ndaj një mundësi. Ty të është dhënë ajo kohë televizive, duhet të jesh falenderues. Si e shfrytëzon është çështje personale.” – tha Dhima.

The post “Ajo prezanton, i dhashë rrobat e më kërkoi lekë!” Me kë e ka Bushati? appeared first on Albeu.com.

“Është djali i mbesës së bashkëshortit tim, për rrjedhojë edhe i imi, se njësoj i kemi. E kam dëgjuar për herë të parë kur ka kënduar në dasmën e djalit tim kur ishte 10 vjcc. Ishte vërtetë një zbulim. E kam ndjekur në vazhdimësi muzikën dhe rritjen e tij si personalitet, si artist.” – zbuloi Valentina.

Ndër të tjera Leksaj shprehu se Gjoni ka lënë gjurmën e tij në kompeticionin europian të muzikës Eurovision.

“Është vështirë të zgjedhësh mes këngëve të Gjonit. Është këngëtar shumë i mirë, përfaqësoi Zvicrën dhe fitoi vendin e dytë. Ai e do shumë Shqipërinë, vjen shumë në Shqipëri.” – tha ish deputetja.

The post Këndoi në dasmën e djalit! Ç’e bashkon Valentina Leskaj me Gjon’s Tears? appeared first on Albeu.com.

Valentina pohoi se është e vërtetë, sepse kohët e fundit teknologjia dhe media sociale bëjnë punën e tyre. Nuk është kundër medias sociale sepse ka qenë ndër të parat që ka hapur blog, por sipas saj kontaktin e drejtpërdrejtë nuk mund ta zëvendësoj asnjë media.

A ka ende komunikim me partinë e saj apo me Kryeministrin Rama? Është kjo një pyetje që i kuriozon njerëzit që ndjekin çdo zhvillim të sajin.

 “Po patjetër. Më qëlloi së fundmi, jam anëtare bordit ndërkombëtar të antisemitizmit dhe ne kishim mbledhjen e bordit në Izrael, dhe jam zgjedhur nga ata pasi kam ikur nga politika. Ndërkohë koiçidoi me vizitën e kryeministrit atje, ai bëri takim edhe me përfaqësuesit e bordit tonë. Sigurisht që unë kudo që të jem, jam shqiptare… njerëzit më kanë pyetur se kanë parë fotot në televizion të bëra gjatë takimeve, ‘ti ke ikur, vazhdoni komunikimin?’ Natyrisht që me partinë time po e po, por edhe me të tjerë.”

Gjatë bisedës me Valentinën u ndalëm në disa foto që ajo i ka botuar edhe në librin e saj “Politika si ide”.  Një foto e vitit 1987 e shkrepur në Kamboxhia kur Valentina ishte kryeredaktore e revistës “Shqiptarja e re”. Gjatë udhëtimeve ajo kujton se ka pasur momente të sikletshme për shkak të sistemit ku të takoje një delegacion rus mund të ishte problem apo sikurse është blerja e një bolieri.

The post U tërhoq nga politika, a komunikon ende Valentina Leskaj me kryeministrin Rama? appeared first on Albeu.com.