Zyrtarët për të cilët Prokuroria Speciale ka ngritur aktakuzë nën dyshimin për keqpërdorim të pozitës apo autoritetit zyrtar janë pezulluar nga puna nga Ministria e Infrastrukturës dhe Transportit. Vendimin e bëri të ditur ministri në detyrë, Dimal Basha.

Në reagimin e tij publik, Basha sqaroi se çështja i përket periudhës 2017–2019 dhe lidhet me kontratën për mirëmbajtjen e urave në rrugët nacionale dhe regjionale.

Ai njoftoi se procedura e prokurimit kishte nisur me një vlerë të parashikuar prej 500 mijë eurosh, por shuma e pagesave të kryera kishte kaluar mbi 5 milionë euro.

Basha deklaroi se bëhet fjalë për paratë e qytetarëve dhe për përgjegjësi publike, ndaj kërkoi që drejtësia ta japë sa më shpejt vendimin përfundimtar dhe të nxjerrë para përgjegjësisë secilin që ka abuzuar me mjetet e taksapaguesve.

Sipas ministrit në detyrë, askush nuk qëndron mbi ligjin, ndërsa fondet publike duhet të menaxhohen vetëm në përputhje me procedurat dhe rregullat e përcaktuara.

Ai garantoi gjithashtu bashkëpunim të plotë të Ministrisë së Infrastrukturës me organet e drejtësisë, për çdo të dhënë që mund të kërkohet rreth këtij rasti.

Njëkohësisht, Basha paralajmëroi se në të gjitha nivelet e ministrisë do të fuqizohen mekanizmat e kontrollit, mbikëqyrjes dhe llogaridhënies. Ai shtoi se çdo dyshim serioz për keqpërdorim do të shqyrtohet me nivelin më të lartë të përgjegjësisë institucionale.

The post Basha pezullon zyrtarët e akuzuar për keqpërdorim, çështja lidhet me kontratën për mirëmbajtjen e urave appeared first on Albeu.com.

Në Akademinë e Kosovës për Siguri Publike në Vushtrri, të premten u mbajt ceremonia e diplomimit për 100 zyrtarët e rinj korrektues të Shërbimit Korrektues të Kosovës.

Në këtë ngjarje ishte i pranishëm edhe kryeministri në detyrë, Albin Kurti. Ai deklaroi se detyra e zyrtarit korrektues mbart përgjegjësi të madhe dhe kërkon disiplinë, integritet, si dhe angazhim ndaj sigurisë, rendit e dinjitetit të personave të privuar nga liria.

Kurti u tha të diplomuarve se, nga ky moment, ata përfaqësojnë shtetin dhe institucionin, ndaj në çdo rrethanë duhet të veprojnë me profesionalizëm, në përputhje me ligjin dhe me dinjitet. Sipas tij, autoriteti i tyre vlerësohet përmes drejtësisë dhe respektit të dëshmuar gjatë punës, ndërsa shërbimi që ofrojnë është njëkohësisht i drejtë, sepse korrigjon, dhe i dobishëm, sepse përmirëson.

Duke i uruar 100 kadetët në emër të Qeverisë, kryeministri në detyrë theksoi se Kosova po ndërton një shërbim korrektues që po vlerësohet dhe respektohet gjithnjë e më shumë nga partnerët ndërkombëtarë.

Ai përmendi se Shërbimi Korrektues i Kosovës tashmë bën pjesë në organizata ndërkombëtare, përfshirë Organizatën Evropiane të Burgut dhe Shërbimeve Korrektuese – EuroPris dhe Asociacionin Ndërkombëtar të Korrektimit dhe Burgjeve – ICPA. Kurti shtoi se institucioni po fiton vazhdimisht besimin e partnerëve në mbarë globin, ndërsa përvojat dhe praktikat e tij po marrin vlerësim si në nivel ndërkombëtar, ashtu edhe në rajon, ku një numër gjithnjë e më i madh vendesh po i përdorin ato si model për avancimin e shërbimeve të tyre korrektuese. Sipas tij, kjo arritje krijon detyrimin e përbashkët për ruajtjen e standardeve edhe më të larta.

The post Shërbimi Korrektues i Kosovës përforcohet me 100 zyrtarë të rinj appeared first on Albeu.com.

Ministri në detyrë i Infrastrukturës, Dimal Basha, priti sot në Ministrinë e Infrastrukturës dhe Transportit dy zyrtarë të Policisë së Kosovës: drejtorin e Departamentit të Rendit Publik, Arbnesh Ajvazi, dhe nënkolonelin Jeton Rexhepi.

Në një postim në Facebook, Basha bëri të ditur se gjatë takimit i falënderoi për përkrahjen dhe bashkëpunimin e vazhdueshëm që Policia e Kosovës ka ofruar në një sërë aksionesh dhe aktivitetesh të zhvilluara së bashku me Ministrinë.

Sipas tij, në takim u trajtua edhe forcimi i koordinimit ndërinstitucional për projektet dhe përgjegjësitë e ardhshme, me qëllim përmirësimin e sigurisë në komunikacion dhe përmbushjen sa më efikase të detyrave të përbashkëta.

Basha theksoi se Policia e Kosovës përbën një partner të rëndësishëm për Ministrinë, ndërsa konfirmoi se bashkëpunimi i afërt mes tyre do të vijojë edhe në të ardhmen.

The post Basha diskuton me zyrtarët policorë për thellimin e koordinimit institucional appeared first on Albeu.com.

Pas raportimeve në media dhe deklaratave publike të 11 gushtit, Inspektorati Policor i Kosovës ka nisur sipas detyrës zyrtare një hetim preliminar ndaj disa pjesëtarëve të Policisë së Kosovës. Procedura lidhet me pretendimet e qytetarit me inicialet N. R. për tejkalim të autorizimeve policore.

Hetimi paraprak synon të verifikojë këto pretendime dhe të qartësojë faktet e rrethanat relevante rreth veprimeve të policisë gjatë një operacioni të zhvilluar në Dren të Zubin-Potokut.

Në këtë fazë, pa paragjykuar përfundimin e hetimeve, IPK-ja do të grumbullojë dhe analizojë të gjitha informacionet dhe provat që janë në dispozicion, në pajtim me mandatin e saj ligjor.

Brenda kompetencave të veta, Inspektorati Policor i Kosovës do të kryejë të gjitha procedurat dhe veprimet e domosdoshme hetimore. Këtu përfshihen bashkëpunimi me institucionet përkatëse, sigurimi i dokumentacionit dhe të dhënave zyrtare, si dhe intervistimi i personave që mund të kenë njohuri për incidentin.

IPK-ja thekson se çdo ankesë ose informacion që lidhet me pretendime për sjelljen e zyrtarëve policorë shqyrtohet me seriozitetin më të lartë.

The post IPK hap hetim paraprak për disa zyrtarë të Policisë appeared first on Albeu.com.

Sipas raportit, vendi ynë vazhdon të përballet me probleme të thella që lidhen me korrupsionin, krimin e organizuar dhe pandëshkueshmërinë e personave me pushtet.

Sipas raportit, krijimi i Strukturës së Posaçme Kundër Korrupsionit dhe Krimit të Organizuar (SPAK) ka sjellë rritje të hetimeve dhe ndjekjeve penale ndaj zyrtarëve të nivelit të lartë, politikanëve dhe personave me ndikim ekonomik.

Megjithatë, dokumenti nënvizon se mbetet një shqetësim fakti që disa zyrtarë, politikanë, gjyqtarë dhe individë me interesa të fuqishme biznesi vazhdojnë të kenë mundësi t’i shmangen përgjegjësisë ligjore.

“Pandëshkueshmëria mbetet një problem serioz. Me krijimin e SPAK-ut në vitin 2019, arrestimi dhe ndjekja penale e zyrtarëve që kryejnë abuzime është rritur, megjithatë shumë zyrtarë, politikanë, gjyqtarë dhe persona me interesa të fuqishme biznesi janë ende në gjendje t’i shmangen ndjekjes penale. Korrupsioni vazhdon të jetë një problem serioz në qendrat e paraburgimit, veçanërisht në lidhje me aksesin në punë dhe programet speciale të lirimit”, thekson raporti.

Sipas vlerësimit, korrupsioni prek fusha të rëndësishme të funksionimit të shtetit, përfshirë sistemin gjyqësor, administratën publike, prokurimet qeveritare dhe menaxhimin e kontratave publike.

Investitorët e huaj, sipas raportit, e konsiderojnë mungesën e transparencës, konkurrencën e kufizuar dhe zbatimin e dobët të kontratave si ndër pengesat kryesore për klimën e biznesit.

Raporti po ashtu nënvizon se krimi i organizuar mbetet një nga kërcënimet kryesore për sigurinë në Shqipëri. Grupet kriminale shqiptare përmenden për aktivitet në trafik droge, pastrim parash, korrupsion, trafikim njerëzor dhe forma të tjera të kriminalitetit ndërkombëtar.

Sipas dokumentit, një nga sfidat kryesore për autoritetet shqiptare është dobësimi i ndikimit të këtyre rrjeteve dhe parandalimi i ndërthurjes së interesave kriminale me biznesin dhe institucionet publike.

Raporti vlerëson punën e SPAK dhe strukturave të tjera ligjzbatuese, por thekson se korrupsioni institucional, mungesa e koordinimit ndërmjet institucioneve dhe burimet e kufizuara vazhdojnë të pengojnë një goditje të plotë ndaj rrjeteve kriminale.

The post DASH ngre alarmin për Shqipërinë: Pandëshkueshmëria mbetet një problem serioz! Zyrtarët i shmangen ndjekjes penale! Shqetësim korrupsioni dhe krimi appeared first on Albeu.com.

The post Nga anëtari i Gjykatës së Lartë tek kreu i Hetimit Tatimor dhe punonjës të ATP e AKSHI, kush ishin zyrtarët që shpërndanin materialet e SPAK në grupin e WhatsApp (EMRAT) appeared first on Albeu.com.

Bëhet fjalë për Alejandro ‘Alito’ Moreno Cárdenas, kryetarin kombëtar të Partisë Revolucionare Institucionale (PRI), dhe Gerardo Fernández Noroña, Presidentin e Senatit dhe anëtar të partisë në pushtet Morena.

Skena e përplasjes, u transmetua në media dhe tregoi momentet kur dy politikanët shtyjnë njëri-tjetrin në sallën plenare.

Në incident u përfshinë edhe disa deputetë të tjerë që ndodheshin në sallë.

The post Plas sherri mes zyrtarëve, politikanët përleshen në mes të seancës (VIDEO) appeared first on Albeu.com.

Prokuroria dhe Policia në kuadër të operacionit të koduar “Parking” ekzekutuan disa masa sigurie. Konkretisht, për ish zv.kryetaren e bashkisë Fier, Adela Hysenaj dhe Anisa Cjapi, Drejtoreshë në Drejtorinë e Taksave dhe Tarifave Vendore u  ekzekutua masa “arrest shtëpie”.

Ndërsa për Martin Dodi, sekretar i Përgjithshëm i Bashkisë Fier dhe Vasil Ceku Drejtor në Drejtorinë e Verifikimit dhe Koordinimit në Terren për Rajonin Jugor në Drejtorinë Rajonale Tatimore Fier u ekzekutua masa e pezullimit nga detyra.

Sipas hetimeve të Policisë dhe Prokurorisë së Fierit, abuzimi kishte në thelb dy forma të organizuara të shpërdorimit të detyrës:

Mosfiskalizimi i parkimit nëntokësor

Zyrtarë të Bashkisë Fier, përfshirë ish-zv/kryetaren dhe ish-drejtoreshën e Taksave Adela Hysenaj si dhe drejtorë të nivelit të lartë në Tatime, nuk zbatuan detyrimin ligjor për të pajisur me kasë fiskale shërbimin e parkimit nëntokësor që administrohej nga Bashkia.

Kjo shmangie sistematike bëri që të mos arkëtohej në buxhetin lokal shuma prej rreth 40 milionë lekësh, e cila duhet të ishte siguruar nga përdoruesit e këtij shërbimi. Pagesat për parkimin, megjithëse të mbledhura, nuk kalonin në rrugë zyrtare dhe nuk regjistroheshin në sistemin tatimor.

Ulje e qëllimshme e taksave për biznese të caktuara

Në një tjetër element të skemës, zyrtarë të Bashkisë Fier, nëpërmjet manipulimit të vlerësimeve fiskale dhe tarifore, ulnin në mënyrë të pajustifikuar taksat për subjekte të caktuara private. Këto lëshime të favorshme dyshohet se janë bërë kundrejt përfitimeve personale, duke u dhënë avantazh të padrejtë disa bizneseve në treg.

Zyrtaret vendore te akuzuar me mase sigurie

Adela Hysenaj – ish-Zëvëndës Kryetare e Bashkisë Fier

Anisa Cjapi – Drejtoreshë në Drejtorinë e Taksave dhe Tarifave Vendore

Martin Dodi – sekretar i Përgjthshëm i Bashkisë Fier

Vasil Ceku – Drejtor në Drejtorinë e Verifikimit dhe Koordinimit në Terren për Rajonin Jugor në Drejtorinë Rajonale Tatimore Fier.

The post Zbardhet skema e abuzimit në bashkinë e Fierit, zyrtarët nuk arkëtuan në buxhet 40 milionë lekë appeared first on Albeu.com.

Berisha, i cili ishte i shoqëruar nga kreu i PR-së, Fatmir Mediu, dhe krytarja e Lidhjes së Gruas, deputetja Albana Vokshi, u shpreh se duhet qeveri teknike para se të jetë vonë.

Gjithashtu, kreu demokrat theksoi se parlamenti i dalë nga zgjedhjet e 11 maj 2025 nuk shpreh vullnetin e popullit shqiptar, duke shtuar se kërkesa e tij është që të ndihmohen shqiptarët të votojnë të lirë.

Deklarata e plotë:

Berisha shprehu mirënjohjen për Asamblenë Parlamentare të OSBE-së për kontributin e vazhdueshëm në mbrojtjen e vlerave demokratike, si dhe për praninë në Shqipëri për monitorimin e zgjedhjeve të 11 majit 2025.

Gjatë takimit, z. Berisha informoi Presidenten Kauma dhe Sekretarin e Përgjithshëm Montella mbi situatën e rëndë dhe në përkeqësim ku ndodhet Shqipëria, si të narco-shtet i parë dhe i vetëm në Europë. Ai vuri në dukje kultivimin masiv të kanabisit në Shqipëri që prej vitit 2015, si dhe miratimin së fundmi, vetëm pak javë para zgjedhjeve, të 138 licencave për prodhimin e kanabisit, kryesisht pranë zonave kufitare.

Grupet kriminale dhe kartelet e mbështetura nga Kryeministri Rama kanë marrë favore në këmbim të mbështetjes së tyre elektorale. Këto grupe janë të përfshira edhe në trafikun e drogërave të forta nga Amerika Latine, dhe disa prej tyre drejtojnë kartele si Sinaloa.

Më tej, z. Berisha shpjegoi forcimin e karteleve të drogës si rrjeti Troplini/Poja në qarkun e Durrësit, të cilët kontrollojnë plotësisht portin më të madh të vendit. Karteli Çela që kontrollon autostradën e heroinës që vjen nga lindja dhe grupe të tjera kriminale që dominojnë pjesën më të madhe të Shqipërisë, duke mbështetur 28 kandidatë në 10 qarqe dhe 21 bashki gjatë zgjedhjeve të fundit, mbi 20 prej të cilëve do të jenë pjesë e parlamentit të ardhshëm.

Lidhur me pastrimin e parave, z. Berisha paralajmëroi se Shqipëria është shndërruar në lavatriçen më gjigande në Europë për pastrimin e parave të krimit, të dhëna të Eurostat që tregojnë se indeksi i ndërtimit në Shqipëri është trefishuar vitet e fundit, më i larti në Europë, ndërkohë që rritja ekonomike është rreth 3% në vit, ndërsa sektori i industrisë, eksportet dhe bujqësia kanë pësuar rënie të vazhdueshme.

Z. Berisha theksoi gjithashtu hetimet me përgjime nga autoritetet ligjzbatuese të Francës, Belgjikës, Hollandës etj., të cilat kanë zbuluar komunikime që përfshijnë zyrtarë të nivelit më të lartë, me përqendrimin më të madh të këtyre bisedave të dyshimta në zyrën e Kryeministrit i cili ka një koordinator për koordinimin e veprimtarisë së karteleve të drogës dhe grupeve kriminale.

Ai ngriti shqetësimin e thellë që Kryeministri Rama ka shkelur në mënyrë të vazhdueshme Kodin Zgjedhor, përfshirë keqpërdorimin masiv të burimeve publike si:

faljen e gjobave dy ditë para zgjedhjeve në vlerën 200 milionë euro,

organizimin e 4,255 aktiviteteve publike në katër muaj duke shpërdoruar detyrën,

shpërndarjen e një bonusi prej 100 euro për rreth 760 mijë pensionistë,

prokurime të orientuara drejt përfitimeve elektorale,

aktivitete të profilit të lartë si Giro d’Italia, etj.

Ai nënvizoi rikthimin e një sistemi patronazhist të ngjashëm me strukturat komuniste përmes keqpërdorimit të të dhënave personale, ku çdo nëpunës civil ishte i detyruar të siguronte 10–15 votues të tjerë për të ruajtur vendin e punës, ndërkohë që janë dhënë 138 licenca kanabisi, 147 herë më shumë se sipërfaqja e lejuar nga ligji, që është vetëm 200 hektarë.

Z. Berisha theksoi se në këto zgjedhje, shteti dhe partia në pushtet u shkrinë në një, duke ushtruar intimidim, blerje votash dhe duke kontrolluar mbi 90% të medias. Ai shtoi se janë shkelur të gjitha kriteret e Kopenhagës dhe konventat e tjera demokratike.

The post Berisha në takimin me zyrtarët e lartë të OSBE: Duhet qeveri teknike para se të jetë vonë appeared first on Albeu.com.

GJKKO-ja dha masën e sigurisë arrest me burg për Mariglen Qaton, ish-drejtor i Shërbimeve Mbështetëse pranë UKT-së Tiranë dhe Redi Molla, ish-drejtor i Ujësjellës Kanalizimeve Tiranë.

Ndërkohë, SPAK-u ka lëshuar një tjetër urdhër-arresti për Taulant Tushën. Ky i fundit, ndodhet pas hekurave për aferën në inceneratorin e Tiranës, ndërsa urdhër-arresti i fundit vjen në kuadër të dosjes “5D” – 5 Drejtorët.

Masat e vendosura nga GJKKO-ja:

Arrest me burg: Mariglen Qato, Redi Molla, Taulant Tusha. 

Detyrim paraqitje: Enton Punavija, Julian Zanaj, Albano Janku, Nestor Muhamellari, Eglantina Zere, Deborah Keçi. 

SPAK-u ka prova edhe për Eglantina Zeren, e cila në cilësinë e titullares së autoritetit kontraktor “Tirana Parking”, ka favorizuar në një procedurë prokurimi operatorin ekonomik “V.A.S Konstruksion sh.p.k.”, e njëjtë me “5D Konstruksion” sh.p.k., duke i krijuar avantazhe dhe privilegje të padrejta, si dhe duke e shpallur fituese në mënyrë të parregullt.

Kjo e fundit ka pasur komunikime edhe me Nestor Muhamellarin, administrator i shoqërisë “5D Konstruksion” sh.p.k. dhe vlerësimin e ofertave të pjesëmarrësve në tenderë e kanë bërë vetë punonjës të shoqërisë “5D Konstruksion” sh.p.k.  

Po kështu,Deborah Keçi, si titullare e Klubit Sportiv “Tirana”, ka favorizuar në një procedurë prokurimi operatorin ekonomik “V.A.S. Konstruksion sh.p.k.” e njëjtë me “5D Konstruksion” sh.p.k., duke i krijuar avantazhe dhe privilegje të padrejta, si dhe duke e shpallur fituese në mënyrë të parregullt.

Ajo ka pasur komunikime me biznesmenin Muhamellarin, administrator i shoqërisë “5D Konstruksion” sh.p.k. dhe vlerësimin e ofertave të pjesëmarrësve në tenderë e kanë bërë vetë punonjës të shoqërisë “5D Konstruksion” sh.p.k., duke i dhënë titullarit të autoritetit kontraktor, shtetasit N.M., user-at e anëtarëve të KVO-së.

Nga hetimet e SPAK-ut rezultoi se Redi Molla dhe Mariglen Qato janë ortakët e vërtetë dhe pronarët “de facto” të shoqërisë “5D Konstruksion”.

Pra, dy drejtoreshat, Eglantina Zere dhe Deborah Keçi, kanë bashkëpunuar Qaton dhe Mollën për t’u dhënë tenderë.

The post Hetimet për kompaninë “5D”/ Kush janë dy drejtoreshat e Bashkisë që ndihmonin me tendera Qaton dhe Mollën appeared first on Albeu.com.