zyrtaret ukrainas Archives - Albeu.com

Ishte një dhuratë nga zyrtarët ukrainas, plagoset shefi polak i Policisë

E S — Fri, 16 Dec 2022 11:02:32 +0000

Shefi i lartë i policisë së Polonisë është lënduar pasi një dhuratë e dhënë nga zyrtarët ukrainas shpërtheu në selinë e tij. Jarosław Szymczyk pësoi lëndime të lehta të mërkurën pasi hapi dhuratën në zyrat e tij në Varshavë. Mediat e huaja shkruajnë se, nuk është e qartë se cili ishte objekti, por raportet lokale raportuan se ishte një granatëhedhës. Oficerit iu dha dhurata në një vizitë të fundit në Ukrainë.

Polonia ka kërkuar një shpjegim, por Kievi nuk ka bërë ende një deklaratë publike për incidentin. Shpërthimi ndodhi në një dhomë pranë zyrës së komandantit të përgjithshëm në orën 07:50 (06:50 GMT) të mërkurën. I plagosur mbeti gjithashtu edhe një punonjës civil në shtabin, por nuk kishte nevojë për trajtim spitalor, tha ministria e brendshme e Polonisë.

Incidenti vjen një muaj pasi një sulm raketor gjatë një sulmi nga Rusia në Ukrainë vrau dy persona në Poloni afër kufirit ukrainas. Shefi i NATO-s, Jens Stoltenberg, tha se raketa ka shumë të ngjarë të ishte mbrojtja ajrore ukrainase, por fajin për vdekjet e kishte Rusia për shkak të sulmit të saj në Ukrainë. Presidenti polak Andrzej Duda tha në atë kohë se vdekjet dukej të ishin një “aksident i pafat”.

The post Ishte një dhuratë nga zyrtarët ukrainas, plagoset shefi polak i Policisë appeared first on Albeu.com.

Zyrtarët ukrainas: Granatohen me predha kapanonet e grurit në portin e dytë më të madh në Ukrainë

E B — Wed, 31 Aug 2022 15:56:01 +0000

Në Mykolaiv, një qytet i kontrolluar nga ukrainas në lindje të Kherson, zyrtarët ukrainas thonë se kapanonet e grurit janë goditur nga predha ruse.

Granatimet, të cilat nodhën të martën, shkaktuan një zjarr që ende digjet një ditë më vonë, thonë ata në një postim në Facebook, duke prekur një sipërfaqe prej 200 metrash katrorë.

Mykolaiv është një qytet port i madh në lumin Bug Jugor afër Detit të Zi dhe ka disa terminale kryesore të drithit.

Zyrtarët ukrainas kanë thënë se duan ta rihapin atë për eksportet e drithërave, të ndaluara nga lufta, pas rihapjes së tre porteve të tjera muajin e kaluar sipas një marrëveshjeje me Rusinë./albeu.com

The post Zyrtarët ukrainas: Granatohen me predha kapanonet e grurit në portin e dytë më të madh në Ukrainë appeared first on Albeu.com.

Pas largimit të zyrtarëve të lartë, Ukraina nis hetimet për 752 raste të tradhtisë ndaj atdheut

E S — Tue, 02 Aug 2022 08:17:07 +0000

Shërbimi shtetëror i sigurisë së Ukrainës thotë se po heton 752 raste të tradhtisë dhe bashkëpunimit. Sipas agjencisë, numri më i madh i rasteve është dokumentuar në rajonet e Luhansk, Donetsk, Zaporizhzhia dhe Kherson.

“Një hetim po zhvillohet për më shumë se 600 punonjës të prokurorisë që kaluan kufirin pas 24 shkurtit 2022. Puna e zbulimit të tradhtarëve gjatë luftës është çështje e sigurisë së shtetit tonë”.- tha në një deklaratë zyra e Prokurorit të Përgjithshëm të Ukrainës.

Zyra shtoi se pesë prokurorë dhe tre zyrtarë publikë janë raportuar deri më tani për dyshime. Ukraina ka hapur gjithashtu 1,451 procedime penale për hetimin e krimeve kundër fëmijëve, tha zëvendësprokurori i përgjithshëm Igor Mustetsa.

Të paktën 668 nga procedurat e hapura përfshijnë dhunë ndaj fëmijëve dhe përfshijnë plagosje, vrasje dhe dhunë seksuale. 777 raste të tjera kanë të bëjnë me sulmet ndaj objekteve që kanë të bëjnë me fëmijët, shtoi Mustetsa./albeu.com

The post Pas largimit të zyrtarëve të lartë, Ukraina nis hetimet për 752 raste të tradhtisë ndaj atdheut appeared first on Albeu.com.