Presidenca e Kosovës ka bërë publike pasqyrën e plotë të shpenzimeve zyrtare për muajt prill–qershor 2026.

Sipas të dhënave të publikuara, aktivitetet e ushtrueses së detyrës së Presidentes, Albulena Haxhiu, së bashku me ato të kabinetit të saj, kanë arritur një kosto të përgjithshme prej 12,421.39 eurosh.

Institucioni ka sqaruar se shuma përfshin shpenzimet e realizuara nga 4 prilli 2026, dita kur Haxhiu mori detyrën si ushtruese e detyrës së Presidentes, deri më 30 qershor 2026.

Zyra e Presidentes bëri të ditur se publikimi synon t’i ofrojë opinionit publik informacion të saktë dhe të parandalojë paqartësitë rreth të dhënave që lidhen me shpenzimet zyrtare.

Presidenca u ka bërë thirrje gjithashtu mediave dhe palëve të interesuara që, nëse kërkojnë informacione apo sqarime të tjera, të komunikojnë drejtpërdrejt me institucionin. Sipas saj, kjo mënyrë komunikimi mundëson raportim të plotë dhe shmang perceptimet e gabuara që mund të krijohen nga paraqitja e pjesshme ose jashtë kontekstit e të dhënave.

The post Presidenca publikon shpenzimet zyrtare të Haxhiut për periudhën prill–qershor appeared first on Albeu.com.

Sulmuesi shqiptar Erald Çinari ka zyrtarizuar kalimin te skuadra koreane Jeju SK. Në moshën 29-vjeçare, ai ka lënë pas eksperiencën në Arabinë Saudite për t’u bashkuar me kampionatin elitar të Koresë së Jugut, duke nisur kështu një kapitull të ri në karrierë.

Çinari nuk është një emër i panjohur për tifozët shqiptarë, pasi ka lënë gjurmë në Superiore me fanellat e Partizanit dhe Vllaznisë. Menjëherë pas nënshkrimit të kontratës, talenti shkodran ka ndarë emocionet e tij të para si lojtar i klubit korean.

“Ndjehem jashtëzakonisht i entuziazmuar për këtë aventurë të re me Jeju SK. Jam i ndërgjegjshëm për nivelin e lartë të konkurrencës në ligën koreane. Për këtë arsye, synoj të përdor maksimalisht aftësitë e mia në çdo takim, në funksion të suksesit të ekipit. Gjithashtu, mezi pres të bashkëpunoj sërish me Aias, me të cilin krijuam një lidhje të shkëlqyer te FC Noah. Premtoj se do t’ua kthej besimin tifozëve me performanca bindëse dhe rezultate pozitive,” u shpreh sulmuesi.

Një ndeshje e veçantë e pret tashmë Çinarin dhe skuadrën e tij të re. Më 4 gusht, Jeju SK do të masë forcat me gjigantin gjerman Bayern Munich në një përballje miqësore, një sfidë që padyshim do të tërheqë vëmendjen e të gjithë tifozëve.

The post Erald Çinari firmos me Jeju SK, në prag të duelit miqësor me Bayern Munich appeared first on Albeu.com.

Rudolf Turkaj është prezantuar zyrtarisht si afrimi më i ri i KF Trepça Mitrovicë. Siç kishte raportuar “Newsport.al” disa orë më herët, 31-vjeçari do të vijojë karrierën e tij në Ligën e Parë të Kosovës.

Mbrojtësi qendror nga Lezha ka nënshkruar me klubin e tij të ri një kontratë 1-vjeçare, pra të vlefshme deri në verën e vitit 2027. Gjatë karrierës së tij, ai e ka nisur rrugëtimin te Besëlidhja në Lezhë, ndërsa më pas ka qenë pjesë e Shënkollit, Ilirisë, Laçit, Martigues, Suharekës, Istiqlol dhe Ferizajt.

Po ashtu, qendërmbrojtësi lezhan numëron edhe dy paraqitje me Kombëtaren shqiptare.

Rudolf Turkaj bashkohet me KF Trepçën KF Trepça ka arritur marrëveshje me qendërmbrojtësin shqiptar Rudolf Turkaj, i cili nga sot është zyrtarisht pjesë e skuadrës sonë

31-vjeçari nga Lezha i bashkohet skuadrës së KF Trepçës për sezonin e ri, duke sjellë përvojë dhe siguri në repartin e mbrojtjes Me ardhjen e tij, KF Trepça vazhdon ndërtimin e një skuadre konkurruese, të gatshme për sfidat që e presin në sezonin e ri. Mirë se erdhe në familjen Gjelbërt dhe Zi, Rudolf.

The post Zyrtare, Rudolf Turkaj transferohet te KF Trepça Mitrovicë në Ligën e Parë të Kosovës appeared first on Albeu.com.

Pas mbylljes së afatit për ankesa dhe përfundimit me sukses të procedurave ligjore të rekrutimit, sot janë firmosur aktet e emërimit për 37 zyrtarë ligjorë në administratën e sistemit gjyqësor të Republikës së Kosovës.

Sipas njoftimit, nga 37 zyrtarët ligjorë të emëruar, 33 janë gra dhe 4 janë burra.

Ky proces ka përfshirë edhe emërimin e përfaqësuesve nga komunitetet joshumicë, konkretisht dy nga komuniteti serb, dy nga komuniteti boshnjak dhe një nga komuniteti turk.

Në njoftim theksohet se këshilli vazhdon të jetë i angazhuar për zbatimin e saktë të detyrimeve ligjore, me qëllim krijimin e kushteve të nevojshme për funksionimin efikas të gjykatave, duke siguruar respektimin e parimeve të ligjshmërisë, transparencës dhe meritokracisë në proceset e rekrutimit dhe përzgjedhjes së stafit.

The post Emërohen 37 zyrtarë ligjorë në gjykatat e Kosovës, vetëm 4 prej tyre janë burra appeared first on Albeu.com.

Florent Ramadani është sërish futbollist i Shkëndijës, me klubin tetovar që ka konfirmuar zyrtarisht rikthimin e mesfushorit. Lajmi u bë i ditur përmes rrjeteve sociale, ku kuqezinjtë njoftuan afrimin e tij të dytë në këtë sesion merkatoje, duke forcuar mesfushën me një lojtar me përvojë.

Në faqen zyrtare të Shkëndijës është publikuar edhe mesazhi i shkurtër: “Welcome Back, F. Ramadani”.

Mesfushori 25-vjeçar ishte pjesë e Dritës në Superligën e Kosovës, ndërsa pas mbylljes së kontratës ai rikthehet te skuadra me të cilën ka luajtur më herët në sezonet 2019/20 dhe 2025/26.

The post Shkëndija zyrtarizon kthimin e Florent Ramadanit në mesfushë appeared first on Albeu.com.

Adrian Bajrami është zyrtarisht futbollist i Bragës. Klubi portugez e ka konfirmuar vetëm pak minuta më parë afrimin e qendërmbrojtësit shqiptar, i cili ka nënshkruar kontratë deri në verën e vitit 2031.

24-vjeçari, i cili më herët u largua papritur nga Kombëtarja shqiptare për t’iu bashkuar Zvicrës pa lënë “gjurmë”, duket se ka vijuar të njëjtën linjë edhe në Portugali.

Mbrojtësi me profil defensiv u formua te Benfica, skuadra e kryeqytetit portugez, ndërsa tani do të luajë si kundërshtar i saj në të njëjtin kampionat. Para këtij hapi, destinacioni i tij i fundit ishte Luzerni në Superligën helvete.

The post Braga zyrtarizon Adrian Bajramin, ish-mbrojtësi i Benficas firmos deri në verën e 2031 appeared first on Albeu.com.

Ka përfunduar aventura e David Domgjonit te Hapoel Jerusalem, pasi mbrojtësi 29-vjeçar dhe klubi izraelit kanë arritur marrëveshjen për mbylljen e bashkëpunimit vetëm një vit pas nisjes së tij.

Lajmin e ka bërë publik vetë qendërmbrojtësi përmes një postimi në rrjetet sociale, ku shkruan: “Lashë gjithçka në fushë për këtë fanellë. Faleminderit Hapoel”.

Domgjoni iu bashkua skuadrës izraelite në korrik të vitit 2025, pas largimit nga Partizanit. Gjatë karrierës së tij në Shqipëri, 29-vjeçari ka luajtur gjithashtu edhe për Tiranën, Kastriotin dhe Laçin.

The post David Domgjoni ndahet me Hapoel Jerusalem pas vetëm një sezoni appeared first on Albeu.com.

Një nga çështjet më të theksuara në raport ka të bëjë me evidencimin e pasurisë. Auditori ka konstatuar se ministria e ka paraqitur pasurinë më ulët sesa gjendja reale, për shkak se nuk ka regjistruar një sërë asetesh, mes tyre pajisje laboratorike, inventar për shkolla, automjete zyrtare, smartboard-e dhe pajisje të tjera. Vetëm në dy raste, nga mosregjistrimi i plotë i pasurisë, është konstatuar një nënvlerësim prej 6,710 eurosh. Në të njëjtën kohë, disa pajisje të teknologjisë informative ishin futur dy herë në regjistra, gjë që ka sjellë një mbivlerësim të pasurisë prej 11,407 eurosh.

Auditimi ka nxjerrë në pah edhe faktin se dy vetura zyrtare me vlerë 78 mijë euro, smartboard-e, pajisje laboratorike dhe një çerdhe modulare nuk ishin evidentuar si duhet në regjistrat e pasurisë së ministrisë, duke ndikuar në paraqitjen reale të aseteve.

Sipas raportit, “Furnizime me pako laboratorike dhe inventar për shkolla në vlerë prej 801,271 euro që nuk ishin regjistruar si duhet në regjistrat e pasurisë. Blerja e dy veturave zyrtare në vlerë prej 78,468 euro, të cilat po ashtu figuronin në kategorinë e pasurive të paregjistruara siç duhet. Blerja e smartboard-ëve (tabelave të mençura) në vlerë prej 13,800 euro. Pajisje të tjera në vlerë prej 33,742 euro. Ndërtimi i një çerdheje të parafabrikuar modulare në Fushë Kosovë në vlerë prej 206,578 euro, e cila gjithashtu ishte pjesë e pasurive me probleme në regjistrim”.

Një tjetër gjetje lidhet me objektet arsimore të financuara nga ministria, të cilat ende nuk janë bartur në pronësi të komunave, edhe pse kushtet për dorëzim ishin përmbushur. Sipas auditorit, kjo është një çështje e evidentuar edhe në të kaluarën dhe vazhdon të mos marrë zgjidhje.

Parregullsi janë evidentuar edhe në raportimin e detyrimeve kontingjente. Raporti thekson se dy lëndë janë klasifikuar gabimisht si obligime të papaguara, çka ka sjellë mbivlerësim të obligimeve të papaguara dhe nënvlerësim të detyrimeve kontingjente për mbi 2.1 milionë euro.

Në fushën e prokurimit dhe administrimit të kontratave, auditimi ka konstatuar se ministria nuk e ka përdorur sistemin e e-prokurimit për menaxhimin e kontratave, pavarësisht kërkesave të ligjit dhe rekomandimeve të vazhdueshme të auditorit.

Raporti evidenton gjithashtu vonesa në ekzekutimin e pagesave. Në 15 raste, në vlerë totale prej 380,410 euro, pagesat janë bërë me vonesë, duke nisur nga shtatë ditë e deri në 11 muaj pas afatit ligjor 30-ditor.

Vonesa janë konstatuar edhe në furnizimin me mallra. Në tri raste, me vlerë të përgjithshme 100,472 euro, dorëzimi i mallrave është bërë nga 10 deri në 24 ditë pas afateve të përcaktuara në kontrata.

Raporti ngre po ashtu shqetësime për keqklasifikimin e shpenzimeve dhe dobësitë në kontrollin e brendshëm financiar, problematikë që, sipas auditorit, ka vazhduar të përsëritet edhe gjatë vitit 2025.

Sipas auditimit, nga 15 rekomandimet e dhëna në auditimin paraprak, një pjesë vazhdojnë të mbeten pa u zbatuar. Mes tyre përfshihen çështjet që lidhen me menaxhimin e pasurisë, bartjen e objekteve te komunat, detyrimet kontingjente, pagesat me vonesë dhe administrimin e kontratave.

The post Auditimi zbulon parregullsi në MASHTI: dy vetura zyrtare, smartboard-e dhe asete të tjera nuk figurojnë si pasuri appeared first on Albeu.com.

Klubi bardhejeshil e konfirmoi rikthimin e gardianit me anë të një postimi zyrtar. “Mirë se erdhe përsëri, Bruno Puja! Bruno Puja rikthehet në familjen bardhejeshile për të vazhduar rrugëtimin me Egnatian. Të urojmë mirëseardhje dhe shumë suksese në këtë kapitull të ri me fanellën kampione”, shkruan klubi i Egnatias.

Gjatë karrierës së tij, përveç Egnatias, 26-vjeçari ka qenë pjesë edhe e Besës, Bylisit dhe Erzenit. Në edicionin e fundit me Kastriotin, ai arriti ta mbante portën të paprekur në 4 ndeshje.

The post Egnatia zyrtarizon kthimin e Bruno Pujës, portieri rikthehet në Rrogozhinë pas 3 vitesh appeared first on Albeu.com.

38-vjeçari ishte rikthyer te klubi durrsak në verën e vitit 2024, menjëherë pasi kishte mbyllur eksperiencën e tij me Partizanin. Gjatë karrierës, Vila ka luajtur edhe për ekipe si Dinamo e Zagrebit, Lokomotiva e Zagrebit, PAS Giannina, AOK Kerkyra, Inter Baku dhe Skënderbeu.

Në njoftimin e publikuar, KF Teuta bën me dije përfundimin e bashkëpunimit me mesfushorin Emiliano Vila. Klubi sqaron se, pas periudhës së kaluar së bashku, lojtari nga sot nuk do të jetë më pjesë e ekipit.

Po ashtu, durrsakët e falënderojnë Vilën për profesionalizmin, përkushtimin dhe kontributin e dhënë me fanellën e Teutës, ndërsa i urojnë suksese në vijim të karrierës sportive dhe në sfidat e ardhshme.

The post ZYRTARE/ Teuta mbyll bashkëpunimin me Emiljano Vilën appeared first on Albeu.com.