zyrtare te larte Archives - Albeu.com

Fatmir Mediu: Berisha do kërkojë t’i hiqet “non grata”, zyrtarë të lartë në Uashington kanë kërkuar të verifikohen faktet

V K — Fri, 14 Feb 2025 20:54:50 +0000

Gjatë një interviste në emisionin “Log”, kryetari i Partisë Republikane Fatmir Mediu, foli për “non gratën” e kreut të Partisë Demokratike Sali Berisha.

Mediu u shpreh se Berisha do të kërkojë që t’i hiqet “non grata”. Sipas tij, zyrtarë të lartë në Uashington kanë kërkuar të verifikohen fakte, për “non gratën” e Berishës.

Gjithashtu, ai u shpreh se Berisha shpesh ka thënë se kjo “non grata” është pa fakte.

Fatmir Mediu: “Sali Berisha do kërkojë që të hiqet non grata për të, sepse sanksioni është pa baza dhe pa fakte, që kështu të mund të krijojë raporte normale me diplomatët amerikanë. Nuk ka të bëjë vetëm me LaCivita-n, por ka edhe rrugë të tjera.

Për më tepër funksionarë të lartë në Uashington kanë kërkuar që të verifikohen faktet për sanksionimin që mund t’i jetë bërë Sali Berishës”.

The post Fatmir Mediu: Berisha do kërkojë t’i hiqet “non grata”, zyrtarë të lartë në Uashington kanë kërkuar të verifikohen faktet appeared first on Albeu.com.

Agron Duka: Të bëhemi gati për zgjedhjet, zyrtarë të lartë të qeverisë janë kthyer në biznesmenë

V K — Sat, 20 Apr 2024 10:18:48 +0000

Ditën e sotme, Partia Agrare Ambientaliste, po mban Asamblenë Zgjedhore. Kryetari i PAA, Agron Duka, në fjalën e tij tha se vendi ndodhet në një situatë të vështirë, ku korrupsioni është kthyer në rrezik për shoqërinë dhe ekonominë.

Gjithashtu, ai tha se rezultatet e zgjedhjeve të kaluar ishin zhgënjyese, ku kishte bashki që kjo parti nuk ka marrë asnjë këshilltar.

“Në Tiranë e Shkodër kishim rezultate zhgënjyese ku nuk morëm asnjë këshilltar. Puna duhet të nisë që tani për rezultate të mira. Shqipëria në një situatë të keqe, korrupsioni është rrezik për shoqërinë dhe ekonominë.

Zyrtarë të lartë janë kthyer në biznesmenë duke u përfshirë në tendera, duke e kthyer ekonominë në monopol shpesh në partneritet edhe me krimin.

U rrit kontrolli mbi median dhe presioni mbi opozitën. Opozita humbi 3 vite duke u përccarë e duke luftuar mes vetes, kjo i dha qeverisë më shuëm hapësirë të zgjerojë pushtetine saj dhe të rrisë dozën e abuzimit”, tha ai.

The post Agron Duka: Të bëhemi gati për zgjedhjet, zyrtarë të lartë të qeverisë janë kthyer në biznesmenë appeared first on Albeu.com.

Altin Dumani raporton para Kuvendit: SPAK ka dhënë 4 vendime dënimi për zyrtarë të lartë gjatë 2022

E B — Mon, 03 Jul 2023 09:43:56 +0000

Kreu i Prokurorisë së Posaçme (SPAK) ka raportuar para Kuvendit për veprimtarinë e institucionit që drejton, për vitin 2022.

Dumani ka listuar metodat që përdoren nga SPAK për të hetuar, ndërsa ka vënë theksin se gjatë vitit 2022 janë dënuar 4 zyrtarë të lartë dhe janë hetuar 24 procedime penale gjatë periudhës 2020-2022.

“Jam para jush për të prezantuar raportin e SPAK gjatë 2022. Dua të bëj me dije se SPAK i ka adresuar rekomandimet të rezolutës së Kuvendit dhe rekomandimet prioritare të Këshillit të Ministrave.

Sa i takon rekomandimit për pavarësinë institucionale, SPAK vijon të cilësoj thelbësore pavarësinë e saj. Lidhur me sistemin e menaxhimit të cështjeve, spak po krijon një system të brendshëm që mundëson digjitalizimin e të dhënave që do të rrisë efikasiteti e shkëmbimit të të dhënave.

Në lidhje me forcimin e hetimit, theksoj se ka një rritje të regjistrimeve penale. Ka dhe një rritje të hetimeve proaktive.

Metodat speciale te hetimit, janë përdorur përgjimet, simulimi I aktit korruptiv, dorëzimi i kontrolluar apo agjenti i infiltruar.

Në lidhje me hetimet në lidhje cështjet e korrupsinit të nivelit të lartë, gjatë 2022, janë dhënë katër vendimi dënimi. Ndërkohë 2020-2022, janë hetuar 24 procedime penale nga 25 persona në hetim.

Sipas DASH, SPAK ka bërë përparim. Janë sekuestruar dhe konfiskuar një portofol divers asetesh. Kemi sekuestruar 12 pasuri të lulatjshme, 34 të pajuatshme, 13 subjekte tregatare (11 të konsfiksuara)”, tha Dumani./albeu.com

The post Altin Dumani raporton para Kuvendit: SPAK ka dhënë 4 vendime dënimi për zyrtarë të lartë gjatë 2022 appeared first on Albeu.com.

VOA: Inceneratorët, dyshime për implikime të reja të zyrtarëve të lartë

E B — Mon, 19 Dec 2022 20:55:00 +0000

Në Shqipëri po publikohen në vijimësi njoftime të reja që implikojnë zyrtarë të lartë në çështjen e inceneratorëve, një nga më të përfolurat për korrupsion. E ndërsa disa zyrtarë të lartë janë arrestuar për këtë çëshje, së fundi janë bërë publike disa email-e që kompromentojnë edhe ish-zv kryeministrin Arben Ahmetaj, emri i të cilit figuron në disa fatura të paguara për llogari të tij, nga biznesmeni Klodian Zoto, në kërkim ndërkombëtar për incenereatorët, në së paku 8 hotele luksoze jashtë vendit. Ish-Ministri Ahmetaj, ndaj të cilit nuk ka asnjë akuzë për këtë çështje, tha se dokumentet nuk janë origjinale, ndërsa komente bënë dhe përfaqësues të opozitës e shumicës qeverisëse.

Në Shqipëri, një prej çështjeve më të përfoluara për korrrupsion në 9 vite të qeversjes së socialistëve është ajo e inceneratorëve. E ndërsa pak ditë më parë Prokuroria e Posaçme dërgoi në gjykatë një dojse me disa të pandehur, përfshirë dhe ish-Ministrin Lefter Koka dhe ish deputetin socialist Alqi Bllako, të akuzuar për shpërdorim detyre, korrupsion dhe pastrim parash, njoftimet e reja po implikojnë edhe ish Zv.Kryeministrin Arben Ahmetaj një nga figurat më jetëgjata si ministër në qeveritë e zotit Rama që nga viti 2013.

Gazetari Adriatik Doçi, thotë se ka zbuluar disa email-e, që sipas tij ndodheshin në kompjuterin dhe telefonin e Klodian Zotos, biznesmenit të lidhur me inceneratorët, të sekuestruara nga SPAK. Përmes këtyre email-eve Klodian Zoto, aktualisht në kërkim ndërkombëtar, në verën e vitit 2020, kërkonte nga disa hotele në Europë, rikonfirmim të faturave të paguara prej tij, në favor të Z. Ahmetaj. Në faturat e publikuara figuron dhe emri i Mirel Mërtirit, edhe ky në kërkim për korrupsion aktiv dhe pastrim parash në lidhje me inceneratorin e Elbasanit.

Gazetari Doçi ngre dyshime se këto emale kane qenë në duart e hetuesve dhe se nuk janë përdorur qëllimisht prej tyre. Ndaj ai i ka referuar dy prokurorët e çështjes, Ened Nakuçi dhe Klodian Braho në SPAK për shpërdorim detyre dhe veprime që pengojnë zbardhjen e së vërtetës. I pyetur nga Zëri i Amerikës, se si vertetohet që këto emaile ishin në duart e prokurorëve dhe nuk janë përdorur prej tyre si prova, Z. Doçi jep këtë përgjigje.

“Dokumenti që vërteton këto është dosja e plotë që është referuar në gjykatë nga SPAK-u ku referohet nga policia shkencore ekspertiza që janë zbërthyer 3 kompjuterat e Klodian Zotos dhe telefoni i tij. Dhe këto emale janë në kompjuterin dhe në telefonin e tij. Pra disa materiale janë përdorur nga hetuesit dhe disa të tjera, ku përfshihen dhe këto email-e kompromentuese për ish-ministrin Arben Ahmetaj nuk janë përfshirë në dosjen hetimore”–tha për Zërin e Amerikës, Adriatik Doçi.

Zoto duket se i grumbulloi të dhënat kompromentuese ndaj Z. Ahmetaj, pikërisht në vitin 2020, kur prokuroria regjistroi dhe proçedimin penal për rastin e inceneratorëve, dhe presioni publik dhe akuzat në lidhje me ndërtimin e inceneratorëve ishin intensifikuar, duke parandjerë me gjasë, kthesën që po merrnin ngjarjet. Shumat e prenotimeve në hotelet luksoze, variojnë nga 1100 deri në 1700 euro për dy netë qëndrimi në 8 udhëtime që nga Viena, Milano, Bukuresht apo Franfurti. Gazetari Adriatik Doçi thotë se prenotimet përkojnë me kohën e miratimit dhe fillimit të zbatimit të kontratave konçensionare të tre inceneratorëve 2014-2017, ku roli i ish-Minstrit Ahmetaj, sipas tij ishte i rëndësishëm në këtë proçes.

Aktualisht ndaj ish-zyrtarit të lartë socialist Z.Ahmetaj nuk rëndon asnjë akuzë nga prokuroria, për inceneratorët. Në një reagim të pak ditëve më parë për emisionin “Të paekspozuarit” Z. Ahmetaj tha se emalet e publikuara nuk janë dokumenta origjinale dhe se nuk ka udhëtuar me Zoton apo përdorur kartën e dikujt. Ai tha se ka udhëtuar vetëm me miq dhe ish miq dhe se Zoto nuk është as njëra dhe as tjetra. Ish ministri ngre dyshime për një gjobëvënie ndaj tij.

Në shkurt të këtij viti i thirrur në komisionin hetimor mbi çështjen e inceneratorëve, Z. Ahmetaj mohoi të ketë lidhje dhe njohje me pronarët e inceneratorëve përfshi dhe Klodian Zoton.

“Pyetja për mua do ishte kë nuk njeh në republikën e Shqipërisë. Unë nuk kam as lidhje gjaku, as lidhje familjare as lidhje krushqie, as biznesi, as lidhje varësie pune, asnjë lloj lidhje. Kemi qenë në një qytet. Madje Zoton e kam të njohur në distancë, jo nga afër”- u shpreh Arben Ahmetaj, ish Zv. kryeministër në shkurt të vitit 2022 në komisionin hetimor për inceneratorët.

Zoti Ahmetaj u përfol edhe disa vite më parë, pas njoftimeve se ishte aksidentuar me makinë në Maqedoninë e Veriut dhe se me të ndodhej dhe Mirel Mërtiri, sot në kërkim ndërkombëtar në lidhje me inceneratorët. Në atë kohë ai e tejkaloi këtë moment duke thënë se mund të udhëtojë me dhjetra biznesmene dhe se ne rastin konkret nuk kishte asnjë konflikt interesi, pasi Mërtiri siç tha ai në emisionin Opinion nuk figuronte në asnjë dokument të inceneratorëve. Ndërsa faktit që në këto dokumenta figuronte partnerja e tij, edhe kjo në kërkim për çështjen e inceneratotve, ai iu përgjigj se ajo ka përgjegjësi personale.

Zëri Amerikës u përpoq të kontaktonte përmes aplikacionit Wahtsapp si dhe përmes telefonit, edhe avokatin Ardian Leka, i cili mbron biznesmenin Klodian Zoto, për një reagim mbi emailet, por nuk mori përgjigje deri në përgatitjen e këtij materiali.

Ndërsa ish-kryetarja e komisionit hetimor për inceneratorët Jorida Tabaku i tha Zërit të Amerikës se aktualisht ka kërkuar nga SPAK, të dijë nëse ka patur dijeni për emalet, që u publikuan në media, a janë ato pjesë e provave në dosjen hetimore, dhe nëse është thirrur ish- minstri Ahmetaj si person në dijeni, por shtoi se ende nuk ka një përgjigje.

“Për mua të dhënat ishin tronditëse nëse do bëhej fjalë për një zyrtar të thjeshtë, dhe jo më kur bëhet fjalë për një person i cili nën betim ka pohuar që nuk ka asnjë lidhje me këto persona, që nuk i njeh këto persona dhe që nuk ka ndikuar në vendimarrjen për çështjen e inceneratorëve”- u shpreh për Zërin e Amerikës Jorida Tabaku, ish-kryetare e komisionit hetimor për inceneratorët.

Zëri i Amerikës ju drejtua dhe kryetarit të grupit parlamentar të PS, Z. Taulant Balla për një reagim mbi këtë çështje. Ai tha se reforma në drejtësi po jep rezultate dhe se nuk mund të ketë hetime edhe nga prokuroria edhe nga opozita apo individë të ndryshëm.

“Akuzat në këtë vend i ngre prokuroria, dhe unë besoj se puna e bërë deri tani, dhe gjithshka ka për detyrë SPAK, për rastin në fjalë është, që ajo duhet të flasë, të tjerët duhet të heshtin”– tha për Zërin e Amerikës Taulant Balla, kryetar i grupit parlamenar të PS

Zëri i Amerikës pyeti SPAK nëse ka qenë prokuroria në dijeni të këtyre imail-ve dhe nëse po, a janë ato pjesë e provave në dosjen hetimore, dhe nëse nuk ka patur dijeni për to, a shërbejnë këto email-e si indicie për të marrë në pyetje apo nën hetim edhe ish ministrin Arben Ahmetaj. Në përgjigjen e Prokurorisë së Posaçme thuhet se hetimet paraprake vazhdojnë dhe sa kohë ka hetime nuk mund t’i përgjigjen këtyre pyetjeve.

Ndërsa në njoftim e SPAK për mediat mbi dërgimin e dosjes me disa të pandehur në Gjykatë, për inceneratorin e Elbasanit, thuhet se hetimet vazhdojnë të ndara për elementë të tjerë, përfshirë edhe provat dhe dokumentet që janë gjetur dhe janë nxjerrë nga kompjuterat e sekuestruara në banesën e të pandehurit Klodian Zoto.

Çështja e tre inceneratorëve në Shqipëri, Elbasanit, Fierit dhe Tiranës, në të cilën deri tani rezultojnë të përfshirë dhe ish ministri i Mjedisit Lefter Koka dhe ish-deputeti socialist Alqi Bllako, të dy të arrestuar, vijon të jetë një patate e nxehtë në politikë dhe një provë e fortë për organet e reja të drejtësisë./voa

The post VOA: Inceneratorët, dyshime për implikime të reja të zyrtarëve të lartë appeared first on Albeu.com.

SHBA: Zyrtarët e lartë rusë mund të hetohen për krime lufte

E B — Tue, 22 Nov 2022 11:14:43 +0000

Sipas një zyrtari të lartë amerikan, janë shfaqur prova në rritje për sulme “të qëllimshme, pa dallim dhe joproporcionale” ndaj civilëve nga forcat ruse.

Ambasadorja e Departamentit të Shtetit të SHBA për drejtësinë penale globale, Beth Van Schaack, tha se ka prova të “krimeve sistemike të luftës të kryera në çdo rajon ku forcat ruse janë vendosur”.

Duke komentuar provat nga zonat e çliruara, ajo detajoi abuzimet me burgim të civilëve dhe të burgosurve të luftës, largimin me forcë të qytetarëve ukrainas në Rusi, vrasjet e ngjashme me ekzekutimet dhe dhunën seksuale.

Van Schaack tha që zyrtarët e lartë të Rusisë të mbajnë përgjegjësi për krimet e supozuara.

“Kur ne po shohim akte të tilla sistematike, duke përfshirë krijimin e një rrjeti të gjerë filtrimi, është shumë e vështirë të imagjinohet se si këto krime mund të kryhen pa përgjegjësinë deri në zinxhirin komandues,” tha ajo.

Megjithatë, ajo nuk pranoi të thoshte nëse Vladimir Putin mund të ndiqet penalisht për krime lufte në Ukrainë.

Ajo tha se prokurorët do të “ndjekin provat atje ku të çojnë”./albeu.com

The post SHBA: Zyrtarët e lartë rusë mund të hetohen për krime lufte appeared first on Albeu.com.

Rusia u ndalon hyrjen disa zyrtarëve të lartë të Malit të Zi

E S — Fri, 14 Oct 2022 15:41:05 +0000

Rusia ua ka ndaluar hyrjen ministrit të Jashtëm të Malit të Zi, Ranko Krivokapiq, atij të Brendshëm, Rashko Konjeviq, dhe ish-drejtorit të Agjencisë Kombëtare të Sigurisë, Savo Kentera.

Njoftimi u bë publik nga Ministria e Jashtme e Rusisë më 14 tetor, përmes një shkrese që i dërgoi Ambasadës së Malit të Zi në Federatën Ruse.

“Kjo masë është në përgjigje të një tjetër vendimi armiqësor të palës së Malit të Zi në shtator të këtij viti, kur shpalli ‘non grata’ diplomatë të Ambasadës ruse në Podgoricë”, u tha në njoftimin e Ministrisë së Jashtme ruse.

Në fund të shtatorit, në një aksion Agjencisë Kombëtare të Sigurisë së Malit të Zi dhe Zyrës së Prokurorisë Speciale , u zbulua një rrjet i agjentëve rusë të inteligjencës që vepronin në Malin e Zi.

Gjashtë diplomatë rusë u dëbuan dhe 28 shtetasve të huaj iu ndalua hyrja në Mal të Zi.

Siç deklaruan autoritetet, vendimi për dënim nga Mali i Zi u mor për shkak të aktiviteteve që ishin në “kundërshtim me Konventën e Vjenës për Marrëdhënie Diplomatike”.

Raportet diplomatike midis Malit të Zi dhe Rusisë janë përkeqësuar që nga viti 2014, kur Podgorica mbështeti sanksionet e Bashkimit Evropian ndaj Rusisë për shkak të aneksimit të paligjshëm të Gadishullit ukrainas të Krimesë.

Mali i Zi iu bashkua sanksioneve perëndimore ndaj Moskës, pasi kjo e fundit nisi pushtimin e paprovokuar të Ukrainës më 24 shkurt. Pas kësaj, Rusia e futi Malin e Zi në listën e “shteteve armiqësore”.

The post Rusia u ndalon hyrjen disa zyrtarëve të lartë të Malit të Zi appeared first on Albeu.com.

Krimi dhe korrupsioni, Kraja: Prioritet, hetimi i zyrtarëve të nivelit të lartë

E B — Tue, 24 May 2022 12:34:21 +0000

Kreu i SPAK Arben Kraja, në fjalën e tij në mbledhjen e Këshillit Kombëtar të Integrimit u shpreh se është kundër ndryshimeve të shpeshta ligjore. Gjithashtu u ndal te korrupsioni dhe pastrimi i parave.

Kreu i SPAK tha se ky është një fenomen i pranishëm, ndërsa shtoi se duhet një punë e madhe dhe një koordinim i gjithanshëm për ta luftuar.

“Ne kemi kërkuar të forcohet siguria e strukturës (SPAK) për të dhënë produkte sa më pozitive. Me rëndësi është vullneti i mirë për t’u bërë. Nga perceptimi ynë padiskutim që ka, ka korrupsion në të gjitha strukturat në të gjitha fushat. Duhet punë e madhe për t’i luftuar dhe duhet një koordinim i gjithanshëm. Ne si prokurori kemi pasur prioritet pjesën e korrupsionit, hetime të zyrtarëve të nivelit të lartë”, tha Kraja./albeu.com

The post Krimi dhe korrupsioni, Kraja: Prioritet, hetimi i zyrtarëve të nivelit të lartë appeared first on Albeu.com.

Manja çon në SPAK drejtoreshën e Agjencisë së Pronave: E përfshirë në korrupsion, e shkarkuam para disa ditësh

E B — Tue, 24 May 2022 10:11:56 +0000

Ministri i Drejtësisë Ulsi Manja ka dalë në një konferencë për shtyp, ku ka deklaruar se zyrtarë të lartë të agjencisë së trajtimit të pronave dhe disa drejtues rezultojnë të përfshirë në korrupsion.

Teksa ka dhënë detaje për skemën e korrupsionit të zbardhur nga hetimi disa mujor nga njësia Antikorrupsion, Manja ka shtuar se është koha që SPAK të hetojë në vazhdim.

“Pas një hetimi të gjatë, rezulton se zyrtarja më e lartë e agjencisë së trajtimit të pronave dhe disa drejtues rezultojnë të implikuar në veprimtari abuzive përmes skemave që kanë prodhuar korrupsion thelbësor. Kam firmosur kallëzimin që do t’ja drejtoj SPAK. Është radha e SPAKUT të thellojë hetimet e veprimtarisë së këtyre individëve dhe të zbardh deri në fund skemat abuzive të vëna në veprim në shkelje të ligjit e në kurriz të qytetarëve

Janë dy skema të dokumentuara nga ana jonë, ku zyrtarët janë përfshirë në abuzim pronash. Ish pronarët që disponojnë vendimet e komisionit të kompensimit të pronave, i disponojnë këto vendime për një kohë të gjatë….

Pas një hetimi të gjatë të kësaj njësie, zyrtarja më e lartë e Agjencisë së Trajtimit të Pronave, drejtori i kompensimit financiar në këtë agjenci dhe një zyrtar tjetër, rezultojnë të implikuar në veprimtari abuzive përmes skemash abuzive, të cilat dyshohet fort se kanë prodhuar korrupsion domethënës”, tha Manja.

Ministri, i pyetur nga gazetarët se kë kishte çuar në SPAK, tha se bëhej fjalë për drejtoreshën e ATP, Jonida Baçi dhe disa të tjerë.

“Kur flas për zyrtarë të lartë të Agjencisë së Trajtimit të Pronave, sigurisht e kam për drejtuesen e këtij institucioni të shkarkuar disa ditë më parë me firmë të kryeministrit Edi Rama, kërkuar nga unë. Por janë përfshirë dhe zyrtarë të tjerë”, shtoi Manja./albeu.com

The post Manja çon në SPAK drejtoreshën e Agjencisë së Pronave: E përfshirë në korrupsion, e shkarkuam para disa ditësh appeared first on Albeu.com.

Artan Hoxha: SPAK do të godasë si rrufeja, zyrtarët e lartë të frikësuar nga përgjimi

E B — Wed, 14 Jul 2021 11:35:35 +0000

Gazetari Investigativ Artan Hoxha, duke folur për arrestimin e ish- zv. ministren e Brendshme Rovena Voda është shprehur se nuk është masa e sigurisë ajo që vendos për rëndësinë e hetimit dhe gjykimit. Ai ka thënë se “arresti me burg” është i nevojshëm për kriminelë që rrezikojnë të bëjnë krime të tjera duke zhdukur prova apo edhe duke u arratisur.

“Voda ka qenë e angazhuar në media. Nuk është njeri i parëndësishëm. Hetimi dhe gjykimi do e provojë nëse është i drejtë arrestimi. Dhe kishte aludime se pse sillet me dy standarde drejtësia. Ideja është se kodi penal ka masë sigurie të ndryshme. Paraqitje, arrest shtëpie dhe arrest me burg. Në rastin konkret siç kemi të bëjmë me zyrtarë. Masa nuk vendos mbi sa e drejtë është hetimi. Kjo vlerësohet njëlloj se masë sigurie është. Edhe marrja e pasaportës. Ti e ke larguar nga detyra. SPAK ka shumë përgjime. Se leja është 10-15 ditë dhe pas çdo leje shkon në gjykatë dhe kërkohet kohë shtesë.” tha Hoxha.

Më tej Hoxha është shprehur se me dosjet që ka parë në SPAK, ky institucion pritet të godasë zyrtarë shumë të lartë. Sipas tij nën hetim janë shumë dosja që pritet të përfundojnë me arrestime të mëdha.

Ndërkohë Hoxha ka dhënë edhe një detaj tjetër interesant. Duke folur për përgjimet nga prokuroria, Hoxha ka shtuar se në komunikimet e tij me zyrtarë të lartë i kërkojnë që të përdorin aplikacionin “Signal” që sipas tyre është pak më i sigurt.

“Duhet të ngjitet lart. Se unë i kam marrë për punën dhe thonë a ke “Signal” se ky program është i sigurt. Edhe zyrtarë të lartë. Flas me njerëz të kërkuar. Dhe sigurisht do flas me ta. Se sado që të mundohen por cdo gjë është e përgjueshme. Nëse sot mund të përgjosh cdo kënd. Është përdorur si metodë e kollajtë përgjimi. Është indice. Unë besoj se SPAK nuk e ka marrë kot atë vendim se ka dyshimet e veta. Di që në SPAK ka hetime për zyrtarë të lartë. Ato që kam parë synohet të goditet lart. Që nga maja deri në fund. Si rrufeja. Urojmë që SPAK të ketë suksese./abcnews.al

The post Artan Hoxha: SPAK do të godasë si rrufeja, zyrtarët e lartë të frikësuar nga përgjimi appeared first on Albeu.com.