Në reagimin e saj, përfaqësia e BE-së në Prishtinë ka hedhur poshtë pretendimet se shteti i udhëhequr nga presidenti Vladimir Putin ka një fuqi punëtore të pakufizuar, duke nënvizuar se gjendja demografike në vend dëshmon të kundërtën.

Sipas këtij postimi, numri i burrave në moshë pune është tkurrur ndjeshëm, ndërsa lufta e ka rënduar edhe më shumë këtë situatë.

Zyra e BE-së pretendon se, që nga viti 2022, Rusia ka pësuar mbi 1.3 milion humbje në fushëbetejë dhe, së bashku me ata që janë larguar nga vendi, ky shtet u “tret” për 2 milionë banorë.

Për të kompensuar mungesën e personelit, i njëjti burim thotë se Moska ka rekrutuar rreth 27 mijë shtetas të huaj nga 130 vende të ndryshme.

“Shumë prej tyre janë detyruar ose mashtruar që të vdesin për iluzionet perandorake të Kremlinit”, thuhet në postim.

Sipas vlerësimit të Zyrës së BE-së, angazhimi i të huajve mund t’i sigurojë Rusisë vetëm një lehtësim të përkohshëm, por nuk është në gjendje të zgjidhë problemet strukturore me të cilat po përballet vendi.

“Po bëhet gjithnjë e më e qartë se Rusisë po i mbarojnë burrat si për luftën, ashtu edhe për ekonominë”, thuhet në reagimin e Zyrës së Bashkimit Evropian në Kosovë.

The post Zyra e BE-së në Prishtinë: Rusia po mbetet pa burra si për luftë, ashtu edhe për ekonomi appeared first on Albeu.com.

Shpesh, zyra “ideale” përfytyrohet si një ambient krejtësisht neutral, gati steril, pa shenja personale. Por kërkime të shumta në psikologji tregojnë se rregullimi i personalizuar i vendit të punës mund të ketë ndikim pozitiv te produktiviteti.

Sipas një studimi të njohur të dy psikologëve nga University of Exeter, punonjësit që organizojnë vetë hapësirën ku punojnë rezultojnë dukshëm më të kënaqur dhe më të përfshirë në detyrat e tyre. Ndjenja se kanë kontroll mbi mjedisin personal të punës rrit motivimin dhe ndihmon në uljen e stresit të përditshëm. Kur dikush e ndien hapësirën si të tijën, priret të investojë më shumë përqendrim dhe energji në punë.

Brenda kompanive që shpesh perceptohen si të ftohta dhe pa identitet, sendet personale, si fotografitë apo bimët, luajnë një rol të rëndësishëm emocional. Megjithatë, kur këto elemente shtohen me tepri, situata mund të marrë një kah më pak të dëshirueshëm.

Në ambiente korporative më formale, tavolinat e stërmbushura mund të japin sinjale të gabuara dhe madje t’ju bëjnë të dukeni më pak profesionalë. Në të kundërt, në sektorët kreativë, këto detaje shpesh interpretohen si shenjë autenticiteti. Pikërisht për këtë arsye, kultura dhe konteksti i kompanisë kanë peshë vendimtare në mënyrën se si duhet të organizohet vendi i punës.

Kjo çështje ka marrë një kuptim të ri me përhapjen e gjerë të punës nga shtëpia. Në video-thirrje, sfondi i dhomës është kthyer në një vazhdim të drejtpërdrejtë të hapësirës sonë profesionale. Nëse pas nesh shihet rrëmujë vizuale, përshtypja është negative, por edhe muret tepër sterile mund të duken të ftohta dhe larguese.

Prandaj, në realitetin digjital, është bërë thelbësore ruajtja e një ekuilibri pamor mes jetës private dhe asaj profesionale. Hapësirat që japin përshtypjen më të mirë janë ato të sistemuara me kujdes, me elemente të matura dhe me aq seriozitet sa duhet, transmeton Telegrafi.

Thelbi i një rregullimi të suksesshëm nuk qëndron te mbushja e tepërt e ambientit, por as te minimalizmi i skajshëm dhe i ftohtë. Zgjidhja mbetet balanca. Pikërisht gjetja e masës së duhur na ndihmon të punojmë më mirë dhe, në të njëjtën kohë, të shprehim një pjesë të personalitetit tonë.

Disa elemente të përzgjedhura me kujdes mund ta kthejnë një zyrë të zakonshme në një ambient ku ndihemi vërtet mirë. Me disa rregulla të thjeshta, mund të ndërtohet një tavolinë pune që mbështet efikasitetin dhe humorin pozitiv.

Katër rregulla për rregullimin e balancuar të hapësirës së punës

Shtoni një detaj personal

Mjafton një objekt me domethënie për ju, si një fotografi, një revistë apo një kujtim, që ambienti të marrë më shumë ngrohtësi pa humbur karakterin profesional.

Kushtojini rëndësi dritës dhe hapësirës

Produktiviteti nuk lidhet vetëm me pamjen. Drita e mirë, rendi dhe hapësira e lirë mbeten elemente thelbësore.

Mendoni për përshtypjen që lini

Vendi juaj i punës komunikon shumë për ju. Si në zyrë, ashtu edhe gjatë video-thirrjeve, ai përcjell mesazh për organizimin, seriozitetin dhe vetëdijen tuaj ndaj ambientit profesional.

Hapësira duhet të jetë funksionale, jo vetëm e bukur për fotografi

Pamja ka rëndësi, por përparësi ka funksionaliteti. Nëse një element nuk ju ndihmon të punoni më mirë, ka shumë gjasa që të jetë i tepërt.

The post Sa ndikon personalizimi i zyrës në produktivitet dhe a rrezikon ai imazhin profesional? appeared first on Albeu.com.

Sipas të dhënave të zyrtare të INSTAT, vihet re reduktim i theksuar në aktivitetet mbështetëse të biznesit, “Administrim zyrash, mbështetje administrative” me një rënie vjetore të indeksit të punësimit me -7.3% në tremujorin e tretë të vitit 2025, duke u renditur si fusha me tkurrjen me të fortë te punonjësve.

Administrimi i zyrave dhe mbështetja administrative, konsiderohet si shërbim ndaj ndërmarrjeve dhe është një indikator i mirë i shëndetit të bizneseve të tjera.

Nëse ndërmarrjet e tjera kanë rritje, ato kërkojnë më shumë shërbime mbështetëse dhe administrative.

Burimet nga tregu pohuan se rënia e punësimit në stafet e zyrave, shpjegohet edhe me automatizimin dhe Inteligjencën Artificiale.

Shumë detyra përsëritëse si faturimi, arkivimi dhe menaxhimi i të dhënave tani kryhen nga softuerë, duke pakësuar nevojën për staf mbështetës.

Kjo tendencë negative e punësimit, është shtrirë edhe në sektorë të tjerë si Transporti dhe magazinimi, i cili u tkurr me -3.3% në tremujorin e fundit 2025, si dhe në industritë nxjerrëse e përpunuese që pësuan një rënie mesatare -2%.

Industria kryesisht ajo përpunuese, është në një cikël krize të gjatë që po vijon me shkurtimin e punonjësve si rrjedhojë e rënies së porosive nga jashtë, rritjes së kostove te brendshme dhe humbjet nga kursi i këmbimit.

Punësimi në aktivitetet ligjore gjithashtu shënoi një rënie të lehtë, duke mbyllur vitin me një performancë negative prej -0.7%.

Në anën tjetër të spektrit, turizmi dhe tregtia po shërbejnë si motorët kryesorë të rritjes së punësimit.

Hotelet udhëheqin me një rritje vjetore të indeksit të punësimit me 10.8% në tremujorin e fundit 2025, të ndjekura nga Tregtia me shumicë me 10.1%.

Po ashtu, sektorët e ndërtimit dhe Agjencive të udhëtimit treguan qëndrueshmëri të lartë, duke u zgjeruar punësimin në të njëjtën periudhe me nga 6.3% secili.

Ky kontrast i thellë mes rënies drastike në shërbimet administrative dhe rritjes hovshme në sektorin e mikpritjes, sugjeron një riorientim të kapitalit njerëzor drejt ekonomisë së shërbimeve dhe turizmit në fundin e vitit 2025./ Monitor

The post Teknologjia ul numrin e të punësuarve në zyra, turizmi dhe ndërtimi me rritje appeared first on Albeu.com.

Në njoftim shtohet edhe se përmes këtij Memorandumi Mirëkuptimi, formalizohen procedurat që forcojnë besimin e ndërsjellë, sqarojnë rolet dhe rrisin koordinimin.

Postimi i KFOR:

Sot, Komandanti i misionit KFOR të udhëhequr nga NATO, Gjeneral Major Enrico Barduani, dhe Shefi i Zyrës së BE-së në Kosovë (EUOK) dhe Përfaqësuesi Special i BE-së, Sh.T. Aivo Orav, nënshkruan një Memorandum Mirëkuptimi (MM) që rregullon mbështetjen dhe ndihmën e KFOR-it në rast zhvendosjeje ose evakuimi gjatë situatave kritike.

Përmes këtij Memorandumi Mirëkuptimi, KFOR dhe EUOK formalizojnë procedurat që forcojnë besimin e ndërsjellë, sqarojnë rolet dhe rrisin koordinimin, duke i mundësuar të dy misioneve të përgjigjen në mënyrë efikase dhe kohezive brenda mandateve të tyre përkatëse.

Memorandumi dëshmon angazhimin e aktorëve ushtarakë dhe civilë për të punuar së bashku në mënyrë proaktive, duke përforcuar kështu gatishmërinë, stabilitetin dhe sigurinë në rrethana sfiduese në terren.

KFOR vazhdon të zbatojë mandatin e tij – bazuar në Rezolutën 1244 të Këshillit të Sigurimit të OKB-së të vitit 1999 – për të kontribuar në një mjedis të sigurt për të gjithë njerëzit dhe komunitetet që jetojnë në Kosovë dhe lirinë e lëvizjes, në çdo kohë dhe në mënyrë të paanshme. KFOR punon në koordinim të ngushtë me Policinë e Kosovës dhe Misionin e Sundimit të Ligjit të Bashkimit Evropian në Kosovë (EULEX) në rolet e tyre përkatëse si reagues të sigurisë.

The post Zyra e BE-së i druhet një situate kritike në Kosovë, marrëveshje me KFOR për asistencë në rast evakuimi appeared first on Albeu.com.

Në një postim në rrjetet sociale, Rama ka shpërndarë një foto nga zyara e tij në Kryeministri, ndërsa krahas fotos shkruan: “MIRËMËNGJES 😊 Shihemi në 11.00″.

Në mbledhjen e Asamblesë Kombëtare të PS-së, Rama po ashtu pritet të shpalosë edhe piketat e qeverisjes së 4 viteve të ardhshme dhe sfidat me të cilat do të përballet ajo, prioritet mbeten reformat e nevojshme për integrimin evropian, nën sloganin “Shqipëria 2030 në BE”.

 

View this post on Instagram

 

A post shared by Edi Rama (@ediramaal)

The post Zbulohet sot kabineti i ri qeveritar, Rama ndan foton nga zyra në Kryeministri: Shihemi në 11:00 appeared first on Albeu.com.

Në video shihet se Gjici dhe Alma .K menjëherë pas seksit oral bisedojnë për një tender për srehimin e qenve.

Alma.K ja kërkon si nder këtë projekt Gjicit, ndërsa i thotë se kjo do ta bënte atë që të merrte edhe shtëpi me qera në Kukës.

Më pas Gjici thërret në zyrë nënkryetarin e Bahskisë, Granit Gjana, për të vijuar me procedurat e dokumentave për projektin e Alma.K.

E gjithë kjo ndoh për 13 minuta.

Postimi i Hoxhës:

“Dielli nuk mbulohet me shoshe Padisha!!!

Epo ta humbesh “pashallekun” e Kukesit, pasi e ke “paguar me flori”, për nje tender ordiner te “kastrimit dhe sterilizimit te qeneve te rruges”, vetem Padishaut tone mund t’i beje vaki…

Gjithsesi, “çfare ke mbjelle do te korresh”, thote populli.

Marrëdhënia mes ish-kryebashkiakut te Kukesit Safet Gjici dhe vajzes A.K. nuk ishte thjeshte nje çeshtje flirti, por preludi i nje afere biznesi…

Tentativa per ta mbuluar te verteten edhe tre dite pas publikimit te videos tashme eshte e dukshme.

Ne te vertete, nuk eshte vetem nje shkelje etike e zyrtarit me te larte lokal, te zgjedhur me votat e popullit, por nje afer e paster korrupsioni per te perfituar nga parate e taksapaguesve te varfer shqiptare.

Biseda e ish-kryebashkiakut te Kukesit, Safet Gjici, me vajzen e prezantuar si Alma Tafa, perfaqesuese e nje kompanie per kastrimin dhe sterilizimin e qenve te rruges, ne zyren e bashkise vetem nje minute pas kryerjes se mardhenies intime mes tyre, tregon pikerisht kete gje, aferën korruptive.

Vajza kerkon nje mundesi punesimi ose ndihmen e kryetarit te bashkise per projektin e kastrimit dhe sterilizimit te qeneve te rruges.

Madje ajo i thote se keto para, Gjici nuk do t’i paguaje nga xhepi, por nga buxheti i bashkise.

Gjici pasi e degjon vajzen, e miraton oferten e saj dhe i ofron gjithe mbeshtetjen e tij, duke i vene ne dispozicion stafin e bashkise.

Madje i sugjeron edhe menyren sesi ky projekt do te miratohet ne keshillin bashkiak, per te mos patur probleme dhe per te qene ne rregull me ligjin.

Gjici therret ne zyre nenkryetarin e bashkise Granit Gjana dhe e urdheron te ndihmoje vajzen duke ndjekur proceduren per dokumentacionin e projektit.

Me poshte video e Gjicit dhe vajzes, ku bisedojne per te perfituar projektin e kastrimit dhe sterilizimit te qeneve te rruges ne Kukes dhe menyren se si ky projekt do te miratohet ne Keshillin Bashkiak…

A.K.: Do me ndihmosh te bej nje rrethim per qente apo jo?!

Eeee na sajo ndonje pune ketu re, te vi te marre nje shpi me qira ketu.

Kam dy shkolla.

Shteti do me paguaj, s’do me paguash ti…

Safet Gjici: Per qente?!

A.K.:He?

Safet Gjici: Tani.

Do shkosh, do ta therrasim kete qe merret me keto punet e qenve.

Do t’ia lesh ato…

A.K.:Letrat, po.

Safet Gjici:Se si i ke, se duhet kalu me vendim keshilli kjo e para.

A.K.:Se kam gjetur gjithe ate toke. 400 mije leke te vjetra shkonte thurja me te perdorura.

Safet Gjici: Po mire se nuk eshte problemi aty, problemi eshte qe, ne si do ta kryejme proçeduren, qe gjithe qente e rruges qe marrim ketu t’i sjellim atje dhe si shkon, sa shkon situacioni, preventivi, njeren tjetren…

A.K.: I kam me projekt te tera.

Safet Gjici: Me projekt??!! Tani ta therras une kete edhe shko ti aty te…

A.K.: Eshte ketu te bashkia??”

The post Seks skandali, 2 minuta për qentë, 3 për Safetin: Del VIDEOJA e plotë, çfarë ndodhi brenda zyrës së Gjicit appeared first on Albeu.com.

Burrat e duan kondicionerin, por gratë shpesh dridhen. Për 50 vitet e fundit, cilësimet e ajrit të kondicionuar në ndërtesat tona kanë ndjekur standardin e famshëm dhe seksist ’55’.

Së pari, shkalla e metabolizmit ndryshon jashtëzakonisht, në varësi të gjatësisë, peshës, gjendjes fizike, llojit të punës dhe natyrisht, gjinisë.

Femrat zakonisht kanë gjatësi dhe peshë më të ulët dhe përqindje më të lartë të yndyrës në trup sesa meshkujt. Në fakt, studiuesit modernë mendojnë se gratë nxjerrin rreth një të tretën më pak nxehtësi se burrat, dhe kështu nuk kanë nevojë për aq shumë ftohje.

Problemi i dytë është gjithashtu i dukshëm. Gratë kanë tendencë të veshin veshje më të lehta dhe të ekspozojnë më shumë lëkurë. Në një zyrë nuk shihni shpesh gjunjët e zhveshur të një mashkulli.

Burrat marrin zyrat më tërheqëse në qoshe me shumë xham dhe pamje të mrekullueshme, ndërsa gratë janë grumbulluar më shumë drejt qendrës së ndërtesës. Në verë, burrat që qëndrojnë në qoshe te zyrat duan që kondicioneri të funksionojë më i ftohtë.

Një faktor tjetër është se ajri është zakonisht më afër qendrës së ndërtesës. Gratë e veshura hollë janë drejtpërdrejt në shpërthimin e ajrit të ftohtë që derdhet nga vrimat e ventilimit. Dhe kjo çon në situatën ku ndonjëherë gratë duhet të ndezin ngrohëset, në mes të verës, në mënyrë që të mos dridhen vazhdimisht.

The post Keni ftohtë në zyrë? Studimi: Standardet e ajrit të kondicionuar janë seksiste appeared first on Albeu.com.

“Ministria e Brendshme, në bashkëpunim me Ministrinë për Evropën dhe Punët e Jashtme dhe Koncesionarin e prodhimit të dokumenteve biometrike, do të hapë edhe zyra të reja në disa shtete të botës duke zgjeruar ndjeshëm mbulimin gjeografik të vendeve ku mund të aplikohet.
Në bazë të marrëveshjes së negociuar, fillimisht një zyrë aplikimi do të hapet në Ambasadën e Shqipërisë në Abu Dabi të Emirateve të Bashkuara. Dy muaj pas hapjes së kësaj pike është parashikuar të hapen zyra aplikimi edhe në disa ambasada të tjera, përkatësisht në Kinë (Pekin); Kanada (Otava); Australi (Kanberra); Brazil (Brazilia) dhe Rumani (Bukuresht)”, thuhet në njoftimin e ministrisë.

Aktualisht në ambasada e konsullata funksionojnë zyra aplikimi për shtetasit shqiptarë, kryesisht në vendet e rajonit, të BE dhe SHBA.

Tashmë me hapjen e zyrave të reja, do të rritet gjeografikisht rrezja e mbulimit të vendeve ku mund të aplikohet për dokumente biometrike, pa pasur nevojë që të ndërmerret një udhëtim për në Shqipëri.

Ky vendim, sipas ministrisë, është marrë pas një komunikimi ndërinstitucional mes ministrive të Brendshme dhe të Jashtme, në bashkëpunim me koncesionarin, më qëllim lehtësimin e shërbimeve për shtetasit tanë jashtë vendit.

The post Aplikimi për pasaportë dhe kartë identiteti shqiptare, hapen zyrat e reja në 6 shtete appeared first on Albeu.com.