Në një deklaratë të publikuar, thuhet se të ardhurat e papritura nga nafta janë neutralizuar pjesërisht nga forcimi i valutës, si edhe nga subvencionet e dhëna për kompanitë e naftës dhe rafineritë, çka ka kufizuar efektin pozitiv në ekonominë ruse.

Zyra e BE-së thekson në njoftim se “Në katër muajt e parë të vitit 2026, deficiti buxhetor i Rusisë ka arritur në 5.9 trilionë rubla, dukshëm më i lartë se 3.8 trilionë rubla sa ishte planifikuar për të gjithë vitin. Po ashtu, raportohet se mbi 200,000 biznese janë mbyllur që nga janari”.

Sipas shifrave të publikuara, normat e interesit në Rusi vazhdojnë të jenë të larta, ndërsa borxhi korporativ është rritur ndjeshëm që prej nisjes së luftës në Ukrainë. Po ashtu, vendi po përballet me mungesë të fuqisë punëtore, rritje taksash dhe tkurrje të kërkesës së brendshme.

Sipas BE-së, 20 paketat e sanksioneve të miratuara vazhdojnë t’ia kufizojnë Rusisë qasjen në teknologji, financa, logjistikë dhe tregjet e energjisë, duke i krijuar kostot afatgjata ekonomisë së saj.

Në deklaratë theksohet gjithashtu se rritja e çmimeve të naftës mund të ofrojë vetëm një lehtësim të përkohshëm, por nuk e përmbys dëmin strukturor ekonomik, teksa presioni ndaj Rusisë mbetet në vazhdim.

The post Zyra e BE-së në Kosovë: Sanksionet po i shkaktojnë trysni të thellë ekonomisë ruse appeared first on Albeu.com.

Delegacioni i BE thekson se këto ndryshimet do të duhet të vlerësohen nga afër, duke theksuar se legjislacioni BE-së, kërkon procedura transparente dhe konkurruese për dhënien e koncesioneve, përfshirë edhe për portet.

Gjithashtu, në reagim theksohet se teksti i ri përfshin elementë të ngjashëm me ato të ligjit për Investitorët Strategjikë, një ligj që Shqipëria pritet ta shfuqizojë në kuadër të angazhimeve të saj në procesin e integrimit.

“Ne jemi në dijeni se Parlamenti miratoi ndryshime në Ligjin “Për portet turistike në Republikën e Shqipërisë”. Ndryshimet do të duhet të vlerësohen nga afër nga shërbimet tona, veçanërisht në fushën e prokurimit publik dhe përputhshmërinë e tyre me legjislacionin e BE-së, i cili kërkon procedura transparente dhe konkurruese për dhënien e koncesioneve, përfshirë edhe për portet.

Gjithashtu kuptojmë se teksti i ri përfshin dispozita të pranishme në Ligjin për Investitorët Strategjikë. Ky është një ligj që Shqipëria pritet ta shfuqizojë si pjesë e hapave të Agjendës së Reformave dhe në kuadër të kushteve përmbyllëse për Kapitullin 27. Shqipëria duhet të përmbahet nga çdo hap që bie ndesh me këto angazhime”, thuhet në reagimin e zyrës së BE në Tiranë për News24.

The post Ligji për portet turistike, reagon zyra e BE në Tiranë: Legjislacioni evropian kërkon transparencë dhe konkurrencë për dhënien e koncesioneve appeared first on Albeu.com.

“Në shenjë zie dhe respekti, flamuri i Bashkimit Evropian është ulur në gjysmështizë në ditën e varrimit të Rreshterit të Policisë së Kosovës, Afrim Bunjaku, i cili u vra dje në një sulm të tmerrshëm dhe frikacak terrorist. Zemrat tona janë me familjen e tij, të dashurit e tij dhe popullin e Kosovës”, thuhet në njoftim.

Ndryshe, Presidentja e Kosovës, Vjosa Osmani e ka shpallur të hënën ditë zie shtetërore në nderim të policit Afrim Bunjaku.

As a sign of mourning & respect, the ?? flag is flown at half-mast on the day of the funeral of @Kosovo_Police Sergeant Afrim Bunjaku, who was killed yesterday in a hideous & cowardly terrorist attack.

Our hearts go out to his family, loved ones, and to the people of #Kosovo. pic.twitter.com/rsDlOhlDgm

— European Union in Kosovo (@EUKosovo) September 25, 2023

The post Zyra e BE në Kosovë ul flamurin në gjysmështizë në nderim të policit Afrim Bunjaku appeared first on Albeu.com.