Ministria e Punëve të Brendshme e Serbisë (MUP) ka njoftuar N1 se nuk disponon asnjë dokument me të dhëna lidhur me hetimin e televizionit nëse punonjës policie janë angazhuar për sigurinë e biznesmenëve kontroversë Zvonko Veselinoviq dhe Milan Radoiçiq.

Për shkak të interesit të qartë publik, N1 iu drejtua Ministrisë së Brendshme me një kërkesë për qasje në informacione me rëndësi publike. Ndër të tjera, televizioni kërkoi të dinte nëse policë ishin caktuar për mbrojtjen e Veselinoviqit dhe Radoiçiqit, si dhe, në rast se kjo konfirmohej, një kopje të aktit që autorizonte angazhimin dhe bazën ligjore për ofrimin e sigurisë ndaj tyre.

Në përgjigjen ndaj kësaj kërkese, N1 u informua se “Ministria e Punëve të Brendshme nuk ka një dokument që përmban informacionin e kërkuar”. Deri tani, ky institucion as nuk i ka hedhur poshtë publikisht informacionet dhe as nuk ka dhënë një sqarim zyrtar për to.

Në fund të qershorit, Televizioni N1 kishte siguruar të dhëna se Damnjan Vukiçeviq, pjesëtar i njësisë së Xhandarmërisë së Beogradit, punonte në veri të Kosovës si roje private e Milan Radoiçiqit dhe, herë pas here, kujdesej edhe për sigurinë e familjarëve të tij. Radoiçiq ndodhet në listën e kuqe të personave të kërkuar nga Interpoli, nën dyshimet për organizimin dhe pjesëmarrjen në sulmin e armatosur në Banjska.

Sipas informacioneve të tjera të marra nga N1, Nikola Milutinoviq, gjithashtu pjesëtar i detashmentit të Xhandarmërisë së Beogradit, shërben si roje sigurie në objektet që Zvonko Veselinoviq zotëron në Golija. Veselinoviq është nën sanksionet e SHBA-së dhe Britanisë së Madhe.

Në fillim të korrikut, N1 raportoi gjithashtu se në ekipin e sigurisë së Veselinoviqit bënte pjesë edhe Neđeljko Gole, pjesëtar aktiv i SAJ-it dhe udhëheqës i snajperëve.

Çështja e angazhimit të efektivëve për mbrojtjen e manjatëve ose kriminelëve ishte përmendur më herët edhe nga presidenti serb Aleksandar Vuçiç. Pas arrestimit të shefit të policisë së Beogradit, Veselin Miliç, i akuzuar se nuk kishte raportuar një vrasje të ndodhur më 12 maj në një restorant në Senjak, Vuçiç paralajmëroi se çdo polic apo ushtar që kryente detyra të tilla do të largohej nga shërbimi.

“Ligji është i qartë, kujt i pëlqen i pëlqen, kujt nuk i pëlqen, mund të ndahemi bukur. Ti punon për këta dhe ata njerëz, por nuk mund të jesh më në organet shtetërore”, deklaroi Aleksandar Vuçiç më 20 maj të këtij viti, sipas N1.

Më shumë se një muaj më vonë, i pyetur për zbulimet e N1 mbi xhandarët që ofronin mbrojtje për Veslinoviq dhe Radoiçiq, Vuçiç u përgjigj se “ata nuk ofrojnë siguri”. Nga përgjigjja e tij mund të kuptohej gjithashtu se, të paktën, nuk e ofronin më një siguri të tillë.

The post MUP-i serb thotë se nuk disponon të dhëna nëse policë ruajnë Veselinoviqin dhe Radoiçiqin appeared first on Albeu.com.

Në lojë janë ende 33 pikë edhe pse për Partizanin nuk do të jetë një problem pjesëmarrja në “Final four”. Tani drejtuesve u duhet që të gjejnë një trajner, i cili të ambientohet me skuadrën gjithmonë nëse nuk ka punuar kurrë në këtë klub, ose të caktojnë Arbër Abilaliajn, i cili për herë të dytë në këtë sezon do të rimarrë në dorë “frenat” e ekipit. Vetëm kështu ekipi kryeqytetas do të kishte shanse reale të përballej për rivale si Egnatia dhe Vllaznia.

Largimi i trajnerit serb pas humbjes më Bylisin ishte i paevitueshëm ashtu siç duket edhe rikthimin në stol i Abilaliajt, i cili e ka kryer edhe më parë këtë funskion në klubin ku kontribuon prej vitesh.

Në orët e fundit mësohet se drejtuesit e skuadrës nuk kanë përjashtuar edhe një tjetër rikthim të bujshëm. Flitet se edhe Xhovani Kolela mund të ishte një zgjidhje. Ky i fundit aktualisht është pa një ekip, pasi vetëm pak ditë më parë mbylli aventurën e tij me Ferronikelin në Kosovë. Fakti që italiani e njeh mirë ambientin e kuq bën që drejtuesit të mendojnë për rikthimin e tij.

The post Partizani në udhëkryq, drejtuesit kërkojnë pasardhësin e Veselinoviç appeared first on Albeu.com.

Ky i fundit, nuk ngurroi të fliste hapur para kamerave të RTSH për problemet që kishin lindur tashmë në klubin e kuq si pasojë e lëvizjeve në merkato, ku ishin larguar lojtarët kyç të ekipit, ndërsa nuk kishte gati emrat që do t’i zëvendësonin. “Aktualisht nuk kemi cilësinë për të qenë konkurrentë”, tha mes të tjerash trajneri për një raport që i kishte dorëzuar drejtuesve të klubit, teksa lëshoi edhe një thumbim direkt ndaj tyre. “Nuk e di sa seriozisht e kanë marrë raportin njerëzit që ua kam dërguar atë”.

Më pas, para kamerave u shfaq edhe Gjelbrim Taipi, i cili ashtu si Veselinoviç, pranoi se ekipi ishte dobësuar shumë me largimet e janarit. “Klubi besoj po punon se e di që duhet të sjellë lojtarë sepse ambiciet janë të qëndrojë në vendet e para, kështu shpresoj dhe dëshira ime që deri në fund të merkatos të na vijnë lojtarë cilësorë”, tha mesfushori, duek lënë të kuptohet se vetë lojtarët nuk e shihnin si të mbyllur merkaton në hyrje.

Zakonisht, deklaratat pas ndeshjes publikohen në rrjetet sociale të klubit, por si për të konfirmuar se tashëm në klubin e kuq ka një krisje, është vendosur censurimi i tyre. Postimi i fundit i klubit është rezultati përfundimtar i ndeshjes, ku sigurisht nuk kanë munguar komentet dhe kritikat e tifozëve të cilët i kanë dalë hapur në krah Veselinoviç.

Tani pritet të shihet si do të rrjedhin ngjarjet në klubin e kuq, ku situata nuk duket aspak e qetë dhe jep shenjat e para të një revolucioni në pankinë që ka filluar të bëhet i zakonshëm te “demat” në vitet e fundit sapo trajnerët shfaqin publikisht pakënaqësitë që kanë.

The post Partizani “zhduk” Veselinoviç, censurohen deklaratat e trajnerit dhe Taipit me kritika për merkaton e klubit appeared first on Albeu.com.

Zyra e Sekretarit të Jashtëm të Mbretërisë së Bashkuar ka publikuar listën e 30 figurave të sanksionuara, që lidhen me krimin dhe korrupsionin nëpër botë, raporton Gazeta Express.

Në listë janë edhe biznesmeni Zvonko Veselinoviq, serb nga Kosova dhe Milan Radojçiq, që së fundmi mban postin e nënkryetarit të Listës Serbe.

“Milan Radojçiq, një biznesmen i industrisë së ndërtimit dhe nënkryetar i Listës Serbe. Radojciq ka përfituar nga keqpërdorimi i kontratave shtetërore dhe ka përdorur ndikimin e tij për t’u dhënë kompanive të tij të ndërtimin kontrata fitimprurëse”, thuhet në njoftim.

The post Mbretëria e Bashkuar sanksionon nënkryetarin e Listës Serbe dhe një biznesmen appeared first on Albeu.com.